കോട്ടയം: പൗരത്വനിയമ ഭേദഗതിക്കെതിരെ ജില്ലാ കോൺഗ്രസ് കമ്മിറ്റിയുടെ നേതൃത്വത്തിൽ നടത്തുന്ന ജനകീയ പ്രക്ഷോഭ ജാഥ ഫെബ്രുവരി 1 ന് രാവിലെ 8:30ന് വൈക്കം കാട്ടിക്കുന്നിൽ മുൻ മുഖ്യമന്ത്രി ഉമ്മൻചാണ്ടി ഉദ്ഘാടനം ചെയ്യും. ഡി.സി.സി. പ്രസിഡന്റ് ജോഷി ഫിലിപ്പ് നയിക്കുന്ന 18 ദിവസം നീണ്ടുനിൽക്കുന്ന ജാഥ രണ്ടുഘട്ടങ്ങളിലായി പദയാത്രയായായി ജില്ലയിൽ പര്യടനം നടത്തും. ജാഥയോടനുബന്ധിച്ചുള്ള പൊതുസമ്മേളനങ്ങളിൽ കെ.പി.സി.സി. പ്രസിഡന്റ് മുല്ലപ്പള്ളി രാമചന്ദ്രൻ, പ്രതിപക്ഷ നേതാവ് രമേശ് ചെന്നിത്തല, എം.എം.ഹസൻ, എം.പിമാരായ കെ.മുരളീധരൻ, കൊടിക്കുന്നിൽ സുരേഷ്, ബെന്നി ബഹ്‌നാൻ, ആന്റോ ആന്റണി, ഡീൻ കുര്യാക്കോസ്, ഷാനിമോൾ ഉസ്മാൻ, വി.കെ.ശ്രീകണ്ഠൻ, എം.എൽ.എമാരായ തിരുവഞ്ചൂർ രാധാകൃഷ്ണൻ, കെ.സി.ജോസഫ്, വി.പി.സജീന്ദ്രൻ മറ്റു നേതാക്കളായ ജോസഫ് വാഴയ്ക്കൻ, കെ. ബാബു, ഷാഫി പറമ്പിൽ, പി.സി.വിഷ്ണുനാഥ്, ടോമി കല്ലാനി, ലതികാ സുഭാഷ്, ഡോ.പി.ആർ.സോന, ജയ്‌സൺ ജോസഫ്, സി.ആർ.മഹേഷ്, കുര്യൻ ജോയി, വി.എസ്.ജോയി, പി.എ.സലിം, ഫിലിപ്പ് ജോസഫ്, ബി.ബാബു പ്രസാദ്, നാട്ടകം സുരേഷ്, ജോസി സെബാസ്റ്റ്യൻ, പി.എസ്.രഘുറാം തുടങ്ങിയവർ പങ്കെടുക്കുമെന്ന് ജാഥാ ക്യാപ്ടനും ഡി.സി.സി പ്രസിഡന്റുമായ ജോഷി ഫിലിപ്പ് പത്രസമ്മേളനത്തിൽ അറിയിച്ചു.