പാലാ : വാഹന പരിശോധനയ്ക്കായി നിറുത്തിയ കാർ ക്രെയിനിടിച്ച് തകർന്നു. പാലാ പൂഞ്ഞാർ ഹൈവേയിൽ ഭരണങ്ങാനത്തിനു സമീപം ഇന്നലെ 2.30 ഓടെയായിരുന്നു അപകടം. ഈരാറ്റുപേട്ട സ്വദേശി ഇല്യാസിന്റെ കാറാണ് തകർന്നത്. ക്രെയിൻ ഇടിച്ചതിനെ തുടർന്ന് കാർ മുൻപിലുണ്ടായിരുന്ന പിക്കപ്പിലും ഇടിച്ച് ഞെരിഞ്ഞമർന്നു. മോട്ടോർ വാഹന വകുപ്പ് പരിശോധനയ്ക്കായി ഇല്യാസിന്റ കാർ നിറുത്തിച്ചിരുന്നു. രേഖകളുമായി ഇല്ലാസ് പുറത്തിറങ്ങിയതിന് പിന്നാലെയാണ് പുറകെയെത്തിയ ക്രെയിൻ ഇടിച്ചത്.