ചെന്നൈ: തമിഴ്‌​നാട് നിയമസഭാ മുൻ സ്‌പീക്കറും മുതിർന്ന എ.ഐ.എ.ഡി.എം.കെ നേതാവുമായ പി.എച്ച്. പാണ്ഡ്യൻ (74)​ അന്തരിച്ചു. ഇന്നലെ രാവിലെ എട്ടരയോടെ രാമചന്ദ്ര ആശുപത്രിയിലായിരുന്നു അന്ത്യം.

എം.ജി രാമചന്ദ്രൻ മുഖ്യമന്ത്രിയായിരുന്ന 1985 മുതൽ 1987 വരെയാണ് പാണ്ഡ്യൻ തമിഴ്‌​നാട് നിയമസഭാ സ്‌പീക്കറായിരുന്നത്. എം.ജി.ആറിന്റെ മരണ ശേഷം പി.എച്ച് പാണ്ഡ്യൻ ജാനകി രാമചന്ദ്രന്റെ എ.ഐ.എ.ഡി.എം.കെ വിഭാഗത്തിൽ ചേർന്നു. പിന്നീട് ജയലളിത പക്ഷത്തെത്തി.

1999 മുതൽ 2004 വരെ തിരുനെൽവേലി എം.പിയായിരുന്നു. ഇതിനിടെ ജയലളിതയുടെ അടുത്ത സഹായിയായി അദ്ദേഹം മാറി.