ശ​ബ​രി​മ​ല: ക​ളി​യി​ക്കാ​വി​ളയിലെ ചെക്ക് പോസ്റ്റിൽ എ.എസ്.ഐയെ വെടിവച്ച് കൊലപ്പെടുത്തിയ സംഭവത്തെ തുടർന്ന് ശ​ബ​രി​മ​ല​യിൽ സു​ര​ക്ഷ കൂടുതൽ ശ​ക്ത​മാ​ക്ക​ണ​മെ​ന്ന് കേ​ന്ദ്ര ഇന്റ​ലി​ജൻ​സ് വിഭാഗത്തിന്റെ മുന്നറിയിപ്പ്. ഇ​തു​സ​ബ​ന്ധി​ച്ച അ​റി​യി​പ്പ് ഡി.ജി.പി ലോ​ക്‌​നാ​ഥ് ബെ​ഹ്റ​യ്​ക്ക് കേന്ദ്ര ആ​ഭ്യ​ന്ത​ര മ​ന്ത്രാ​ല​യം കൈ​മാ​റി. ഇതുകൂടാതെ ത​ന്ത്ര​പ്ര​ധാ​ന കേ​ന്ദ്ര​ങ്ങൾ, റെ​യിൽ​വേ സ്റ്റേ​ഷ​നു​കൾ അ​ട​ക്കം പ്ര​ത്യേ​ക നി​രീ​ക്ഷ​ണം വേ​ണ​മെ​ന്നും മു​ന്ന​റി​യി​പ്പിൽ പ​റ​യു​ന്നു.

ശ​ബ​രി​മ​ല​യിൽ സു​ര​ക്ഷ ശ​ക്ത​മാ​ക്കാൻ പ​ത്ത​നം​തി​ട്ട, കോ​ട്ട​യം എ​സ്.പിമാർ​ക്കും ശ​ബ​രി​മ​ല, പ​മ്പ, നി​ല​യ്ക്കൽ, എ​രു​മേ​ലി സ്‌​പെ​ഷ്യൽ ഓ​ഫീ​സർ​മാർ​ക്കും ഡി.ജി.പി നിർ​ദ്ദേ​ശം നൽ​കി. മുന്നറിയിപ്പിനെ തു​ടർ​ന്ന് ഡി.ജി.പി​യു​ടെ ചേംബറിൽ അ​ടി​യ​ന്ത​ര യോ​ഗം കൂ​ടി സു​ര​ക്ഷാ ന​ട​പ​ടി​കൾ വി​ല​യി​രു​ത്തി. സ​ന്നി​ധാ​ന​ത്തും പ​രി​സ​ര​ത്തു​മു​ള്ള പ്ര​ധാ​ന പോ​യിന്റു​ക​ളിൽ വി​വി​ധ സൈ​നി​ക വി​ഭാ​ഗ​ങ്ങ​ളെ വി​ന്യ​സിച്ചു.

ശ​ബ​രി​മ​ല, വ​ന​ത്തി​നു​ള്ളിൽ സ്ഥി​തി​ചെ​യ്യു​ന്ന ക്ഷേ​ത്ര​മാ​യ​തി​നാ​ലും ദർ​ശ​ന​ത്തി​ന് ഭ​ക്തർ​ക്ക് വ​ന​ത്തി​ലൂ​ടെ സ​ഞ്ച​രി​ക്കേ​ണ്ട​തി​നാ​ലും ഭ​ക്ത​രു​ടെ കൂ​ട്ട​ത്തി​ലേ​ക്ക് തീ​വ്ര​വാ​ദി​കൾ ക​ട​ന്നുകൂ​ടാൻ സാദ്ധ്യ​ത​ക​ളേ​റെ​യാ​ണെ​ന്ന് സു​ര​ക്ഷാ റി​പ്പോർ​ട്ടിൽ വ്യ​ക്ത​മാ​ക്കുന്നതായി സൂചനയുണ്ട്. ശ​ബ​രി​മ​ല​യി​ലെ​ത്തു​ന്ന വി​ദേ​ശ തീർ​ത്ഥാ​ട​ക​രു​ടെ വി​വ​ര​ങ്ങൾ ശേ​ഖ​രി​ക്ക​ണം, സ​ന്നി​ധാ​ന​ത്തേ​ക്കു​ള്ള വ​ന പാ​ത​യാ​യ പു​ല്ലു​മേ​ടിൽ പ​ട്രോ​ളിംഗ് ശ​ക്ത​മാ​ക്ക​ണം തു​ട​ങ്ങി​യ നിർ​ദ്ദേ​ശ​ങ്ങ​ളും നൽ​കി​യി​ട്ടു​ണ്ട്.

ഭ​ക്ത​രു​ടെ വേ​ഷ​ത്തിൽ തീ​വ്ര​വാ​ദി​കൾ ക്ഷേ​ത്ര​ത്തിൽ എ​ത്തു​മെ​ന്നും അ​തീ​വ​ജാ​ഗ്ര​ത പു​ലർ​ത്ത​ണ​മെ​ന്നും സു​ര​ക്ഷാ കാ​മ​റ​ക​ളു​ടെ പ്ര​വർ​ത്ത​ന​വും നി​രീ​ക്ഷ​ണ​വും ഉ​റ​പ്പാ​ക്ക​ണ​മെ​ന്നും സു​ര​ക്ഷാ റി​പ്പോർ​ട്ടിൽ വ്യ​ക്ത​മാ​ക്കു​ന്നു. വി​ഷ​യ​ത്തിൽ ത​മി​ഴ്​നാ​ട്, കർ​ണാ​ട​ക, ആ​ന്ധ്രാ​പ്ര​ദേ​ശ് എ​ന്നീ സം​സ്ഥാ​ന​ങ്ങ​ളി​ലെ ഡി.ജി.പി​മാ​രു​മാ​യി സം​സ്ഥാ​ന പൊ​ലീ​സ് മേ​ധാ​വി സു​ര​ക്ഷ നിർ​ദ്ദേ​ശ​ങ്ങൾ ചർ​ച്ച ചെ​യ്​തി​ട്ടു​ണ്ടെ​ന്നാ​ണ് സൂ​ച​ന. തി​ര​ക്ക് നി​യ​ന്ത്രി​ക്കാൻ ക​ഴി​യു​ന്ന ത​ര​ത്തിൽ പോയിന്റു​ക​ളാ​യി തി​രി​ച്ചു​ള്ള പൊ​ലീ​സ് വി​ന്യാ​സ​മാ​ണ് സ​ന്നി​ധാ​ന​ത്തൊ​രു​ക്കി​യി​രി​ക്കു​ന്ന​ത്. തീ​വ്ര​വാ​ദ​ ​- മാ​വോ​യി​സ്റ്റ് വി​ഭാ​ഗ​ങ്ങ​ളു​ടെ ഭീ​ഷ​ണി സാ​ദ്ധ്യ​ത​യു​ള്ള​താ​യി നേ​ര​ത്തേ പൊ​ലീ​സ് ഇന്റ​ലി​ജൻ​സ് റി​പ്പോർ​ട്ട് ഉ​ണ്ടാ​യി​രു​ന്നു. ഇ​തി​ന്റെ കൂ​ടി അ​ടി​സ്ഥാ​ന​ത്തിൽ ഏ​ത് അ​ടി​യ​ന്ത​ര സാ​ഹ​ച​ര്യ​വും നേ​രി​ടാ​നു​ള്ള ക്ര​മീ​ക​ര​ണ​ങ്ങളാണ് ഏർ​പ്പെ​ടു​ത്തി​യി​ട്ടു​ള്ളത്.

കേ​ര​ള പൊ​ലീ​സ്, കേ​ന്ദ്ര​സേ​ന​ക​ളാ​യ എൻ.ഡി.ആർ.എ​ഫ്, ആർ.എ.എ​ഫ്, ക​മാൻ​ഡോ​സ്, സ്‌​പെ​ഷ്യൽ ബ്രാ​ഞ്ചി​ന്റെ ബോം​ബ് ഡി​റ്റ​ക്ഷൻ സ്​ക്വാ​ഡ് എ​ന്നീ സേ​നാ​വി​ഭാ​ഗ​ങ്ങ​ളിൽ നി​ന്നു​ള്ള​വ​രെയാണ് സു​ര​ക്ഷ​യ്​ക്ക് ഒ​രു​ക്കിയിരിക്കുന്നത്. സ​ന്നി​ധാ​നം, വാ​വ​രു​ന​ട, പാ​ണ്ടി​ത്താ​വ​ളം, ബെ​യ്‌​ലി പാ​ലം, മ​ര​ക്കൂ​ട്ടം, ശ​രം​കു​ത്തി, വ​ലി​യ ന​ട​പ്പ​ന്തൽ, കാ​ന​നപാ​ത, തു​ട​ങ്ങി​യ ഇ​ട​ങ്ങൾ പൊലീസിന്റെ ശ​ക്ത​മാ​യ നി​രീ​ക്ഷ​ണ​ത്തി​ലാണ്.

സ​ന്നി​ധാ​ന​ത്ത് കൂ​ടു​തൽ പൊ​ലീ​സ്

മ​ക​ര​വി​ള​ക്ക് പ്ര​മാ​ണി​ച്ച് തി​ര​ക്ക് നി​യ​ന്ത്രി​ക്കു​ന്ന​തി​നും സുരക്ഷാ ഭിഷണി ഉയർന്ന സാഹചര്യത്തിലും സ​ന്നി​ധാ​ന​ത്തും പ​രി​സ​ര​ത്തും കൂ​ടു​തൽ പൊ​ലീ​സ് സേ​ന ഇ​ന്ന് രാ​വി​ലെ ചു​മ​ത​ല​യേ​റ്റു. 200 ഓ​ളം പൊ​ലീ​സ് ഉ​ദ്യോ​ഗ​സ്ഥ​​രെ​യാ​ണ് പു​തു​താ​യി തി​ര​ക്ക് നി​യ​ന്ത്രി​ക്കു​ന്ന ജോ​ലി​കൾ​ക്ക് മാ​ത്ര​മാ​യി വിന്യസിച്ചത്.

ര​ണ്ട് ഡി​വൈ.എ​സ്.പി​മാർ, മൂ​ന്ന് സി.ഐ.മാർ, 16 എ​സ്.ഐ​മാർ എ​ന്നി​വ​രെ​യും ഇ​തി​നാ​യി നി​യോ​ഗി​ച്ചി​ട്ടു​ണ്ട്. ഇ​ത് കൂ​ടാ​തെ സ​ന്നിധാ​ന​ത്ത് 1,475 പൊ​ലീ​സു​കാർ നി​ല​വിൽ ജോ​ലി​നോ​ക്കു​ന്നു​ണ്ട്. ഇ​തിൽ 15 ഡി​വൈ.എ​സ്.പി, 36 സി.ഐ, 160 എ​സ്.ഐ, എ.എ​സ്.ഐ​മാർ എ​ന്നി​വ​രും ഉൾപ്പെടും. 70 പേ​ര​ട​ങ്ങു​ന്ന ബോം​ബ് സ്​ക്വാ​ഡ് സ​ന്നി​ധാ​ന​ത്ത് എ​പ്പോ​ഴും പ്ര​വർ​ത്ത​ന നി​ര​ത​മാ​ണ്. പൊ​ലീ​സ് ടെ​ലി​ ക​മ്മ്യൂ​ണി​ക്കേ​ഷ​നി​ലും 20 പേ​രെ നി​യോ​ഗി​ച്ചി​ട്ടു​ണ്ട്. കേ​ര​ള പൊ​ലീ​സി​ലെ ക്വിക് റ​സ്‌​പോൺ​സ് ടീ​മും മ​ക​ര​വി​ള​ക്കി​ന് മു​ന്നോ​ടി​യാ​യി സ​ന്നി​ധാ​ന​ത്തെ​ത്തു​മെ​ന്ന് സ​ന്നി​ധാ​നം സ്‌​പെ​ഷൽ ഓ​ഫീ​സർ എ​സ്.സു​ജി​ത്ത്​ദാ​സ് പ​റ​ഞ്ഞു.

പ​ഴു​ത​ട​ച്ച സു​ര​ക്ഷാ ക്ര​മീ​ക​ര​ണ​ങ്ങ​ളാ​ണ് ഇ​ത്ത​വ​ണ​യും ഒ​രു​ക്കി​യി​ട്ടു​ള്ള​ത്. മ​ക​ര​വി​ള​ക്ക് ക​ഴി​ഞ്ഞശേ​ഷം ഭ​ക്തർ തി​രി​ച്ചി​റ​ങ്ങു​മ്പോൾ ഉ​ണ്ടാ​കാവു​ന്ന തി​ക്കും തി​ര​ക്കും നി​യ​ന്ത്രി​ക്കു​ന്ന​തി​ന് പ്ര​ത്യേ​ക പ​രി​ഗ​ണ​ന​യാ​ണ് പൊ​ലീ​സ് നൽ​കു​ന്ന​ത്. ബെ​യ്‌​ലി പാ​ലം വ​ഴി​യും കൊ​പ്രാ​ക്ക​ള​ത്തി​ന് മു​ന്നി​ലു​ള്ള റോ​ഡും വ​ഴി​യാ​ണ് ഭ​ക്തർക്ക് കൂ​ടു​ത​ലാ​യി പ​മ്പ​യി​ലേ​ക്ക് പോ​കാൻ സൗ​ക​ര്യ​മൊ​രു​ക്കു​ക. ഇ​തി​നാ​യി കൊ​പ്രാ​ക്ക​ള​ത്തി​ന് മു​ന്നി​ലു​ള്ള റോ​ഡ് ജെ.സി.ബി ഉ​പ​യോ​ഗി​ച്ച് വൃ​ത്തി​യാക്കു​ക​യാ​ണ്. കൂ​ടാ​തെ ഇ​വി​ടം മ​ണ്ണി​ട്ട് ഉ​യർ​ത്താ​നും തീ​രു​മാ​നി​ച്ചി​ട്ടു​ണ്ടെ​ന്ന് സ്‌​പെ​ഷൽ ഓ​ഫീ​സർ പ​റ​ഞ്ഞു.