ചങ്ങനാശേരി: നൂറ്റാണ്ടിന്റെ നിറവിലേക്ക് ചങ്ങനാശേരി മുൻസിഫ് കോടതി. ശതാബ്ദി ആഘോഷപരിപാടികളുടെ ഉദ്ഘാടനവും മുതിർന്ന അഭിഭാഷകരെ ആദരിക്കലും ഇന്ന് വൈകുന്നേരം 4ന് അരിക്കത്തിൽ ഓഡിറ്റോറിയത്തിൽ നടക്കും. ഹൈക്കോടതി ജസ്റ്റിസ് എ. ഹരിപ്രസാദ് ആഘോഷ പരിപാടികൾ ഉദ്ഘാടനം ചെയ്യും. ബാർ അസോസിയേഷൻ പ്രസിഡന്റ് അഡ്വ. റോയി തോമസ് അദ്ധ്യക്ഷത വഹിക്കും. കൊടിക്കുന്നിൽ സുരേഷ് എം.പി.മുഖ്യപ്രഭാഷണവും, സി.എഫ്.തോമസ് എം.എൽ.എ പ്രഭാഷണവും നടത്തും. 2020 വിഷൻ ആൻഡ് ഫോർകാസ്റ്റ് കോട്ടയം പ്രിൻസിപ്പൽ ജില്ലാ ആൻഡ് സെഷൻസ് ജഡ്ജ് സി.ജയചന്ദ്രൻ നിർവഹിക്കും. കോട്ടയം ചീഫ് ജുഡീഷ്യൽ മജിസ്‌ട്രേറ്റ് ഫിലിപ്പ് തോമസ്, നഗരസഭാ ചെയർമാൻ ലാലിച്ചൻ കുന്നിപ്പറമ്പിൽ, ചങ്ങനാശേരി മജിസ്‌ട്രേറ്റ് സിർഷ എ.എൻ, ചങ്ങനാശേരി മുൻസിഫ് ജെയ്ബി
കുര്യാക്കോസ്, വനംവികസന കോർപ്പറേഷൻ ചെയർമാൻ അഡ്വ.ജോർജ് തോമസ്, മുൻസിപ്പൽ വൈസ് ചെയർപേഴ്‌സൺ അംബിക വിജയൻ, അഡ്വ. സി.കെ.ജോസഫ്, അഡ്വ.പി.എസ്. മനോജ്, കെ.വി.സണ്ണി എന്നിവർ പങ്കെടുക്കും. ഇതിന്റെ ഭാഗമായി വിവിധ പരിപാടികളും നടക്കും.