കോട്ടയം: എസ്.ഐ യെ പട്ടാപ്പകൽ നടുറോഡിൽ ആക്രമിച്ച രണ്ട് എസ്.എഫ്.ഐ പ്രവർത്തകർ അറസ്റ്റിൽ. എസ്.എഫ്.ഐ സംസ്ഥാന സമതി അംഗം അന്ത്യാളം തേരുംതാനത്ത് എൻ.ആർ. വിഷ്ണു(25), ജില്ലാ കമ്മറ്റി അംഗം അരുണാപുരം കീന്തനാനിക്കൽ അജയ് ജയൻ (22) എന്നിവരാണ് അറസ്റ്റിലായത്. കോടതിയിൽ ഹാജരാക്കിയ ഇരുവരെയും റിമാൻഡ് ചെയ്തു. അന്തീനാട് ക്ഷേത്രത്തിന് സമീപത്ത് നിന്നാണ് പാലാ സി .ഐ. യുടെ നേതൃത്വത്തിൽ ഇവരെ അറസ്റ്റ് ചെയ്തത്.
പാലായിൽ 23ന് വൈകുന്നേരം പോളിടെക്‌നിക്ക് വിദ്യാർത്ഥികൾ ഏറ്റുമുട്ടിയതിനെത്തുടർന്ന് സ്ഥലത്തെത്തിയ എസ്.ഐ. പി.കെ.മാണിയെ വിഷ്ണുവിന്റെ നേതൃത്വത്തിൽ അസഭ്യം വിളിക്കുകയും കൈയ്യറ്റം ചെയ്തിരുന്നു. സാമൂഹ്യ മാദ്ധ്യമങ്ങളിൽ വാർത്ത പ്രചരിച്ചതോടെ പൊലീസ് ഇവർക്കെതിരെ കേസ്സെടുക്കുകയായിരുന്നു.