തുമ്പ: രഞ്ജി ട്രോഫി എലൈറ്ര് ഗ്രൂപ്പ് എയിൽ പഞ്ചാബിനെതിരെയും കേരളത്തിന് തകർച്ച. തുമ്പ സെന്റ് സേവ്യേഴ്സ് കോളേജ് ഗ്രൗണ്ടിൽ ടോസ് നേടി ബാറ്റിംഗിനിറങ്ങിയ കേരളം ഒന്നാം ഇന്നിംഗ്സിൽ 227 റൺസിന് ആൾൗട്ടായി. തുടർന്ന് ഒന്നാം ഇന്നിംഗ്സിനിറങ്ങിയ പഞ്ചാബ് ഒന്നാം ദിനം സ്റ്റമ്പെടുക്കുമ്പോൾ 46/2 എന്ന നിലയിലാണ്. 8 വിക്കറ്റ് കൈയിലിരിക്കേ ഒന്നാം ഇന്നിംഗ്സ് ലീഡ് നേടാൻ അവർക്ക് 182 റൺസ് കൂടി വേണം.

രാവിലെ മുൻനിര തകർന്നപ്പോൾ പതറാതെ ബാറ്ര് വീശിയ സൽമാൻ നിസാറാണ് (പുറത്താകാതെ 91)​ കേരളത്തെ ഇരുന്നൂറ് കടത്തിയത്. ക്യാപ്ടൻ റോബിൻ ഉത്തപ്പ (48)​ ഭേദപ്പെട്ട പ്രകടനം കാഴ്ചവച്ചു. അക്ഷയ് ചന്ദ്രൻ (28)​,​ വിഷ്ണു വിനോദ് (20)​ എന്നിവരാണ് അല്പമെങ്കിലും പിടിച്ചു നിന്ന മറ്ര് കേരള ബാറ്റ്‌സ്മാൻമാർ. 11 റൺസെടുക്കുന്നതിനിടെ ആദ്യ മൂന്ന് വിക്കറ്റുകൾ നഷ്ടമായ കേരളം ഒരുഘട്ടത്തിൽ 89/6 എന്ന നിലയിലായിരുന്നു. 157 പന്ത് നേരിട്ട് 10 ഫോറും 2 സിക്സും ഉൾപ്പട്ടതാണ് സൽമാന്റെ ഇന്നിംഗ്സ്. പഞ്ചാബിനായി സിദ്ധാർത്ഥ് കൗളും ബൽതേജ് സിംഗും വിനയ് ചൗധരിയും മൂന്ന് വിക്കറ്ര് വീതം വീഴ്ത്തി.

ഓപ്പണർമാരായ മർവാഹയുടേയും (16), സൻവീർ സിംഗിന്റെയും (1) വിക്കറ്റുകളാണ് പഞ്ചാബിന് ഇന്നലെ നഷ്ടമായത്. രണ്ട് വിക്കറ്രും എം.ഡി നിതീഷാണ് വീഴ്ത്തിയത്.