സംസ്ഥാനത്തെ വിവാദമായ മരട് ഫ്ലാറ്റിന്റെ കഥ പറയുന്ന 'മരട് 357; എന്ന ചിത്രത്തിന്റെ ഫസ്റ്റ്ലുക്ക് പോസ്റ്റർ പുറത്ത്. പട്ടാഭിരാമന് ശേഷം കണ്ണൻ താമരക്കുളമാണ് ചിത്രം സംവിധാനം ചെയ്യുന്നത്. 'വിധി കഴിയുമ്പോൾ വിചാരണ തുടങ്ങുന്നു' എന്ന ടാഗ് ലൈനോടെയാണ് പോസ്റ്റർ പുറത്തിറക്കിയിരിക്കുന്നത്. മലയാളത്തിലെ പ്രമുഖ താരങ്ങളെ അണിനിരത്തിയാണ് ചിത്രമൊരുങ്ങുന്നതെന്നാണ് സൂചന.

അഞ്ചാം മൂവീസിന്റെ ബാനറിൽ അബ്രഹാം മാത്യു ആണ് ചിത്രം നിർമ്മിക്കുന്നത്. മരട് ഫ്ളാറ്റ് ഒഴിപ്പിക്കലും മറ്റുമായി ബന്ധപ്പെട്ട കഥ പറയുന്ന ചിത്രത്തിന്റെ തിരക്കഥ രചിച്ചിരിക്കുന്നത് ദിനേശ് പള്ളത്താണ്. ഛായാഗ്രഹണം രവി ചന്ദ്രനാണ്. കൈതപ്രം, മുരുകൻ കാട്ടാക്കട എന്നിവർ ഗാനരചന നിർവ്വഹിക്കുന്നു. ചിത്രത്തിന്റെ അണിയറപ്രവർത്തകരെ അഭിനന്ദിച്ച് നടൻ ആസിഫ് അലിയും ഫസ്റ്റ്ലുക്ക് പോസ്റ്റർ ഫേസ്ബുക്കിൽ പങ്കുവച്ചിട്ടുണ്ട്.