4 കിലോ കഞ്ചാവ് പിടിച്ചെടുത്തു
അടിമാലി: കഞ്ചാവ് കടത്തിയ കേസിൽ നിയമവിദ്യാർത്ഥി ഉപ്പൾടെ മൂന്ന്പേർക്കെതിരെ എക്സൈസ് കേസെടുത്തു. അടിമാലി ചാറ്റുപാറ സ്വദേശി ഷാർവിൻ(25), വെള്ളത്തൂവ്വൽ സ്വദേശി മനുമണി (27), അടിമാലി മുത്താരം കുന്ന് സ്വദേശി സനിൽ (31) എന്നിവർക്കെയിരെയാണ് കേസ്. നവരിൽ നിന്നും 4 കിലോ കഞ്ചാവ് കണ്ടെടുത്തു..ഇടുക്കി എക്സൈസ് സ്‌പെഷൽ സ്‌ക്വോഡ് സർക്കിൾ ഇൻസ്പക്ടറും പാർട്ടിയും അടിമാലി പൊളിഞ്ഞ പാലം ഭാഗത്തു അർദ്ധ രാത്രിയിൽ നടത്തിയ റെയ്ഡിൽ ഷാർവിൻ പിടിയിലായത്.ഷാർവിൻ ഒന്നാം വർഷ നിയമ വിദ്യാർത്ഥിയാണ്. പ്രതികളായ സനിലും മനുമണിയും ഓടി രക്ഷപ്പെട്ടു. മനു അടിമാലി എക്സൈസ് സ്‌ക്വാഡിലെ ഒന്നര കിലോ കഞ്ചാവ് കേസിലേയും മറ്റ് കിമിനൽ കേസിലെയും പ്രതിയാണ്. സനിൽ മാഹി മദ്യം കടത്തിയ കേസിൽ പ്രതിയാണ്.എക്സൈസ് സർക്കിൾ ഇൻസ്പക്ടർ ടി.എൻ സുധീർ, ഇൻസ്പക്ടർ സുനിൽ ആന്റോ , പ്രിവന്റീവ് ആഫീസർ മാരായ സജിമോൻ, സുനിൽകുമാർ, വിശ്വനാഥൻ, സി.ഇ.ഒ മാരായ ജലീൽ സിജുമോൻ, അനൂപ് തോമസ്, രഞ്ജിത്ത്, ഡ്രൈവർ അഗസ്റ്റിൻ തോമസ് എന്നിവർ അടങ്ങിയ ടീമാണ് കേസെടുത്തത്.