മുംബയ്: ഇന്ത്യയുടെ വിദേശ നാണയശേഖരം ജനുവരി മൂന്നിന് സമാപിച്ച വാരത്തിൽ സർവകാല റെക്കാഡ് ഉയരമായ 46,​115. 70 കോടി ഡോളറിലെത്തി. 368.90 കോടി ഡോളറാണ് ആ വാരത്തിൽ കൂടിയതെന്നാണ് റിസർവ് ബാങ്കിന്റെ കണക്ക്. തൊട്ടുമുമ്പത്തെ ആഴ്‌ചയിൽ 252 കോടി ഡോളറും കൂടിയിരുന്നു.

വിദേശ നാണയ ആസ്‌തി 301.30 കോടി ഡോളർ ഉയർന്ന് 42,​794.90 കോടി ഡോളറായി. ഡോളറിലാണ് സൂചിപ്പിക്കുന്നതെങ്കിലും പൗണ്ട്,​ യെൻ,​ യൂറോ എന്നിവയും വിദേശ നാണയ ശേഖരത്തിലുണ്ട്. ഇവയുടെ മൂല്യം ഉയരുമ്പോഴാണ് വിദേശ നാണയ ശേഖരവുമുയരുന്നത്.

$46,​115 കോടി

ജനുവരി മൂന്നിന് സമാപിച്ച വാരത്തിലെ കരുതൽ വിദേശ നാണയ ശേഖരം. ഇത് സർവകാല റെക്കാഡാണ്.

സ്വർണം

$66.6 കോടി

കരുതൽ സ്വർണശേഖരം 66.6 കോടി ഡോളർ ഉയർന്ന് 2,805.80 ഡോളറിലെത്തി.

വിദേശ കടവും

മേലോട്ട്

 2019 സെപ്‌തംബറിലെ കണക്കുപ്രകാരം ഇന്ത്യയുടെ വിദേശ കടം 55,​750 കോടി ഡോളർ

 കഴിഞ്ഞ മാർച്ചിനേക്കാൾ 2.9 ശതമാനം കൂടുതലാണിത്

 വിദേശകടം വർദ്ധിച്ചെങ്കിലും ഇന്ത്യയ്ക്ക് മികച്ച വിദേശ നാണയശേഖരം ഉള്ളതിനാൽ പ്രതിസന്ധിയില്ല.