ഭോപ്പാൽ : പൗരത്വ നിയമ ഭേദഗതിയെ നടപ്പാക്കില്ലെന്ന് പറയുന്ന സംസ്ഥാനങ്ങളിൽ സർക്കാരിനെ പിരിച്ചുവിട്ട് രാഷ്ട്രപതി ഭരണം ഏർപ്പെടുത്താനാവുമെന്ന് ബി.ജെ.പി എം.പി ഉദയ് പ്രതാപ് സിംഗ്. നിയമം നടപ്പാക്കാൻ സംസ്ഥാനങ്ങൾ ബാദ്ധ്യസ്ഥമാണെന്നും എം..പി പറഞ്ഞു.

പൗരത്വ നിയമ ഭേദഗതി നടപ്പാക്കാൻ തയ്യാറാവാത്ത് സംസ്ഥാനങ്ങളിൽ രാഷ്ട്രപതി 356-ാം വകുപ്പു പ്രകാരമുള്ള അധികാരം പ്രയോഗിക്കണം. ഭരണഘടനാ തകർച്ചയുണ്ടായ സംസ്ഥാനങ്ങളിൽ രാഷ്ട്രപതിക്ക് ഇത്തരത്തിൽ ഇടപെടൽ നടത്താനാവുമെന്ന് ഉദയ് പ്രതാപ് സിംഗ് പറഞ്ഞു.

പൗരത്വ നിയമ ഭേദഗതി പിൻവലിക്കണമെന്നാവശ്യപ്പെട്ട് കേരള നിയമസഭ പാസാക്കിയ പ്രമേയം ദേശീയതലത്തിൽ ചർച്ചയായ പശ്ചാത്തലത്തിലാണ് ബി.ജെ.പി എംപിയുടെ പ്രതികരണം. കേരളത്തിനു പുറമേ ബംഗാൾ, പഞ്ചാബ്, ഛത്തിസ്ഗഢ് തുടങ്ങിയ സംസ്ഥാനങ്ങളും നിയമത്തിനെതിരെ രംഗത്ത് വന്നിട്ടുണ്ട്.

നിയമത്തിനെതിരെ പിന്തുണ തേടി കഴിഞ്ഞ ദിവസം കേരള മുഖ്യമന്ത്രി പിണറായി വിജയൻ ബി.ജെ.പി ഇതര സംസ്ഥാനങ്ങളിലെ മുഖ്യമന്ത്രിമാർക്ക് കത്ത് അയച്ചിരുന്നു.