പൊൻകുന്നം: ആർ.എസ്.എസ്. പൊൻകുന്നം സംഘജില്ലാ കാര്യാലയ സമർപ്പണം നടന്നു.അഖിലഭാരതീയ കാര്യകാരി, പ്രത്യേക ക്ഷണിതാവ് എസ്.സേതുമാധവൻ ഉദ്ഘാടനം ചെയ്തു.

സമ്മേളനത്തിൽ ജില്ലാ സംഘചാലക് കെ.എൻ.രാമൻ നമ്പൂതിരി അദ്ധ്യക്ഷനായി. വാഴൂർ തീർത്ഥപാദാശ്രമം മഠാധിപതി പ്രജ്ഞാനാനന്ദ തീർത്ഥപാദ സ്വാമി അനുഗ്രഹ പ്രഭാഷണം നടത്തി. സീമാജാഗരൺമഞ്ച് ദേശീയ സംയോജക് എ. ഗോപാലകൃഷ്ണൻ സഭാഗൃഹ സമർപ്പണവും ക്ഷേത്രീയ പ്രചാരക് പ്രമുഖ് പി.ആർ. ശശിധരൻ ഉപഹാര സമർപ്പണവും നടത്തി. ഗ്രന്ഥശാലയുടെ സമർപ്പണം മുൻ മിസോറാം ഗവർണർ കുമ്മനം രാജശേഖരൻ നിർവഹിച്ചു. യോഗാ ഹാളിന്റെ സമർപ്പണം കേരള പ്രാന്തപ്രചാരക് പി.എൻ. ഹരികൃഷ്ണകുമാർ നടത്തി.

ഹിന്ദുഐക്യവേദി സംസ്ഥാന അദ്ധ്യക്ഷ കെ.പി.ശശികല, കേരള മാർഗദർശകമണ്ഡൽ മുഖ്യകാര്യദർശി സ്വാമി സത്സ്വരൂപാനന്ദ, വാഴൂർ തീർത്ഥപാദാശ്രമം മുഖ്യകാര്യദർശി സ്വാമി ഗരുഡധ്വജാനന്ദതീർത്ഥപാദർ, ബി.എം.എസ്. സംസ്ഥാന പ്രസിഡന്റ് കെ.കെ. വിജയകുമാർ, ആർ.എസ്.എസ്. ജില്ലാകാര്യവാഹ് എ.ബി. ഹരികൃഷ്ണൻ, ട്രസ്റ്റ് സെക്രട്ടറി കെ.ജി.രാജേഷ് തുടങ്ങിയവർ സംസാരിച്ചു.