തൊടുപുഴ: വിവാഹിതയായ മകളുടെ കാമുനെ അച്ഛൻ കുത്തിക്കൊന്നു. തൊടുപുഴ അച്ചൻകോവിൽ സ്വദേശി സിയാദ് കോക്ക‌ർ (32)​ ആണ് മരിച്ചത്. യുവതിയുടെ വീട്ടിൽ ഇന്നലെ രാത്രി പതിനൊന്ന് മണിയോടെയാണ് സംഭവം. യുവതിയുടെ പിതാവ് സിദ്ദീഖ് ഒളിവിലാണ്.

യുവതിയുടെ കാമുകനും,​ അച്ഛനും തമ്മിലുണ്ടായ തർക്കത്തെത്തുടർന്നാണ് സിയാദിനെ കുത്തിയത്. വിവാഹിതയായ യുവതിയുമായി സിയാദ് അടുപ്പത്തിലായിരുന്നു. യുവതിയെ കാണാൻ ഇന്നലെ രാത്രി സിയാദ് വീട്ടിലെത്തിയിരുന്നു. ഇതേ തുടർന്ന് യുവതിയുടെ അച്ഛനുമായി വാക്കുതർക്കം ഉണ്ടാവുകയായിരുന്നു. ബഹളം കേട്ട് പരിസരവാസികളാണ് സിയാദിനെ ആശുപത്രിയിലെത്തിച്ചത്. പൊലീസ് സ്ഥലത്തെത്തി തെളിവുകൾ ശേഖരിച്ചു.