ഇസ്ലാമാബാദ്: ഗുരുനാനാക്കിന്റെ ജന്മസ്ഥലമായ പാകിസ്താനിലെ നങ്കന സാഹിബ് ഗുരുദ്വാര വളഞ്ഞ് ജനക്കൂട്ടം ഗുരുദ്വാരയ്ക്കുനേരെ കല്ലേറ് നടത്തി. ജനക്കൂട്ടം സിഖ് വിരുദ്ധ മുദ്രാവാക്യങ്ങളുമായി ഗുരുദ്വാര വളഞ്ഞതിന്റെ വീഡിയോ ദൃശ്യം അകാലിദൾ എം.എൽ.എ മഞ്ജീന്ദർ സിംഗ് സിർസ പുറത്തുവിട്ടു. സംഭവത്തിൽ ഉടൻ നടപടി സ്വീകരിക്കണമെന്ന് അദ്ദേഹം പാക് പ്രധാനമന്ത്രി ഇമ്രാൻ ഖാനോട് അഭ്യർത്ഥിച്ചു.. സംഭവത്തെ ഇന്ത്യൻ വിദേശകാര്യമന്ത്രാലയം ശക്തമായ പ്രതിഷേധം അറിയിച്ചു. സിഖ് വിഭാഗക്കാരുടെ സുരക്ഷ ഉറപ്പാക്കണമെന്ന് ഇന്ത്യ പാക് ഭരണകൂടത്തോട് നിർദ്ദേശിച്ചു.
നൂറുകണക്കിന് പേരാണ് വെള്ളിയാഴ്ച വൈകീട്ട് ഗുരുദ്വാര വളയുകയും കല്ലേറ് നടത്തുകയും ചെയ്തതെന്ന് വാർത്താ ഏജന്‍സി റിപ്പോര്‍ട്ടുചെയ്തു. ഗുരുദ്വാരയുടെ ചുമതലയുള്ള വ്യക്തിയുടെ മകളെ ഒരു ആൺകുട്ടി തട്ടിക്കൊണ്ടു പോയതുമായി ബന്ധപ്പെട്ട പ്രശ്‌നങ്ങളെത്തുടർന്നാണ് പ്രദേശവാസികൾ ഗുരുദ്വാര വളഞ്ഞതെന്നാണ് സൂചന. ആൺകുട്ടിയുടെ കുടുംബത്തിന്റെ നേതൃത്വത്തിലാണ് ജനക്കൂട്ടം സംഘടിച്ചത്.
LIVE Footage from Nankana Sahib where an angry Muslim mob is outside Gurdwara Sahib and raising anti-Sikh slogans
— Manjinder S Sirsa (@mssirsa) January 3, 2020
I urge @ImranKhanPTI Ji to take immediate action on such communal incidents that are increasing the insecurity in the minds of Sikhs of Pak@thetribunechd @PTI_News pic.twitter.com/IlxxBjhpO2
ഗുരുദ്വാര നങ്ക സാഹിബ് ജനക്കൂട്ടം വളഞ്ഞതിനെത്തുടർന്ന് വിശ്വാസികൾ ഇവിടെ കുടുങ്ങി. സംഭവത്തിൽ ഉടൻ ഇടപെടണമെന്ന് പഞ്ചാബ് മുഖ്യമന്ത്രി അമരീന്ദർ സിംഗും ഇമ്രാൻഖാനോട് ആവശ്യപ്പെട്ടു.. ഗുരുദ്വാരയിൽകുടുങ്ങിയ വിശ്വാസികളെ രക്ഷപ്പെടുത്തണമെന്നും ഗുരുദ്വാര സംരക്ഷിക്കണമെന്നും അദ്ദേഹം ആവശ്യപ്പെട്ടു.