കോട്ടയം: ആർ. ശങ്കർ സാംസ്കാരിക വേദിയുടെ ആഭിമുഖ്യത്തിൽ ഡോ.വി.ആശാലത രചിച്ച ശ്രീനാരായണ ഗുരു വ്യക്തിയും സന്ദേശവും ജീവചരിത്രങ്ങളെ ആസ്പദമാക്കി ഒരു പഠനം എന്ന പുസ്തകത്തെക്കുറിച്ചുള്ള ചർച്ച 31ന് വൈകിട്ട് 4ന് ഊട്ടി ലോഡ്ജി ഓഡിറ്റോറിയത്തിൽ നടക്കും. എസ്.പി.സി.എസ് എഡിറ്റർ മുഞ്ഞിനാട് പത്മകുമാർ യോഗം ഉദ്ഘാടനം ചെയ്യും. ആർ. ശങ്കർ സാംസ്കാരിക വേദി പ്രസിഡന്റ് എം.എസ്. സാബു അദ്ധ്യക്ഷത വഹിക്കും. കൈനകരി ഷാജി പുസ്തകാവതരണം നടത്തും. ബിജി കുര്യൻ, എൻ.പി. പ്രദീപ് കുമാർ, ഇ.എം. സോമനഥൻ, പി.കെ. ചിത്രഭാനു, ജി. ശ്രീകുമാർ, എം.ബി. സുകുമാരൻ നായർ, എം.കെ.ശശിയപ്പൻ, അഡ്വ.വി.വി പ്രഭ, ഡോ.വി.ആശാലത തുടങ്ങിയവർ പ്രസംഗിക്കും.