തിരുവനന്തപുരം: റോട്ടറി ക്ലബ്‌ ഒഫ് ട്രിവാൻഡ്രം മെട്രോ, റോട്ടറി ഡിസ്ട്രിക്ട് 3211ന്റെ ഡിസ്ട്രിക്ട് പ്രൊജക്റ്റ്‌ റീച്ചിന്റെ (REACH ) ഭാഗമായി സംഘടിപ്പിക്കുന്ന "പ്ലാസ്റ്റിക്കിനോട് വിട" എന്ന പദ്ധതിയുടെ ഉദ്ഘാടനം ഇന്ന് വൈകിട്ട് 7.30ന് മന്ത്രി കടകംപള്ളി സുരേന്ദ്രൻ കവടിയാർ ടെന്നീസ് ക്ലബിൽ നിർവഹിക്കും. കരകുളം പഞ്ചായത്തിലെ കാച്ചാണി വാർഡ് പൂർണമായും മാലിന്യ വിമുക്തമാക്കി ഓരോ കുടുംബത്തിനും തുണിസഞ്ചികൾ വിതരണം ചെയ്യുന്ന പദ്ധതിയുടെ ഉദ്ഘാടനവും ഇതോടൊപ്പം നടക്കും. കരകുളം ഗ്രാമപഞ്ചായത്ത് പ്രസിഡന്റ് എം.എസ്. അനില, വാർഡ് മെമ്പർ വികാസ് ദിവാകരൻ, റോട്ടറി ഡിസ്ട്രിക്ട് പ്രോജക്ട് ചെയർമാൻ കെ.ജെ. രാജീവ്, അസിസ്റ്റന്റ് ഗവർണർ സി. ഷാജി, പ്രസിഡന്റ് ഡോ. ജേക്കബ് ഒളശയിൽ മാത്യു തുടങ്ങിയവരും പങ്കെടുക്കും.