ന്യൂഡൽഹി: ആക്രമണത്തിനിരായ ജെ.എൻ.യു വിദ്യാർത്ഥികളെ സന്ദർശിച്ച് ഐക്യദാർഢ്യം പ്രഖ്യാപിച്ച നടി ദീപിക പദുക്കോണിന്റെ പ​ര​സ്യചി​ത്രം കേ​ന്ദ്ര സ​ർക്കാർ പി​ൻ​വ​ലിച്ചു. കേ​ന്ദ്ര നൈ​പു​ണ്യ വി​ക​സ​ന മ​ന്ത്രാ​ല​യ​ത്തി​ന്റെ സ്‌കിൽ ഇ​ന്ത്യ​ക്കു വേ​ണ്ടി​യു​ള്ള പ്ര​മോ​ഷ​ണ​ൽ വീ​ഡി​യോ ആ​ണ് സർക്കാർ പിൻവലിച്ചത്. വീ​ഡി​യ ദൃ​ശ്യ​ങ്ങൾ കൂ​ടു​ത​ൽ പ​രി​ശോ​ധ​ന​യ്ക്കും വി​ല​യി​രു​ത്ത​ലി​നും വേ​ണ്ടി മാ​റ്റി വെ​ച്ചി​രി​ക്കു​ക​യാ​ണെ​ന്നാ​ണ് ഇതിൽ കേന്ദ്രം നൽകുന്ന വിശദീകരണം.

ആ​സി​ഡ് ആ​ക്ര​ണ​ത്തി​ന് ഇ​ര​യാ​യ​വ​രെ​ക്കു​റി​ച്ചും സ്കി​ൽ ഇ​ന്ത്യ​യെ​ക്കു​റി​ച്ചും ദീ​പി​ക സംസാരിക്കുന്നതാണ് വീഡിയോയിൽ ഉള്ളത്. കേ​ന്ദ്ര തൊ​ഴി​ൽ മ​ന്ത്രാ​ല​യ​ത്തി​ൽ ഉ​ൾപ്പ​ടെ ഈ ​പ്ര​മോ​ഷ​ണൽ വീ​ഡി​യോ പ്ര​ചാ​ര​ണ​ത്തി​ന് നൽ​കി​യി​രു​ന്നു. 45 മി​നി​റ്റ് ദൈ​ർ​ഘ്യ​മു​ണ്ടാ​യി​രു​ന്ന വീ​ഡി​യോ​യി​ൽ എ​ല്ലാ പൗ​ര​ൻ​മാ​ർക്കും തു​ല്യ അ​വ​കാ​ശ​ങ്ങ​ൾ ല​ഭി​ക്കേ​ണ്ട​തി​ന്റെ ആ​വ​ശ്യ​ക​ത​യെ​ക്കു​റി​ച്ചാ​ണ് സംസാരിക്കുന്നത്. ബു​ധ​നാ​ഴ്ച​യായിരുന്നി വീഡിയോ റി​ലീ​സ് ചെ​യ്ത​ത്. എ​ന്നാ​ൽ, ചൊ​വ്വാ​ഴ്ച രാ​ത്രി ദീ​പി​ക ജെ​.എൻ.​യു​വിൽ സ​മ​രം ചെ​യ്ത വി​ദ്യാ​ർഥി​ക​ൾക്ക് ഐക്യദാർഢ്യം പ്രഖ്യാപിച്ച് എത്തിയതോടെ വീഡിയോ പിൻവലിക്കുകയായിരുന്നു.

ദീപികയുടെ പുതിയ ചിത്രമായ ചാ​പ​കി​ൽ ഒ​രു ആ​സി​ഡ് ആ​ക്ര​ണ​ത്തി​ന്റെ ഇ​ര​യാ​യാ​ണ് അ​വ​ർ അ​ഭി​ന​യി​ക്കു​ന്ന​ത്. അ​തി​ന്റെ പ​ശ്ചാ​ത്ത​ല​ത്തി​ല്‍ ആ​സി​ഡ് ആ​ക്ര​മ​ണ​ത്തി​ന് ഇ​ര​യാ​യ​വ​രെ​ക്കു​റി​ച്ചും വീ​ഡി​യോ​യി​ൽ പ​റ​യു​ന്നു​ണ്ട്. പ്ര​മോ​ഷ​ണ​ൽ വീ​ഡി​യോ റി​ലീ​സ് ചെ​യ്യു​ന്ന​തി​ന് മു​മ്പ് ദീ​പി​ക ആ​സി​ഡ് ആ​ക്ര​മ​ണ​ത്തി​ന് ഇ​ര​യാ​യ​വ​രു​മാ​യി കൂ​ടി​ക്കാ​ഴ്ച ന​ട​ത്തി​യ​തി​നെ നൈ​പു​ണ്യ വി​ക​സ​നം മ​ന്ത്രാ​ല​യം അ​ഭി​ന​ന്ദി​ച്ചി​രു​ന്നു. എ​ന്നാ​ൽ ദീ​പി​ക​യു​മാ​യി സ്കി​ല്‍ ഇ​ന്ത്യ​യ്ക്ക് ഔ​ദ്യോ​ഗി​ക ക​രാ​ര്‍ ഒ​ന്നു​മി​ല്ലെ​ന്നാ​ണ് മ​ന്ത്രാ​ല​യം വി​ശ​ദീ​ക​ര​ണം നൽകുന്നത്.