തലയോലപ്പറമ്പ്: എസ്. എൻ. ഡി. പി. യോഗം കെ ആർ. നാരായണൻ സ്മാരക തലയോലപ്പറമ്പ് യൂണിയന്റെ ആസ്ഥാനമന്ദിരം വടകരയിൽ 23ന് രാവിലെ 10ന് യോഗം ജനറൽ സെക്രട്ടറി വെള്ളാപ്പള്ളി നടേശൻ ഉദ്ഘാടനം ചെയ്യും. പ്രീതി നടേശൻ ഭദ്രദീപ പ്രകാശനം നടത്തും. യൂണിയൻ പ്രസിഡന്റ് ഇ. ഡി. പ്രകാശൻ അദ്ധ്യക്ഷത വഹിക്കും. സെക്രട്ടറി അഡ്വ. എസ്.ഡി.സുരേഷ് ബാബു സ്വാഗതം പറയും.
വൈക്കം യൂണിയൻ പ്രസിഡന്റ് പി.വി.ബിനേഷ് ഗുരുദേവ ചിത്രം അനാഛാദനവും കണയന്നൂർ യൂണിയൻ ചെയർമാൻ മഹാരാജ ശിവാനന്ദൻ കോൺഫറൻസ് ഹാൾ ഉദ്ഘാടനവും നിർവഹിക്കും. യോഗം കൗൺസിലർ എ.ജി.തങ്കപ്പൻ സംഘടനാ സന്ദേശം നൽകും. യോഗം കൗൺസിലർ പി.ടി. മന്മഥൻ ശ്രീനാരായണ പഠനകേന്ദ്രം ഉദ്ഘാടനവും എ.വി.അശോകൻ ശിവഗിരിമഠം കെ.ആർ.നാരായണന്റെ ചിത്രം അനാച്ഛാദനവും യോഗം കൗൺസിലർ സി.എം.ബാബു മുഖ്യ പ്രസംഗവും കേന്ദ്ര വനിതാ സംഘം സെക്രട്ടറി അഡ്വ.സംഗീത വിശ്വനാഥൻ മൈക്രോ ഫിനാൻസ് വായ്പാ വിതരണവും നടത്തും. വടകര നോർത്ത് ശാഖയുടെ ഓഡിറ്റോറിയത്തിൽ ചേർന്ന ആഘോഷകമ്മിറ്റി യോഗം യൂണിയൻ സെക്രട്ടറി എസ് ഡി സുരേഷ് ബാബു ഉദ്ഘാടനം ചെയ്തു. പ്രസിഡന്റ് ഈ ഡി പ്രകാശൻ അദ്ധ്യക്ഷത വഹിച്ചു.പരിപാടികളുടെ വിജയത്തിനായി കെ എസ് അയ്യപ്പൻ കാഞ്ഞിരമറ്റം ആദ്യ സംഭാവന നൽകി. വൈസ് പ്രസിഡന്റ് രഞ്ജിത് രാജപ്പൻ, കെ എസ് അജേഷ്‌കുമാർ, രഞ്ജിത്ത് മഠത്തിൽ, യൂ എസ് പ്രസന്നൻ, കെ. ആർ. ബിജു, കെ എസ് സനീഷ്‌കുമാർ,സുലഭ സജീവ്, ബിനു വെളിയനാട്, അച്ചു ഗോപി അഡ്വക്കേറ്റ് പി വി സുരേന്ദ്രൻ, വിശ്വംഭരൻ, മുരളീധരൻ, സജീവ് കരിപ്പാടം, അനിമോൻ, വിജയൻ പാറയിൽ, വി കെ രഘുവരൻ, സുരേഷ് അമ്പാട്ട് വഴിയിൽ തുടങ്ങിയവർ സംസാരിച്ചു.