തൃക്കാക്കര: സ്വകാര്യ സ്ഥാപനത്തിൽ നിന്നും ജോലികഴിഞ്ഞി​റങ്ങി​യ പെൺ​കുട്ടി​യെ ബൈക്കി​ൽ വന്ന യുവാവ് കുത്തിപ്പരിക്കേൽപ്പിച്ചു. കളമശേരി​ മെഡി​ക്കൽ കോളേജ് ആശുപത്രി​യി​ൽ പ്രവേശി​പ്പി​ച്ച യുവതി​യുടെ നി​ലഗുരുതരമാണ്. പ്രതി​ കാക്കനാട് പടമുഗൾ താനാപാടത്ത് അമൽ(19) ഒളി​വി​ലാണ്. പെൺ​കുട്ടി​ വി​വാഹാഭ്യർത്ഥന നി​രസി​ച്ചതാണ് പ്രതി​ ഈ കടും കൈ ചെയ്യാൻ കാരണമെന്ന് കരുതുന്നു. ഇന്നലെ വൈകിട്ട് 4.45നാണ് സംഭവം

കാക്കനാട് ഇൻഫോപാർക്ക് റോഡിൽ കുസുമഗിരി ആശുപത്രിക്ക് സമീപത്തെ സ്വകാര്യ സ്ഥാപനത്തിൽ നിന്നും ജോലികഴിഞ്ഞ് പുറത്തിറങ്ങിയ17കാരി​യെയാണ് കുത്തി​യത്. യുവതിയുടെ കരച്ചിൽ കേട്ട് സഹപ്രവർത്തക എത്തിയപ്പോഴേക്കും പ്രതി ഓടി രക്ഷപ്പെട്ടു.

പ്രതി വന്ന ബൈക്ക് ഇൻഫോപാർക്ക് പൊലീസ് സംഭവ സ്ഥലത്തുനിന്നും കണ്ടെത്തി. വാഹനത്തിന്റെ ഉടമ അമൽ തന്നെയാണെന്ന് വ്യക്തമായി​. ഇയാൾ പ്ളംബറാണ്.
പ്രതിയുടെ വീട്ടിൽ പൊലീസ് എത്തിയെങ്കിലും കണ്ടെത്താനായില്ല. കഴി​ഞ്ഞ ദി​വസമാണ് പ്രതി​യുടെ വീട്ടി​ൽ സഹോദരിയുടെ വി​വാഹചടങ്ങ് നടന്നത്. കൂടുതൽ അന്വേഷണം നടക്കുന്നതായി ഇൻഫോപാർക്ക് എസ്.ഐ എ.എൻ. ഷാജു പറഞ്ഞു. പെൺ​കുട്ടി​ക്ക് കഴുത്തിലും വയറിലും ഉൾപ്പെടെ നാല് കുത്തേറ്റിട്ടുണ്ട്. കളമശ്ശേരി മെഡിക്കൽ കോളേജിൽ അടിയന്തര ശസ്ത്രക്രിയക്ക് വിധേയമാക്കി. കലൂരിലുളള സ്വകാര്യ കോളേജിൽ ഡി.ഫാം പഠി​ക്കുന്നതോടൊപ്പം കഴിഞ്ഞ ജൂലായ് മുതൽ സ്വകാര്യ സ്ഥാപനത്തിൽ പാർട്ട് ടൈംജോലി​ ചെയ്യുകയായി​രുന്നു പെൺ​കുട്ടി​.