ചങ്ങനാശേരി: എസ്.എൻ.ഡി.പി യോഗം ചങ്ങനാശേരി യൂണിയന്റെയും 59 ശാഖകളുടെയും നേതൃത്വത്തിൽ ആറാമത് ആനന്ദാശ്രമം തീർത്ഥാടനവും മകരച്ചതയ നവതി മഹോത്സവവും 25,26,27 തീയതികളിൽ ആനന്ദാശ്രമത്തിൽ നടക്കുമെന്ന് യൂണിയൻ പ്രസിഡന്റ് ഗിരീഷ് കോനാട്ട്, സെക്രട്ടറി സുരേഷ് പരമേശ്വരൻ, വൈസ് പ്രസിഡന്റ് പി.എം. ചന്ദ്രൻ, ശാഖാ പ്രസിഡന്റ് ടി.ഡി. രമേശൻ തടത്തിൽ, യൂണിയൻ കൗൺസിലർ എസ്. സാലിച്ചൻ, കമ്മിറ്റി അംഗം കെ.എസ്. അനിൽകുമാർ, ശാഖാ വൈസ് പ്രസിഡന്റ് ടി.എസ്. സജിത് റോയി തടത്തിൽ, ശാഖാ സെക്രട്ടറി ആർ. സന്തോഷ് രവിസദനം, അജി കെ.ജി കിഴക്കേപ്പറമ്പിൽ എന്നിവർ അറിയിച്ചു. ഇന്ന് ഉച്ചക്കഴിഞ്ഞ് 3 മുതൽ കൊടിക്കയർ സമർപ്പണ ഘോഷയാത്ര, തുടർന്ന്, കൊടിക്കൂറ സമർപ്പണം, വൈകിട്ട് 5ന് നടതുറക്കൽ, 6ന് പ്രാസാദശുദ്ധി, 6.30ന് വിശേഷാൽ ദീപാരാധന, 7.30ന് അത്താഴപൂജ, 7.45ന് ഗാനസന്ധ്യ.
നാളെ രാവിലെ 5ന് പള്ളിയുണർത്തൽ, 5.30ന് നിർമ്മാല്യദർശനം, 6ന് ഗണപതിഹോമം, 6.30ന് ഉഷപൂജ, 7ന് മഹാമൃത്യുഞ്ജയഹോമം, 7.30ന് കലശപൂജ, 8ന് കലശാഭിഷേകം തുടർന്ന് മാഞ്ഞൂർ വിനോദ് തന്ത്രിയുടെയും ക്ഷേത്രം ശാന്തി ജിബിലേഷ് ശാന്തിയുടെയും മുഖ്യകാർമ്മികത്വത്തിൽ കൊടിയേറ്റ്. 11ന് വിശേഷാൽ ഗുരുപൂജയ്ക്കുള്ള നിവേദ്യദ്രവ്യ സമർപ്പണം. 12ന് കൊടിമരച്ചുവട്ടിൽ പറ, 12.30ന് ഉച്ചപൂജ, ഉച്ചക്ക് 1ന് കൊടിയേറ്റ് സദ്യ.

ഉച്ചക്കഴിഞ്ഞ് മൂന്നിന് ആനന്ദാശ്രമം നവതി ആഘോഷങ്ങളുടെ ഉദ്ഘാടനം എസ്.എൻ.ഡി.പി യോഗം ജനറൽ സെക്രട്ടറി വെള്ളാപ്പള്ളി നടേശൻ നിർവഹിക്കും. യൂണിയൻ പ്രസിഡന്റ് ഗിരീഷ് കോനാട്ട് അദ്ധ്യക്ഷത വഹിക്കും. കൊടിക്കുന്നിൽ സുരേഷ് എം.പി മുഖ്യാതിഥിയായിരിക്കും. കുറിച്ചി അദ്വൈത വിദ്യാശ്രമം സെക്രട്ടറി സ്വാമി ധർമ്മ ചൈതന്യ അനുഗ്രഹപ്രഭാഷണം നടത്തും. സി.എഫ്. തോമസ് എം.എൽ.എ മുഖ്യപ്രഭാഷണം നടത്തും. ആനന്ദാശ്രമം ഒന്ന് എ പ്രസിഡന്റ് ടി.ഡി രമേശൻ നവതി ആഘോഷം അവലോകനം ചെയ്യും. യൂണിയൻ സെക്രട്ടറി സുരേഷ് പരമേശ്വരൻ നവതി സന്ദേശം നല്കും. യൂണിയൻ വൈസ് പ്രസിഡന്റ് പി.എം. ചന്ദ്രൻ, എസ്. സാലിച്ചൻ, ശോഭ ജയചന്ദ്രൻ, മാർട്ടിൻ സ്‌കറിയ, ബോബിന ഷാജി, അജിത് മോഹനൻ, പി.ഡി. മനോഹരൻ, ഓമന ബാബു, തങ്കമ്മ ദേവരാജൻ, സിബി പവിത്രൻ, ശിവ അജി, സൂര്യ രഘു, നന്ദന സജിത്ത് എന്നിവർ പങ്കെടുക്കും. സെക്രട്ടറി ഇൻചാർജ് ആർ. സന്തോഷ് രവിസദനം സ്വാഗതവും വൈസ് പ്രസിഡന്റ് ടി.എസ്. സജിത് റോയി തടത്തിൽ നന്ദിയും പറയും. വൈകിട്ട് 5ന് നടതുറക്കൽ, 6.30ന് വിശേഷാൽ ദീപാരാധന, 6.45ന് വിശേഷാൽ പൂജ, 7ന് അത്താഴ പൂജ, 7.15ന് ഭക്തിഗാനാമൃതം, 9 മുതൽ കുട്ടികളുടെ വിവിധ കലാപരിപാടികൾ.

26ന് രാവിലെ 5ന് പള്ളിയുണർത്തൽ, പതിവ് പൂജകൾ, 9 മുതൽ തീർത്ഥാടന ഘോഷയാത്ര, തുടർന്ന് തൃപ്പടിക്കാഴ്ച്ച, ഉച്ചക്ക് 1ന് മഹാപ്രസാദമൂട്ട്, വൈകിട്ട് 5ന് നടതുറക്കൽ, 6 മുതൽ താലപ്പൊലിഘോഷയാത്ര, വൈകിട്ട് 5ന് നടതുറക്കൽ, 6.30ന് വിശേഷാൽ ദീപാരാധന, 6.45ന് വിശേഷാൽ പൂജ, 7.30ന് അത്താഴപൂജ.
11ന് തീർത്ഥാടന സമ്മേളനം ശിവഗിരിമഠം, വിശ്വഗാജിമഠം മുഹമ്മ അസ്പർശാനാന്ദ സ്വാമികൾ ഉദ്ഘാടനവും അനുഗ്രഹപ്രഭാഷണവും നടത്തും. യൂണിയൻ പ്രസിഡന്റ് ഗിരീഷ് കോനാട്ട് അദ്ധ്യക്ഷത വഹിക്കും. യൂണിയൻ വൈസ് പ്രസിഡന്റ് പി.എം ചന്ദ്രൻ തീർത്ഥാടന സന്ദേശം നല്കും. യോഗം ഡയറക്ടർ ബോർഡ് അംഗം എൻ. നടേശൻ, യൂണിയൻ വനിതാ സംഘം പ്രസിഡന്റ് ശോഭാ ജയചന്ദ്രൻ, യൂണിയൻ വനിതാ സംഘം സെക്രട്ടറി രാജമ്മ ടീച്ചർ, യൂണിയൻ കൗൺസിലർമാരായ എസ്.സാലിച്ചൻ, പി. അജയകുമാർ, പി.ബി. രാജീവ്, പി.എൻ. പ്രതാപൻ, സുഭാഷ്, സി.ജി. രമേശ്, ആനന്ദാശ്രമം ശാഖാ വൈസ് പ്രസിഡന്റ് ടി.എസ്. സജിത്ത് റോയി, ആനന്ദാശ്രമം സെക്രട്ടറി ഇൻ ചാർജ് ആർ. സന്തോഷ് രവിസദനം, യൂത്ത്മൂവ്‌മെന്റ് യൂണിയൻ പ്രസിഡന്റ് അജിത് മോഹൻ, യൂത്ത്മൂവ്‌മെന്റ് യൂണിയൻ സെക്രട്ടറി അനിൽ കണ്ണാടി, വൈദിക സമിതി പ്രസിഡന്റ് ഷിബു ശാന്തികൾ എന്നിവർ പങ്കെടുക്കും. യൂണിയൻ സെക്രട്ടറി സുരേഷ് പരമേശ്വരൻ സ്വാഗതവും ആനന്ദാശ്രമം ശാഖാ പ്രസിഡന്റ് ടി.ഡി. രമേശൻ നന്ദിയും പറയും.

27ന് രാവിലെ 5ന് പള്ളിയുണർത്തൽ, പതിവ് പൂജകൾ, 7ന് മഹാശാന്തിഹവനയജ്ഞം, 8ന് നവതി പൂജ, 12ന് ഉച്ചപൂജ, ഉച്ചക്ക് ഒന്നിന് ചതയദിന പ്രസാദമൂട്ട്, വൈകിട്ട് 5ന് നടതുറക്കൽ, 6.30ന് വിശേഷാൽ ദീപാരാധന, 6.45ന് വിശേഷാൽ പൂജ, 7ന് മഹാതിലഹോമം, 7.15ന് അത്താഴപൂജ, 7.30ന് പുഷ്പാഭിഷേകം, തുടർന്ന് കൊടിയിറക്ക്, 8 മുതൽ കോമഡി മഹോത്സവം.

 തീർത്ഥാടന ഘോഷയാത്ര

രാവിലെ 10ന് തീർത്ഥാടന ഘോഷയാത്ര എസ്.എൻ.ഡി.പി യോഗം ശാഖാ നമ്പർ 60 പെരുന്ന, 59, 1348, തൃക്കൊടിത്താനം, 1797 പാലക്കുളം, 325 പായിപ്പാട്, 3221 നാലുകോടി, 3237 വെള്ളാപ്പള്ളി, 2805 ളായിക്കാട്, 3052 പൂവം, 4599 ദൈവപ്പറമ്പ് എന്നീ ശാഖകൾ 60-ാം നമ്പർ പെരുന്ന ശാഖയിൽ കേന്ദ്രീകരിച്ച് 10.30ന് പുറപ്പെട്ട് ആനന്ദാശ്രമത്തിൽ എത്തിച്ചേരും. രാവിലെ 10.30ന് 2404 പുഴവാത്, 3095 വെട്ടിത്തുരുത്ത്, 1165 പറാൽ, 2584 വാഴപ്പള്ളി, 3207 വടക്കേക്കര, 5229 ഗുരുകുലം, 61 തുരുത്തി, 1519 ഇത്തിത്താനം, 1265 കുറിച്ചി, 5500 ഗുരുശ്രീപുരം, 4892 കുഴിമറ്റം എന്നീ ശാഖകൾ യൂണിയൻ ഓഫീസിൽ കേന്ദ്രീകരിച്ച് 10.30ന് പുറപ്പെട്ട് 11.30ന് ആനന്ദാശ്രമത്തിൽ എത്തിച്ചേരും. രാവിലെ 10ന് 4893 പാത്താമുട്ടം വടക്ക്, 27 പാത്താമുട്ടം, 1688 ഇത്തിത്താനം, 4749 ചീരംചിറ, 5990 ഏനാചിറ, 774 മാടപ്പള്ളി എന്നീ ശാഖകൾ കൂനന്താനം ശാഖയിൽ കേന്ദ്രീകരിച്ച് 10.30ന് പുറപ്പെട്ട് 11.30ന് ആനന്ദാശ്രമത്തിൽ എത്തിച്ചേരും.