ചങ്ങനാശേരി: എസ്.എൻ.ഡി.പി.യോഗം ചങ്ങനാശേരി യൂണിയന്റെ ആഭിമുഖ്യത്തിൽ എറണാകുളം മുക്തിഭവൻ കൗൺസലിംഗ് സെന്ററിന്റെ സഹകരണത്തോടുകൂടി യുവതി യുവാക്കൾക്കായി നടത്തുന്ന വിവാഹ പൂർവ കൗൺസലിംഗ് കോഴ്‌സിന്റെ അറുപതാമത് ബാച്ച് നാളെയും മറ്റന്നാളും മതുമൂല യൂണിയൻ മന്ദിര ഹാളിൽ നടക്കും. നാളെ രാവിലെ 9ന് യൂണിയൻ സെക്രട്ടറി സുരേഷ് പരമേശ്വരൻ ഉദ്ഘാടനം ചെയ്യും. യൂണിയൻ പ്രസിഡന്റ് ഗിരീഷ് കോനാട്ട് അദ്ധ്യക്ഷത വഹിക്കും. യൂണിയൻ വൈസ് പ്രസിഡന്റ് പി.എം. ചന്ദ്രൻ, ബോർഡ് മെമ്പർ എൻ. നടേശൻ, കോഴ്‌സ് കോ-ഓർഡിനേറ്റർ പി. അജയകുമാർ എന്നിവർ പങ്കെടുക്കും. വിവിധ വിഷയങ്ങൾ അവതരിപ്പിച്ചുകൊണ്ട് ഗ്രെയ്‌സ് ലാൽ, രാജേഷ് പൊന്മല, സുരേഷ് പരമേശ്വരൻ, അനൂപ് വൈക്കം, ഡോ. ശരത്ചന്ദ്രൻ, സജീവ് പൂവത്ത് എന്നിവർ ക്ലാസുകൾ നയിക്കും. അവിവാഹിതരായ യുവതി യുവാക്കളും , അടുത്ത കാലത്ത് വിവാഹിതരായ ദമ്പതികളും പങ്കെടുക്കണമെന്ന് യൂണിയൻ സെക്രട്ടറി സുരേഷ് പരമേശ്വരൻ അറിയിച്ചു. ഫോൺ: 0481-2420915, 9447780915.