പാലാ: ശ്രീനാരായണ ഗുരുദേവ തൃക്കൈകളാൽ പ്രതിഷ്ഠിതമായ ഇടപ്പാടി ആനന്ദഷൺമുഖസ്വാമി ക്ഷേത്രത്തിലെ മകരപ്പൂയ മഹോത്സവത്തിന് ഫെബ്രുവരി 3ന് കൊടിയേറുമെന്ന് ക്ഷേത്ര യോഗം ഭാരവാഹികളായ അഡ്വ. കെ.എം. സന്തോഷ് കുമാർ, ഷാജി മുകളേൽ, സുരേഷ് ഇട്ടിക്കുന്നേൽ, പ്രദീപ് പ്ലാച്ചേരിൽ, അജി ഇടമറ്റം, ദിലീപ് ബോസ് എന്നിവർ അറിയിച്ചു.

അഷ്ടയോഗ സന്ദേശ സമ്മേളനങ്ങൾ, പ്രഭാഷണപരമ്പരകൾ, വിവിധ കലാപരിപാടികൾ, താലപ്പൊലി, കാവടി ഘോഷയാത്ര, ആറാട്ട് സദ്യ എന്നിവയാണു പ്രധാന പരിപാടികൾ.ഫെബ്രുവരി 3ന് രാത്രി 7.45 നും 8.45 നും മധ്യേ ശിവഗിരി മഠം ജനറൽ സെക്രട്ടറി സ്വാമി സാന്ദ്രാനന്ദ, സ്വാമി വേദ തീർത്ഥ, ക്ഷേത്രം തന്ത്രി സ്വാമി ജ്ഞാനതീർത്ഥ, മേൽശാന്തി സനീഷ് വൈക്കം എന്നിവരുടെ നേതൃത്വത്തിലാണ് കൊടിയേറ്റ്. കൊടിയേറ്റിനു ശേഷം ഭജന, പുഷ്പാഭിഷേകം, അത്താഴപൂജ, അന്നദാനം. 8.15ന് തിരുവരങ്ങിന്റെ ഉദ്ഘാടനം സിനിമാസീരിയൽ താരം ഗായത്രി നിർവഹിക്കും. തുടർന്ന് ജോബി നയിക്കുന്ന കോമഡി മെഗാഷോ. 4ന് പുലർച്ചെ 5.30ന് ഗണപതിഹോമം, ഗുരുപൂജ, ശിവപൂജ. 8.30ന് രഥത്തിൽ എഴുന്നള്ളത്ത്. 9ന് കലശവും കലശാഭിഷേകവും. 11.30ന് പ്രഭാഷണം. വൈകിട്ട് 6ന് കാഴ്ച ശ്രീബലി, 7.15ന് വിളിക്കിനെഴുന്നള്ളത്ത്. 8.30ന് അയിലം ഉണ്ണിക്കൃഷ്ണന്റെ കഥാപ്രസംഗം. 5 ന് രാവിലെ 10 മുതൽ ഭഗവത് ഗീതാപാരായണം .8ന് കുച്ചിപ്പുടി, 8.15 മുതൽ സംഗീതസദസ്. 6ന് രാവിലെ 8.30 ന് കാഴ്ചശ്രീബലി 10 മുതൽ അഷ്ടയോഗ സന്ദേശ സമ്മേളനം. രാത്രി 8.30 ന് നാടകം. 7ന് രാവിലെ 10.30 ന് അഷ്ടയോഗ സന്ദേശ സമ്മേളനം. രാത്രി 8ന് നാടൻപാട്ട് കളിയാട്ടം അരങ്ങേറും. 11ന് പള്ളിനായാട്ട് പുറപ്പാട്. ആറാട്ടുത്സവ ദിനമായ 8ന് പുലർച്ചെ 5.30ന് ഗണപതിഹോമം, ഗുരുപൂജ, ശിവപൂജ.9ന് പ്രഭാഷണം 11ന് ചാക്യാർകൂത്ത് മാണി വാസുദേവ ചാക്യാർ.ഉച്ചയ്ക്ക് 12 മുതൽ കിഴക്കിന്റെ പകൽപൂരം, കാവടി ഘോഷയാത്ര, കാവടി അഭിഷേകം, മഹാപ്രസാദമൂട്ട്, കൊടിയിറക്ക്. വൈകുന്നേരം 3ന് ആറാട്ടുപുറപ്പാട്, ഭരണങ്ങാനം വിലങ്ങുപാറക്കടവിൽ ആറാട്ട്. തുടർന്ന് ആറാട്ട് സദ്യ, ആറാട്ട് ഘോഷയാത്ര, ദേശതാലപ്പൊലി. 5ന് ഭരണങ്ങാനം ശ്രീകൃഷ്ണസ്വാമി ക്ഷേത്രകവാടത്തിൽ ആറാട്ട് ഘോഷയാത്രക്ക് സ്വീകരണം. 6ന് ഭരണങ്ങാനം ടൗണിൽ ആറാട്ടെതിരേൽപ്പ്, പാണ്ടിമേളം, 7.30ന് പ്രാർത്ഥനാ മഞ്ജരി, 9ന് നൃത്തവിസ്മയം, ആറാട്ട് വരവ്, ആറാട്ടുവിളക്ക്, വലിയകാണിക്ക ,കൊടിക്കീഴിൽ പറയെടുപ്പ് , കലശം, എന്നിവയാണ് പ്രധാന പരിപാടികൾ. മൂന്നാം തോട്, ഇടമറ്റം, മല്ലികശ്ശേരി, ഇടപ്പാടി , കീഴമ്പാറ, പാലാ ടൗൺ എന്നിവിടങ്ങളിൽ നിന്നുള്ള കാവടി ഘോഷയാത്രകൾ, ക്ഷേത്രസന്നിധിയിൽ ആറാട്ട് നാളിൽ സംഗമിക്കും.