കോഴിക്കോട്: യാത്രക്കാരുടെ തിരക്ക് കണക്കിലെടുത്ത് ആറ് ദീർഘദൂര ട്രെയിനുകളിൽ അധിക കോച്ചുകൾ താത്കാലികമായി അനുവദിച്ചു. കൊച്ചുവേളി - ഭവനഗർ - കൊച്ചുവേളി പ്രതിവാര എക്‌സ്‌പ്രസിൽ ഒരു സ്ളീപ്പർ കോച്ച്, പോർബന്തർ - കൊച്ചുവേളി - പോർബന്തർ പ്രതിവാര എക്‌സ്‌പ്രസിൽ ഒരു സ്ളീപ്പർ കോച്ചും ഒരു തേർഡ് എ.സി കോച്ചും, ജാംനഗർ - കൊച്ചുവേളി -ജാംനഗർ പ്രതിവാര എക്‌സ്‌പ്രസിൽ ഒരു തേർഡ് എ.സി കോച്ചുമാണ് അനുവദിച്ചത്.

ഭവനഗർ - കൊച്ചുവേളിയിൽ ജനുവരി 7 മുതൽ 28 വരെയും കൊച്ചുവേളി - ഭവനഗറിൽ 9 മുതൽ 30 വരെയും അധിക കോച്ചുകൾ ഉണ്ടാവും.

പോർബന്തർ-കൊച്ചുവേളി എക്‌സ്‌പ്രസിൽ ജനുവരി 9 മുതൽ 30 വരെയും കൊച്ചുവേളി-പോർബന്തറിൽ 12 മുതൽ ഫെബ്രുവരി രണ്ട് വരെയുമാണ് അധിക കോച്ചുകൾ ഉണ്ടാവുക. ജാംനഗർ-തിരുനെൽവേലിയിൽ 31വരെയും തിരുനെൽവേലി-ജാനംഗറിൽ 6 മുതൽ ഫെബ്രുവരി മൂന്ന് വരെയുമാണ് അധിക കോച്ചുകൾ ഘടിപ്പിക്കുക.