ഹിന്ദുക്കളുടെ വിശ്വാസത്തെ വ്രണപ്പെടുത്തുന്ന രീതിയിൽ ഗണപതിയുടെ ചിത്രം പതിച്ച ചവിട്ടുമെത്തകൾ വിറ്റ സംഭവത്തിൽ ഓൺലൈൻ ഷോപ്പിങ് വെബ്‌സൈറ്റ് ആമസോണിനെതിരെ പ്രതിഷേധം ശക്തമാകുന്നു. ഗണപതിയുടെ ചിത്രത്തിന് പുറമെ ദേശീയ പതാകയുടെയും ചിത്രം പതിച്ച ചവിട്ടുമെത്തകളും ആമസോൺ വിറ്റതായി റിപ്പോർട്ടുണ്ട്. അതേസമയം ഉൽപ്പനങ്ങളിലൂടെ മതവികാരം വ്രണപ്പെടുത്താൻ ശ്രമിച്ചെന്ന ആരോപണം ഉയർത്തി ആമസൺ ബഹിഷ്കരിക്കണമെന്ന ആഹ്വാനവും സോഷ്യൽ മീഡിയയിൽ ഉയരുന്നുണ്ട്.
'ബോയ്കോട്ട് ആമസൺ' എന്ന ഹാഷ്ടാഗ് വ്യാപകമായി പ്രചരിപ്പിച്ചാണ് രോഷം പ്രകടിപ്പിക്കുന്നത്. നിലത്ത് വിരിക്കുന്നതും ശുചിമുറികളിൽ വിരിക്കുന്നതുമായ ചവിട്ടികളിലാണ് ഗണപതിയുടെ ചിത്രമുള്ളത്. ഇന്ത്യയുടെ ദേശീയപതാകയുടെ ചിത്രമുള്ളവയും ആമസോണിലുണ്ട്. ശക്തമായ പ്രതിഷേധത്തിന്റെ സാഹചര്യത്തിൽ ഉൽപ്പനങ്ങൾ ആമസോൺ നീക്കം ചെയ്തിട്ടുണ്ട്.
നേരത്തെയും മതവികാരം വ്രണപ്പെടുത്തുന്നുവെന്ന ആരോപണം ആമസോണിനെതിരെ ഉയരുന്നിരുന്നു. കഴിഞ്ഞ വർഷം മെയില്‍ ഹിന്ദു ദൈവങ്ങളുടെ ചിത്രങ്ങളുള്ള ടൊയ്‌ലറ്റ് സീറ്റ് കവറുകൾ ചവിട്ടികളും കണ്ടെത്തിയ സാഹചര്യത്തിൽ ആമസോണിനെതിരെ വൻ രോഷമാണ് ഉയർന്നമത്. 2017ൽ ഇന്ത്യൻ ദേശീയപതാകയുടെ ചിത്രമുള്ള ചവിട്ടികൾ വിറ്റ സംഭവവത്തിലും പ്രതിഷേധമുയർന്നിരുന്നു