സിഡ്‌നി: സ്വ​ർ​ണ​മാ​ണെ​ന്ന് ക​രു​തി ആസ്ത്രേലിയക്കാരനായ ഡേവിഡ് ഹോൾ സൂ​ക്ഷി​ച്ച​ത് കോ​ടി ക​ണ​ക്കി​ന് വ​ർ​ഷ​ങ്ങ​ൾ പ​ഴ​ക്ക​മു​ള്ള അ​പൂ​ർ​വ ഉ​ൽ​ക്കാ​ശി​ല. മെ​ൽ​ബ​ണി​ന് സ​മീ​പ​മു​ള്ള മേ​രി​ബ​റോ റീ​ജി​യ​ണ​ൽ പാ​ർ​ക്കി​ൽ നി​ന്നും 2015ലാണ് ഹോളിന് ഏ​റെ വി​ശി​ഷ്ട​മാ​യ ഈ ​ക​ല്ല് ല​ഭി​ച്ച​ത്. ക​ളി​മ​ണ്ണി​നോ​ട് ചേ​ർ​ന്ന് കി​ട​ന്ന ഈ ​ക​ല്ലി​നു​ള്ളി​ൽ സ്വർണത്തിന്റെ കാട്ടിയായിരിക്കാം ഉണ്ടാവുകയെന്ന് അ​ദ്ദേ​ഹം ക​രു​തി. സ്വ​ർ​ണ​ശേ​ഖ​ര​ത്തി​ന് ഏറെ പ്രശസ്തി നേടിയ സ്ഥലമായിരുന്നു ഇത്.

അതുകൊണ്ട്, ഈ പാറക്കല്ല് വീ​ട്ടി​ൽ കൊ​ണ്ട് വ​ന്ന ശേഷം ഗ്രൈ​ൻ​ഡ​ർ, ഗ്രി​ല്ല്, ഇ​രു​മ്പ് ചു​റ്റി​ക തു​ട​ങ്ങി​യ ഉ​പ​ക​ര​ണ​ങ്ങ​ൾ ഉ​പ​യോ​ഗി​ച്ച് പൊ​ട്ടി​ക്കു​വാ​ൻ അ​ദ്ദേ​ഹം പ​രി​ശ്ര​മി​ച്ചു​. എന്നാൽ പ​രാ​ജ​യ​മാ​യി​രു​ന്നു ഫ​ലം. പി​ന്നീ​ട് ഹോൾ കല്ല് ആ​സി​ഡി​ൽ മു​ക്കി​വയ്ക്കുകയാണ് ചെയ്തത്. എ​ന്നാ​ൽ ഇതിലും അ​ദ്ദേ​ഹം വീ​ണ്ടും പ​രാ​ജ​യ​പ്പെ​ട്ടു. പിന്നീട് ഏറെ വർഷങ്ങൾ വ​ർ​ഷ​ങ്ങ​ൾ​ കഴിഞ്ഞപ്പോഴാണ് ഇ​ത് ഉ​ൽ​ക്ക ശി​ല​യാ​ണെ​ന്ന് അ​ദ്ദേ​ഹ​ത്തി​ന് ബോദ്ധ്യ​പ്പെ​ട്ട​ത്.

17 കി​ലോ ഭാ​ര​മു​ണ്ട് ശിലയിൽ വ​ലി​യ തോ​തി​ൽ ഇരുമ്പ് അം​ശം അ​ട​ങ്ങി​യി​രി​ക്കു​ന്ന ശി​ല​യു​ടെ കു​റ​ച്ചു ഭാ​ഗ​മെ​ങ്കി​ലും പൊ​ട്ടി​ക്കു​വാ​ൻ സാ​ധി​ച്ച​ത് ഡ​യ​മ​ണ്ട് ഉ​പ​യോ​ഗി​ച്ചാ​ണ്. ആസ്ത്രേ​ലി​യ​യി​ലെ വി​ക്ടോ​റി​യ​യി​ൽ നി​ന്നും ക​ണ്ടെ​ത്തി​യ 17 അ​പൂ​ർ​വ​യി​നം ഉ​ൽ​ക്ക​ക​ളി​ൽ ഒ​ന്നാ​ണ് ഇ​ത്. കാ​ർ​ബ​ണ്‍ ഡേ​റ്റിം​ഗ് അ​നു​സ​രി​ച്ച് ഇ​ത് ഭൂ​മി​യി​ൽ വീ​ണി​ട്ട് 100 മു​ത​ൽ ആ​യി​രം വ​ർ​ഷം വ​രെ​യാ​കാ​മെ​ന്നാ​ണ് ശാസ്ത്രപഠനത്തിൽ വ്യക്തമായത്.