ന്യൂ​ഡ​ൽ​ഹി: ഇ​ന്ത്യ​യു​ടെ ആഭ്യന്തര ഉത്പാദന വളർച്ച ഈ വർഷം അ​ഞ്ച് ശ​ത​മാ​നം മാത്രമെന്ന് കേന്ദ്ര സർക്കാർ. മാ​ർ​ച്ചി​ൽ അ​വ​സാ​നി​ക്കു​ന്ന സാ​മ്പ​ത്തി​ക വ​ർ‌​ഷ​ത്തി​ൽ വ​ള​ർ​ച്ച അ​ഞ്ച് ശ​ത​മാ​ന​മാ​യി​രി​ക്കു​മെ​ന്ന് സ്ഥിതിവിവര, പദ്ധതി പ്രയോഗ മന്ത്രാലയത്തിന് കീഴിലുള്ള കേന്ദ്ര സ്റ്റാറ്റിസ്റ്റിക്കൽ ഓഫീസ്‌ പു​റ​ത്തു​വി​ട്ട ക​ണ​ക്കു​ക​ൾ പ​റ​യു​ന്നു. 2019ൽ ആഭ്യന്തര ഉത്പാദനത്തിൽ 6.8 ശ​ത​മാ​ന​മാ​യി​രു​ന്നു വ​ള​ർ​ച്ച. ഉ​ത്പാ​ദ​ന മേ​ഖ​ല​യി​ലാ​ണ് ഏ​റ്റ​വും വ​ലി​യ ത​ള​ർ​ച്ച സംഭവിക്കുക.

ഈ മേ​ഖ​ല​യി​ലെ വ​ള​ർ​ച്ച വെ​റും ര​ണ്ടു​ശ​ത​മാ​നം മാത്രമായിരിക്കുമെന്നാണ് ക​ണ​ക്കു​ക​ൾ വ്യ​ക്ത​മാ​ക്കു​ന്ന​ത്. ക​ഴി​ഞ്ഞ വ​ർ​ഷം ഇ​ത് 6.2 ശ​ത​മാ​ന​മാ​യി​രു​ന്നു. കാ​ർ​ഷി​ക മേ​ഖ​ല​യി​ലും നി​ർമാ​ണ, വൈ​ദ്യു​തി മേ​ഖ​ല​യി​ലും മാ​ന്ദ്യം ഉണ്ടായിട്ടുണ്ട്. എ​ന്നാ​ൽ‌ ഖ​ന​നം, പൊ​തു​ഭ​ര​ണം, പ്ര​തി​രോ​ധം തു​ട​ങ്ങി​യ മേ​ഖ​ല​ക​ളി​ൽ നേ​രി​യ വ​ള​ർച്ച​യും പ്ര​തീ​ക്ഷി​ക്കു​ന്നുണ്ട്. 2019ൽ നടന്ന സാമ്പത്തിക സർവേ പ്രകാരമുള്ള ഏഴ് ശതമാനത്തിന്റെ വളർച്ച നിലവിലെ കണക്കനുസരിച്ച് ഒരിക്കലും കൈവരിക്കാൻ സാധിക്കുകയില്ല.