കൊച്ചി: ഹ്യുണ്ടായിയുടെ പുത്തൻ സെഡാൻ മോഡലായ ഓറയുടെ ബുക്കിംഗ് ആരംഭിച്ചു. ജനുവരി 21നാണ് ഓറയുടെ ആഗോള ലോഞ്ചിംഗ്. 10,​000 രൂപ കൊടുത്ത് ഉപഭോക്താക്കൾക്ക് ഓറ ബുക്ക് ചെയ്യാം. ബി.എസ്-6 മലനീകരണ ചട്ടങ്ങൾ പാലിക്കുന്നതാണ് ഓറയുടെ പെട്രോൾ,​ ഡീസൽ എൻജിനുകൾ.

ബി.എസ്-6ൽ 1.2 ലിറ്റർ ഡീസൽ എൻജിൻ അവതരിപ്പിക്കുന്ന ആദ്യ കാർ നിർമ്മാതാക്കളാണ് ഹ്യുണ്ടായ്. 1.2 ലിറ്റർ പെട്രോൾ എൻജിൻ,​ 1.0 ലിറ്റർ ടർബോ എൻജിൻ എന്നിവയും ഓറയ്ക്കുണ്ട്. ആകർഷകമായ അഞ്ച് നിറങ്ങളിൽ ഓറ ലഭിക്കും. സെൻസസ് സ്‌പോർട്ടിനെസ് എന്ന വാക്കിനെയാണ് ഓറ പ്രതിനിധീകരിക്കുന്നതെന്ന് ഹ്യുണ്ടായ് സെയിൽസ്,​ സർവീസ് ആൻഡ് മാർക്കറ്രിംഗ് ഡയറക്‌ടർ തരുൺ ഗാർഗ് പറഞ്ഞു.