ഹെൽസിങ്കി: ലോകത്തിലെ ഏറ്റവും പ്രായം കുറഞ്ഞ പ്രധാനമന്ത്രിയായ സന്ന മരിൻ‌ തന്റെ രാജ്യത്തെ ജോലി സമയവും കുറയ്ക്കുന്നു. ഫിൻലൻഡിൽ ഇനി ജീവനക്കാർ ഇനി നാല് ദിവസം മാത്രം ജോലി ചെയ്താൽ മതിയാകും. ആറുമണിക്കൂർ വീതമുള്ള നാല് പ്രവൃത്തിദിനങ്ങളാണ് ഫിൻ‌ലാൻ‌ഡ് പ്രധാനമന്ത്രി സന്ന മരിൻ നിർദ്ദേശിച്ചിരിക്കുന്നത്. ഇപ്പോൾ എട്ട് മണിക്കൂർ വീതമുള്ള അഞ്ച് പ്രവൃത്തിദിനങ്ങളാണ് ഫിൻലാൻഡിൽ ഉള്ളത്.

ആറ് മണിക്കൂർ ദൈർഘ്യമുള്ള തൊഴിൽ സമയം പരീക്ഷണാടിസ്ഥാനത്തിൽ രാജ്യത്ത് നടപ്പിലാക്കാനാണ് സന്ന മരിന്റെ തീരുമാനം. ആറ് മണിക്കൂർ ദൈർഘ്യമുള്ള പ്രവൃത്തി ദിവസം ഇതിനകം ഫിൻ‌ലാൻഡിന്റെ അയൽരാജ്യമായ സ്വീഡനിൽ നടപ്പാക്കിയിരുന്നു. ഇത് നടപ്പാക്കി രണ്ട് വർഷത്തിനു ശേഷം, ജീവനക്കാർ സന്തോഷവതികളും ആരോഗ്യമുള്ളവരും കൂടുതൽ ഉത്പാദനക്ഷമതയുള്ളവരുമായിരുന്നുവെന്ന് തെളിഞ്ഞിരുന്നു.. ഇതിന്റെ അടിസ്ഥാനത്തിലാണ് ഫിൻലാൻഡിലും ഇത് നടപ്പാക്കുന്നത്..