പ​ര​ശു​രാ​മ​പ​തി​ ​സി​ഗ്ന​ൽ​ ​ജം​ഗ്ഷ​നി​ൽ​ ​അ​ന്ന് ​രാ​ത്രി​ ​ഒ​ൻ​പ​തു​മ​ണി​ ​ക​ഴി​ഞ്ഞ​ ​സ​മ​യ​ത്ത് ​ഉ​ണ്ടാ​യി​രു​ന്ന​ത് ​പ​ന്ത്ര​ണ്ടോ​ളം​ ​പേ​രാ​യി​രു​ന്നു.​ ​ചു​വ​ന്ന​ ​വെ​ളി​ച്ചം​ ​ത​ട​ഞ്ഞി​ടു​ക​യും​ ​പ​ച്ച​ ​വെ​ളി​ച്ചം​ ​കൈ​ ​വീ​ശി​ ​യാ​ത്ര​യാ​ക്കു​ക​യും​ ​ചെ​യ്ത​ ​വ​ണ്ടി​ക​ളി​ൽ​ ​ഇ​രി​ക്കു​ന്ന​ ​പു​രു​ഷാ​ര​ത്തെ​ ​ഈ​ ​ക​ണ​ക്കി​ൽ​ ​ഉ​ൾ​പ്പെ​ടു​ത്തി​യി​ട്ടി​ല്ല.

പ​ര​ശു​രാ​മ​പ​തി​യി​ലെ​ ​ഓ​ട്ടം​ ​പോ​യ​തി​ൽ​ ​ബാ​ക്കി​യാ​യ​ ​ര​ണ്ട് ​രാ​ത്രി​ ​വ​ണ്ടി​ക്കാ​ർ,​ ​ക​ള്ള​ൻ​ ​രാ​ജ​പ്പ​നും​ ​അ​വ​ന്റെ​ ​പ​ക​ലോ​ട്ടം​ ​ക​ഴി​ഞ്ഞു​ ​വി​ശ്ര​മി​ക്കു​ന്ന​ ​ഓ​ട്ടോ​റി​ക്ഷ​യും​ ​പൂ​ക്ക​ച്ച​വ​ട​ക്കാ​ര​ൻ​ ​സോ​മ​രാ​ജ​ൻ,​ ​ലോ​ട്ട​റി​ക്കാ​ര​ൻ​ ​വാ​റു​ണ്ണി,​ ​പ​ര​ശു​രാ​മ​പ​തി​ ​എ​സ്.​ബി.​ഐ​ ​ബ്രാ​ഞ്ചി​ലെ​ ​സെ​ക്യൂ​രി​റ്റി​ക്കാ​ര​ൻ​ ​യൂ​നു​സ് ​കു​ഞ്ഞ്,​ ​എ​ന്നി​വ​രൊ​ഴി​കെ​യു​ള്ള​ ​ആ​റു​പേ​ർ​ ​ആ​ത്മാ​ക്ക​ളാ​യി​രു​ന്നു.​ ​ശ​രി​ക്കും​ ​പ്രേ​താ​ത്മാ​ക്ക​ൾ.

ആ​ ​ആ​റു​പേ​ർ​ ​സി​ഗ്ന​ൽ​ ​ജം​ഗ്ഷ​ൻ​ ​സ്ഥാ​പി​ത​മാ​യ​തി​നു​ശേ​ഷം​ ​അ​വി​ടെ​ ​കാ​ലാ​കാ​ല​ങ്ങ​ളി​ലാ​യി​ ​ഉ​ണ്ടാ​യ​ ​അ​പ​ക​ട​ങ്ങ​ളി​ൽ​ ​കൊ​ല്ല​പ്പെ​ട്ട​വ​രാ​യി​രു​ന്നു.​ ​അ​വ​ര​ങ്ങി​നെ​ ​അ​വി​ടെ​ ​ഒ​ത്തു​കൂ​ടാ​റൊ​ന്നു​മി​ല്ല.​ ​പ​ക്ഷേ​ ​റോ​ഡ് ​സു​ര​ക്ഷാ​ ​വാ​ര​ത്തി​ന്റെ​ ​ഭാ​ഗ​മാ​യി​ട്ടാ​വ​ണം​ ​പ​ഞ്ചാ​യ​ത്ത് ​അ​ധി​കൃ​ത​ർ​ ​അ​ന്ന​വി​ടെ​ ​ഒ​രു​ ​വ​ലി​യ​ ​ഫ്ല​ക്‌​സ് ​ബോ​ർ​ഡ് ​സ്ഥാ​പി​ച്ചി​രു​ന്നു.​ ​അ​തി​ൽ​ ​ആ​റു​പേ​രു​ടെ​യും​ ​ഫോ​ട്ടോ​ ​ചേ​ർ​ത്തി​രു​ന്നു.​ ​താ​ഴെ​ ​അ​ടു​ത്ത​ത് ​നി​ങ്ങ​ളാ​വ​രു​ത് ​എ​ന്നൊ​രു​ ​അ​ടി​ക്കു​റി​പ്പും.​ ​ആ​ ​പ​ര​സ്യ​ ​പ്ര​ശ്‌​ന​ത്തി​ൽ​ ​കൗ​തു​കം​ ​പൂ​ണ്ടാ​ണ് ​പ്രേ​താ​ത്മാ​ക്ക​ൾ​ ​അ​ന്ന​വി​ടെ​ ​കൂ​ടാ​ൻ​ ​കാ​ര​ണം.

സോ​മ​രാ​ജ​ന്റെ​ ​ക​ട​യി​ലേ​ക്ക് ​ത​മി​ഴ​ൻ​ ​ലോ​റി​യി​ൽ​ ​വി​രു​ന്നു​വ​ന്ന​ ​ഒ​രു​ ​വ​ണ്ട് ​ക​ട​യി​ലെ​ ​മ​ല​യാ​ളം​ ​പാ​ട്ടി​ന് ​ബ​ദ​ലാ​യി​ ​ഇ​ന്ത​ ​മ​ല​യാ​ള​പ്പാ​ട്ടു​ക്ക​ളൊ​ന്നു​മേ​ ​എ​ന​ക്ക് ​തെ​രി​യാ​ത് ​എ​ന്ന് ​ത​മി​ഴ് ​മൂ​ളി​ക്കൊ​ണ്ടി​രു​ന്നു.​ ​രാ​ത്രി​ ​വ​ണ്ടി​ക്കാ​‌​ർ​ ​യാ​ത്ര​ക്കാ​രാ​രെ​ങ്കി​ലു​മൊ​ക്കെ​ ​എ​ത്തു​മെ​ന്ന​ ​പ്ര​തീ​ക്ഷ​യോ​ടെ​ ​ഓ​ട്ടോ​റി​ക്ഷ​ക​ളി​ൽ​ ​ത​ന്നെ​യി​രു​പ്പാ​ണ്.​ ​ലോ​ട്ട​റി​ക്കാ​ര​ൻ​ ​വാ​റു​ണ്ണി​ ​ക​ട​യ​ട​ക്കാ​നു​ള്ള​ ​ഒ​രു​ക്ക​ത്തി​ലാ​യി​രു​ന്നു.​ ​മു​ന്നി​ലു​ള്ള​ ​ചി​ല്ലു​കൂ​ട്ടി​ൽ​ ​നി​ര​ത്തി​വ​ച്ച​ ​ഭാ​ഗ്യ​ചി​ഹ്ന​​ങ്ങ​ളെ​ ​ഒ​ന്നു​നോ​ക്കി​ ​ചു​വ​രി​ൽ​ ​തൂ​ങ്ങി​ക്കി​ട​ന്ന​ ​ചി​ത്ര​ത്തി​ലെ​ ​യേ​ശു​ദേ​വ​നോ​ട് ​എ​ന്റെ​ ​ക​ർ​ത്താ​വേ​ ​എ​ന്ന് ​പ​രി​ത​പി​ച്ച് ​അ​യാ​ൾ​ ​അ​വ​സാ​ന​ത്തെ​ ​ഇ​ല​ക്ട്രി​ക് ​വി​ള​ക്കും​ ​അ​ണ​ച്ചു.​ ​പി​ന്നെ​ ​തി​രി​ച്ചു​വ​ന്ന് ​ക​ത്തി​കൊ​ണ്ടി​രു​ന്ന​ ​മെ​ഴു​കു​തി​രി​യും​ ​അ​ണ​ച്ച് ​ആ​രോ​ടെ​ന്നി​ല്ലാ​തെ​ ​പി​റു​പി​റു​ത്തു.
''എ​ല്ലാ​റ്റി​നും​ ​തീ​ ​വില​യാ​ണ്.""

യൂ​നു​സ് ​കു​ഞ്ഞ് ​ഹെ​ഡ് ​സെ​റ്റ് ​ചെ​വി​യി​ൽ​ ​കൊ​ള്ളി​ച്ച് ​മൊ​ബൈ​ലി​ൽ​ ​പാ​ട്ടു​കേ​ട്ടു​കൊ​ണ്ടി​രു​ന്നു.​ ​വാ​ട്സാ​പ്പി​ൽ​ ​ആ​രോ​ ​അ​യാ​ൾ​ക്ക​യ​ച്ച​ ​ഒ​രു​ ​അ​ശ്ലീ​ല​ ​വീ​ഡി​യോ​യും​ ​ത​ന്റെ​ ​വി​ട്ടു​മാ​റാ​ത്ത​ ​ന​ടു​വേ​ദ​ന​യും​ ​ഒ​ത്തു​ചേ​ർ​ന്ന​ ​ഒ​ട്ടൊ​രു​ ​വി​ഷാ​ദം​ ​അ​യാ​ളു​ടെ​ ​മു​ഖ​ത്ത് ​ഒ​ട്ടി​പ്പി​ടി​ച്ചു​നി​ന്നു.
ക​ള്ള​ൻ​ ​രാ​ജ​പ്പ​ൻ​ ​ക​ട​ത്തി​ണ്ണ​യി​ലെ​ ​നി​ഴ​ലി​ലി​രു​ന്ന് ​വെ​ളി​ച്ച​ത്തി​ലേ​ക്ക് ​നോ​ക്കി.​ ​ക​ഴി​ഞ്ഞ​ ​കു​റ​ച്ചു​കാ​ല​മാ​യി​ ​ഒ​ത്തു​കി​ട്ടാ​ത്ത​ ​ഒ​രു​ ​മോ​ഷ​ണ​ത്തി​ന്റെ​ ​നി​രാ​ശ​ ​ഷൗ​രം​ ​ചെ​യ്യാ​ത്ത​ ​മു​ഖ​ത്ത് ​ന​ര​ച്ചു​ക​ണ്ടു. ഇ​ത്ത​ര​മൊ​രു​ ​ബോ​‌​ർ​ഡ് ​വേ​ണ്ടീ​രു​ന്നി​ല്ല.​ ​ആ​ത്മാ​ക്ക​ളു​ടെ​ ​കൂ​ട്ട​ത്തി​ലെ​ ​ച​ന്ദ്ര​ൻ​ ​പ​റ​ഞ്ഞു.
ഈ​ ​മു​ന്ന​റി​യി​പ്പി​ലൊ​ന്നും​ ​കാ​ര്യ​മി​ല്ല.​ ​എ​ന്റെ​ ​കാ​ര്യം​ ​നോ​ക്ക് ​റോ​ഡ​രി​കി​ൽ​ ​നി​ന്ന​ ​എ​ന്നെ​ ​നി​യ​ന്ത്ര​ണം​ ​വി​ട്ട​ ​കാ​റ​ല്ലേ​ ​വ​ന്നി​ടി​ച്ച​ത്.​ ​എ​ന്നി​ട്ടി​പ്പോ​ ​പ​ഞ്ചാ​യ​ത്തു​കാ​ർ​ ​വ​ച്ച​ ​ബോ​‌​ർ​ഡ് ​വാ​യി​ച്ചാ​ ​തോ​ന്നും​ ​ന​മ്മ​ള് ​ചാ​വാ​ൻ​ ​തു​നി​ഞ്ഞി​റ​ങ്ങീ​താ​ന്ന്.

ഇ​രു​ന്നൂ​റ്റി​യ​മ്പ​ത് ​സി​സി​യു​ടെ​ ​ബൈ​ക്ക് ​അ​ടി​തെ​റ്റി​ ​വീ​ണ​തി​ൽ​ ​ര​ക്ത​സാ​ക്ഷി​യാ​ക്ക​പ്പെ​ട്ട​ ​അ​നൂ​പ് ​എ​ന്ന​ ​ചെ​റു​പ്പ​ക്കാ​ര​നൊ​ഴി​ച്ച് ​ബാ​ക്കി​ ​എ​ല്ലാ​വ​രും​ ​അ​തി​നോ​ട് ​യോ​ജി​ച്ചു.​ ​വാ​ഹ​ന​ങ്ങ​ൾ​ക്കി​ട​യി​ലൂ​ടെ​ ​ത​ല​ങ്ങും​ ​വി​ല​ങ്ങും​ ​വ​ണ്ടി​യോ​ടി​ച്ച​തി​ന്റെ​ ​ഒ​രു​ ​കു​റ്റ​ബോ​ധം​ ​അ​നൂ​പി​നു​ള്ളി​ൽ​ ​നി​റ​ഞ്ഞു.​ ​അ​തു​കൊ​ണ്ടാ​കാം​ ​അ​യാ​ൾ​ ​തു​ട​ക്ക​ത്തി​ൽ​ ​ച​ർ​ച്ച​ക​ളി​ൽ​ ​നി​ശ​ബ്ദ​ത​ ​പാ​ലി​ക്കു​ക​യാ​യി​രു​ന്നു.
ഇ​നി​ ​ ആ​രാ​ണാ​വോ​ ​ എ​ന്നൊ​രു​ ​ചോ​ദ്യം​ ​ അ​വ​ർ​ക്കി​ട​യി​ൽ​ ​ആ​ശ​ങ്ക​പ്പെ​ട്ടു​ ​നി​ന്ന​തു​പോ​ലെ​ ​തോ​ന്നി.

ആ​ ​സ​മ​യ​ത്താ​ണ് ​തെ​ക്കു​നി​ന്നും​ ​വ​ട​ക്കോ​ട്ട് ​തി​ര​ക്കി​ട്ടു​ ​പോ​കു​ന്ന​ ​ഒ​രു​ ​കെ.​എ​സ്.​ആ​‌​ർ.​ടി.​സി​ ​ബ​സ് ​സ്റ്റോ​പ്പി​ൽ​ ​വ​ന്ന് ​നി​ന്ന​ത്.​ ​അ​തി​ൽ​ ​കു​ത്തി​നി​റ​ക്ക​പ്പെ​ട്ട​ ​മ​നു​ഷ്യ​രി​ൽ​ ​നി​ന്നും​ ​തെ​റി​ച്ചു ​വീ​ണെ​ന്ന​ ​പോ​ലെ​യാ​ണ് ​അ​ഹ​ല്യ​ പു​റ​ത്തു​വ​ന്ന​ത്.​ ​പു​രു​ഷാ​ര​ത്തി​ന്റെ​ ​മേ​ലു​കീ​ഴു​ ​നോ​ട്ട​മി​ല്ലാ​ത്ത​ ​വി​യ​ർ​പ്പു​ ​കൊ​ട്ട​യി​ൽ​ ​നി​ന്നും​ ​വെ​ളി​യി​ലേ​ക്കി​ട്ട​തി​ന്റെ​ ​ആ​ശ്വാ​സ​ത്തി​ൽ​ ​അ​വ​ൾ​ ​ദീ​ർ​ഘ​മാ​യൊ​ന്നു​ ​ശാ​സി​ച്ചു.​ ​പി​ന്നെ​ ​ബാ​ഗി​ൽ​ ​നി​ന്നും​ ​മൊ​ബൈ​ൽ​ ​ഫോ​ണെ​ടു​ത്ത് ​ആ​രെ​യോ​ ​തി​ടു​ക്ക​ത്തി​ൽ​ വി​ളി​ച്ചു.​ ​പി​ന്നെ​ ​അ​വ​ളി​റ​ങ്ങി​യ​ ​അ​രി​കി​ലെ​ ​സി​ഗ്ന​ൽ​ ​ചു​വ​പ്പി​ന്റെ​ ​ബ​ല​ത്തി​ൽ​ ​ഒ​റ്റ​ ​ഓ​ട്ട​ത്തി​ന് ​ഒ​രു​ ​പ​കു​തി​ ​ക​ട​ന്ന് ​ജം​ഗ്ഷ​ന്റെ​ ​ന​ടു​ക്കു​വ​ന്നു​ ​നി​ന്നു.​ ​അ​ഹ​ല്യ​യ്ക്ക് ​അ​പ്പു​റ​ത്തെ​ത്താ​ൻ​ ​ര​ണ്ട് ​വ​രി​യു​ള്ള​ ​പ​കു​തി​ ​റോ​ഡ് ​കൂ​ടി​ ​ക​ട​ക്കേ​ണ്ട​തു​ണ്ട്.
അ​നൂ​പി​ന് ​ശ​ബ്ദം​ ​നി​ല​ച്ച​തു​പോ​ലെ​യാ​യി.​ ​മ​രി​ച്ച​തി​നു​ശേ​ഷം​ ​അ​വ​ൻ​ ​ആ​ദ്യ​മാ​യാ​ണ് ​അ​വ​ളെ​ ​കാ​ണു​ന്ന​ത്.

അ​തി​നു​മു​ൻ​പ് ​എ​ത്ര​യോ​ ​ത​വ​ണ​ ​ക​ണ്ടി​രി​ക്കു​ന്നു.​ ​അ​പ്പോ​ഴെ​ല്ലാം​ ​അ​വ​ന്റെ​ ​ചു​ണ്ട് ​ഉ​ണ​ങ്ങു​ക​യും​ ​തൊ​ണ്ട​ ​ശ​ബ്‌​ദ​ത്തി​നാ​യി​ ​തി​ര​യു​ക​യും​ ​ചെ​യ്‌​ത​താ​ണ്.​ ​ദൂ​രെ​ ​ എ​വി​ടെ​യോ​ ​ഒ​രു​ ​ന​ഗ​ര​ത്തി​ൽ​ ​മ​ത്സ​ര​പ്പ​രീ​ക്ഷ​യ്‌​ക്കു​ ​പോ​യി​ ​മ​ട​ങ്ങു​ക​യാ​യി​രു​ന്നു​ ​അ​വ​ൾ​ ​എ​ന്നു​ ​തോ​ന്നി.​ ​അ​വ​ളു​ടെ​ ​കൈ​യി​ൽ​ ​ഒ​രു​ ​ബോ​ൾ​ ​പോ​യി​ന്റ് ​പേ​ന​ ​ബാ​ഗി​ൽ​ ​വ​യ്‌​ക്കാ​ൻ​ ​മ​റ​ന്ന​തു​പോ​ലെ​ ​ത​ന്നെ​യു​ണ്ടാ​യി​രു​ന്നു.

ഒ​രേ​ ​സ​മ​യം​ ​ര​ണ്ട് ​വി​ഷ​മ​ത​ക​ളു​ടെ​ ​ന​ടു​വി​ലാ​യി​രി​ക്ക​ണം​ ​അ​വ​ൾ.​ ​അ​നൂ​പ് ​ചി​ന്തി​ച്ച​ത് ​ഇ​ങ്ങ​നെ​യാ​ണ്.​ ​എ​ഴു​തി​ത്തീ​ർ​ന്ന​ ​പ​രീ​ക്ഷ​യു​ടെ​ ​കി​ട്ടാ​നു​ള്ള​ ​മാ​ർ​ക്കി​ന്റെ​ ​ഉ​ത്ക​ണ്‌​ഠ​യും​ ​ഇ​രു​ട്ടി​ൽ​ ​ഇ​നി​ ​വീ​ട്ടി​ലെ​ത്താ​നു​ള്ള​ ​അ​ങ്ക​ലാ​പ്പും.
അ​വ​ളു​ടെ​ ​ദേ​ഹ​ത്തു​ള്ള​ ​ഇ​ത്തി​രി​സ്വ​‌​ർ​ണ​ത്തി​ള​ക്ക​വും​ ​രാ​ജ​പ്പ​ന്റെ​ ​സാ​ന്നി​ദ്ധ്യ​വും​ ​അ​നൂ​പി​നെ​ ​ഒ​ന്നു​കൂ​ടി​ ​സ​മ്മ​‌​ർ​ദ്ദ​ത്തി​ലാ​ഴ്‌​ത്തി​ ​ക​ള​ഞ്ഞു. അ​വ​ളി​പ്പോ​ൾ​ ​എ​ന്താ​യി​രി​ക്കും​ ​ആ​ലോ​ചി​ക്കു​ന്നു​ണ്ടാ​കു​ക.​ ​മു​മ്പെ​ല്ലാം​ ​അ​വ​ളെ​ ​മു​ഖാ​മു​ഖം​ ​എ​തി​രി​ടു​മ്പോ​ൾ​ ​അ​ത് ​ത​ന്നെ​ക്കു​റി​ച്ചാ​കു​മോ​ ​എ​ന്ന​വ​നു​ത്ക​ണ്ഠ​പ്പെ​ടാ​റു​ണ്ട്.​ ​ഒ​രു​ ​പി​ൻ​നോ​ട്ട​ത്തി​നാ​യി​ ​അ​വ​ൻ​ ​തി​രി​ഞ്ഞു​ ​നി​ന്നി​ട്ടു​ണ്ട്.

ഇ​ഷ്ട​മാ​ണേ​ ​പോ​യി​ ​പ​റ​യ​ടേ​ ​കൂ​വേ​ ​എ​ന്ന് ​ഇ​ട​ക്ക് ​നി​ർ​ത്തി​യ​തി​ൽ​ ​അ​മ​ർ​ഷം​ ​പൂ​ണ്ട് ​ബൈ​ക്ക് ​മു​ര​ണ്ടി​ട്ടു​ണ്ട്.
പ​ക്ഷേ,​ ​ഇ​ന്ന​തി​നൊ​ന്നും​ ​സാ​ദ്ധ്യ​ത​യി​ല്ല.​ ​ഒ​രു​പ​ക്ഷേ​ ​താ​നൊ​രാ​ണാ​യി​രു​ന്നെ​ങ്കി​ൽ​ ​എ​ന്നാ​ണെ​ങ്കി​ലോ.​ ​അ​വ​ന് ​വ​ല്ലാ​ത്ത​ ​കൗ​തു​കം​ ​തോ​ന്നി.​ ​ഇ​രു​ട്ട​ത്ത് ​ഒ​റ്റ​യ്‌ക്കാ​വു​ന്ന​ ​പെ​ണ്ണ് ​മ​റ്റെ​ന്ത് ​ചി​ന്തി​ക്കാ​നാ​ണ്.
അ​വ​നോ​ട് ​മ​റ്റൊ​രു​ ​പെ​ൺ​സു​ഹൃ​ത്ത് ​ക​ളി​യാ​യി​ ​പ​റ​ഞ്ഞി​രു​ന്നു.​ ​ന​മ്മു​ടെ​ ​നാ​ട്ടി​ൽ​ ​പെ​ണ്ണു​ങ്ങ​ൾ​ക്ക് ​ആ​ണാ​യി​രു​ന്നെ​ങ്കി​ലെ​ന്ന് ​ര​ണ്ട് ​സ​മ​യ​ത്തേ​ ​തോ​ന്നൂ.​ ​ഒ​ന്ന് ​പു​റ​ത്തു​വ​ച്ച് ​മൂ​ത്ര​മൊ​ഴി​ക്ക​ണ​മെ​ന്ന് ​തോ​ന്നു​മ്പോ​ൾ.​ ​രാ​ത്രി​ ​ഒ​റ്റ​യ്‌​ക്ക് ​സ​ഞ്ച​രി​ക്കു​മ്പോ​ഴും.
അ​വ​ന​വ​ളെ​ ​ഒ​ന്നു​കൂ​ടി​ ​സൂ​ക്ഷി​ച്ചു​നോ​ക്കി.​ ​ത​ല​യി​ൽ​ ​ചൂ​ടി​യ​ ​വാ​ടി​യ​ ​മു​ല്ല​പ്പൂ​ ​പോ​ലെ​ ​നീ​ല​ചു​രി​ദാ​റി​ൽ​ ​അ​വ​ള​ങ്ങ​നെ​ ​വാ​ടി​ ​നി​ല്പാ​ണ്.
പെ​ട്ടെ​ന്നാ​ണ് ​അ​വ​നി​തു​വ​രെ​ ​പ​റ​യാ​ത്തൊ​രു​ ​പ്ര​ണ​യം​ ​അ​വ​ൻ​പോ​ലു​മ​റി​യാ​തെ​ ​പ​ര​ശു​രാ​മ​പ​തി​ ​ജം​ഗ്ഷ​നി​ലെ​ ​ചു​വ​പ്പു​സി​ഗ്ന​ൽ​ ​ത​ടു​ത്തി​ട്ട​ ​ടോ​റ​സ് ​ലോ​റി​ക​ളെ​യും​ ​ക​ട​ന്ന് ​ഡീ​സ​ൽ​ ​പി​ടി​ച്ച​ ​വാ​യു​വി​ലൂ​ടെ​ ​അ​വ​ളു​ടെ​ ​ചു​മ​ലി​ൽ​ ​ഒ​രു​ ​രാ​ത്രി​ ​മു​ല്ല​യു​ടെ​ ​മ​ണ​മാ​യി​ ​ചെ​ന്ന് ​തൊ​ട്ട​ത്.
ഓ​ർ​ക്കാ​പ്പു​റ​ത്തൊ​രു​ ​മു​ല്ല​മ​ണം​ ​ത​ന്നെ​ ​തേ​ടി​ ​വ​ന്ന​ത് ​അ​വ​ളു​ടെ​ ​പെ​ൺ​മ​ന​സ് ​തി​രി​ച്ച​റി​യു​ക​യും​ ​പി​ന്നി​ലെ​ ​സോ​മ​രാ​ജ​ന്റെ​ ​പൂ​ക്ക​ട​യി​ലേ​ക്ക് ​ഒ​ന്ന് ​ക​ണ്ണെ​റി​യു​ക​യും​ ​ചെ​യ്തു.​ ​ത​മി​ഴ്നാ​ട്ടു​കാ​രാ​യ​ ​കു​റ്റി​മു​ല്ല​പ്പൂ​ക്ക​ൾ​ക്ക​പ്പു​റ​മി​രു​ന്ന​ ​സോ​മ​രാ​ജ​ന്റെ​ ​ക​ണ്ണു​ക​ൾ​ ​ത​ന്നി​ലേ​ക്കെ​ന്ന​റി​ഞ്ഞ് ​തെ​ല്ലു​ ​പ​ക​പ്പോ​ടെ​ ​അ​വ​ൾ​ ​പൊ​ടു​ന്ന​നെ​ ​പി​ൻ​തി​രി​ഞ്ഞു.

അ​ടു​ത്ത​ ​നി​മി​ഷം​ ​അ​വ​ൾ​ക്കാ​യി​ ​സി​ഗ്ന​ൽ​ ​വീ​ഴു​ക​യും​ ​അ​വ​ൾ​ ​ന​ട​ന്നു​ ​തു​ട​ങ്ങു​ക​യും​ ​ചെ​യ്തു.​ ​പ​ക്ഷേ​ ​ഇ​തൊ​ന്നും​ ​ത​നി​ക്ക് ​ബാ​ധ​ക​മ​ല്ലെ​ന്ന​ ​മ​ട്ടി​ലാ​ണ് ​ആ​ ​വെ​ള്ള​ക്കാ​റ് ​പാ​ഞ്ഞു​ ​വ​ന്ന​ത്.​ ​അ​ത​വ​ളെ​ ​ഇ​ടി​ച്ചി​ട്ട് ​ഒ​ന്നു​ ​പ​ക​ച്ച് ​പ​ത​റി​ ​നി​ര​ങ്ങി​യ​ ​ശേ​ഷം​ ​ര​ക്ഷ​പ്പെ​ട്ടു​പാ​ഞ്ഞു​പോ​കു​ക​യാ​യി​രു​ന്നു.​ ​പ​ര​ശു​രാ​മ​പ​തി​യി​ലെ​ ​ജീ​വ​നു​ള്ള​വ​രും​ ​അ​ല്ലാ​ത്ത​തു​മാ​യ​ ​മു​ഴു​വ​ൻ​ ​പേ​രും​ ​ഇ​തി​ന് ​അ​മ്പ​ര​പ്പോ​ടെ​ ​സാ​ക്ഷി​ക​ളാ​യി.

അ​താ​ ​വേ​റൊ​രാ​ൾ​...​ച​ന്ദ്ര​ന്റെ​ ​വി​ഹ്വ​ല​മാ​യ​ ​ശ​ബ്ദം​ ​അ​നൂ​പ് ​കേ​ട്ടു.​ ​ആ​ ​പെ​ൺ​കു​ട്ടി​ ​എ​ന്ത് ​പി​ഴ​ച്ചി​ട്ടാ​ണ്.​ ​പെ​ട്ടെ​ന്ന് ​ആ​ത്മാ​ക്ക​ളു​ടെ​ ​ച​ർ​ച്ച​ ​സ​ജീ​വ​മാ​യി.
സൈ​ക്കി​ളി​ൽ​ ​ലോ​റി​യി​ടി​ച്ച് ​മ​രി​ച്ച​ ​നാ​രാ​യ​ണേ​ട്ട​ൻ​ ​പ​റ​ഞ്ഞു.
''ആ​ ​പെ​ണ്ണി​ന്റെ​ ​കാ​ര്യം​ ​പോ​ക്കാ.​ ​രാ​ത്രീ​ല് ​വ​ണ്ടി​യി​ടി​ച്ചാ​ ​പി​ന്നെ​ ​തീ​ർ​ന്നു.​ ​അ​പ്പു​റ​ത്തൊ​രു​ ​ടോ​ൾ​പ്ലാ​സ​യും.​ ​ടോ​ൾ​ ​പി​രി​വു​കാ​രു​മു​ണ്ട് ​എ​ന്ന് ​പ​റ​ഞ്ഞി​ട്ടൊ​രു​ ​കാ​ര്യ​വു​മി​ല്ല.​ ​അ​വി​ടു​ത്തെ​ ​ആം​ബു​ല​ൻ​സ് ​എ​ന്നും​ ​കേ​ടാ​ണ്.​ ​ഇ​പ്പ​ ​ന്റെ​ ​കാ​ര്യം​ ​ത​ന്നേ​ടു​ക്ക്.​"" ​നാ​രാ​യ​ണേ​ട്ട​ൻ​ ​തെ​ല്ല് ​നി​ശ​ബ്ദ​നാ​യി.
ഒ​ന്ന​ര​മ​ണി​ക്കൂ​റ​ല്ലേ​ ​കെ​ട​ന്ന​ ​കെ​ട​പ്പ് ​കെ​ട​ന്ന​ത്.​ ​ആ​രും​ ​കാ​ണാ​ത്തോ​ണ്ട്വ​ന്ന​ല്ല.​ ​എ​ത്ര​യോ​ ​വ​ണ്ടി​ക്കാ​ര് ​ക​ണ്ടി​ട്ടു​ണ്ടാ​വും.​ ​കൊ​ണ്ടോ​യാ​ ​തൊ​ല്ല​യാ​ണ്.​ ​അ​ത​ന്നെ.

പെ​ട്ടെ​ന്നു​ണ്ടാ​യ​ ​സം​ഭ​വ​ങ്ങ​ളി​ൽ​ ​അ​മ്പേ​ ​പ​ക​ച്ചു​പോ​യ​ ​അ​നൂ​പി​ന് ​അ​ല്പ​സ​മ​യം​ ​ആ​ലോ​ച​ന​യേ​ ​ഉ​ണ്ടാ​യി​രു​ന്നി​ല്ല.​ ​പി​ന്നീ​ട​വ​ൻ​ ​ക​രു​തി​ ​അ​ങ്ങ​നെ​യാ​വാ​ൻ​ ​വ​ഴി​യി​ല്ല.​ ​ഇ​ത്ര​യും​ ​മ​നു​ഷ്യ​ജീ​വി​ക​ൾ​ ​ഇ​വി​ടെ​യി​ല്ലേ.​ ​അ​വ​രൊ​രു​ ​പെ​ൺ​കു​ട്ടി​ ​മ​രി​ച്ചു​കാ​ണാ​ൻ​ ​ആ​ഗ്ര​ഹി​ക്കു​മോ​ ​അ​ങ്ങ​നെ​ ​നോ​ക്കി​ ​നി​ൽ​ക്കാ​ൻ​ ​അ​വ​ർ​ക്കാ​കു​മോ.
ഇ​പ്പോ​ൾ​ ​പെ​ൺ​കു​ട്ടി​ക്ക് ​ചു​റ്റും​ ​നേ​രി​യൊ​രാ​ൾ​ക്കൂ​ട്ട​മു​ണ്ട്.
ഭാ​ഗ്യം​ ​ആ​രോ​ ​അ​വ​ളെ​ ​എ​ടു​ത്തു​യ​ർ​ത്തു​ന്നു​ണ്ട്.​ ​അ​വ​ൾ​ ​വാ​ടി​യ​ ​താ​മ​ര​ത്ത​ണ്ടു​പോ​ലെ​ ​കി​ട​ക്കു​ന്നു.​ ​അ​വ​ൾ​ക്കെ​ന്താ​ണ് ​പ​റ്റി​യി​രി​ക്കു​ക.​ ​അ​നൂ​പ​ന് ​ഉ​ത്ക​ണ്ഠ​ ​ഏ​റി​വ​ന്നു.​ ​പ​ര​ശു​രാ​മ​ ​പ​തി​യി​ലെ​ ​ഫ്ല​ക്‌​സ് ​ബോ​ർ​ഡി​ലേ​ക്ക് ​അ​വ​ളും​ ​വ​ന്നു​ ​ചേ​രു​മോ.
അ​വി​ടെ​ ​കൂ​ടി​യ​വ​ർ​ ​അ​വ​ളെ​ ​താ​ങ്ങി​പ്പി​ടി​ച്ച് ​ഒ​രു​ ​വ​ണ്ടി​യി​ൽ​ ​ക​യ​റ്റി.​ ​രാ​ത്രി​ ​വ​ണ്ടി​ക്കാ​രി​ലൊ​രാ​ൾ​ ​വ​ണ്ടി​യെ​ടു​ത്തി​രി​ക്കു​ന്നു.​ ​പ​ക്ഷേ​ ​അ​വ​ർ​ക്കി​ട​യി​ൽ​ ​ഒ​രു​ ​ത​ർ​ക്കമു​ള്ള​തു​പോ​ലെ​ ​തോ​ന്നി.​ ​ആ​രാ​ണ് ​കൂ​ടെ​ ​പോ​രു​ക.
രാ​ത്രി​വ​ണ്ടി​ക്കാ​ര​ൻ​ ​അ​ക്ഷ​മ​യോ​ടെ​ ​ചു​റ്റും​ ​കൂ​ടി​യ​വ​രെ​ ​നോ​ക്കി.​ ​''ആ​രെ​ങ്കി​ലും​ ​വ​ര​ണം​ ​ഞാ​നൊ​റ്റ​യ്ക്ക് ​കൊ​ണ്ടോ​വി​ല്ല.​""
​അ​യാ​ൾ​ ​ക​ട്ടാ​യം​ ​പ​റ​ഞ്ഞു.​ ​ത​ർ​ക്കം​ ​നീ​ളു​ന്ന​തി​നി​ടെ​യാ​ണ് ​അ​നൂ​പി​നെ​യും​ ​മ​റ്റാ​ത്മാ​ക്ക​ളെ​യും​ ​ഞെ​ട്ടി​ച്ചു​കൊ​ണ്ട് ​ക​ള്ള​ൻ​ ​രാ​ജ​പ്പ​ൻ​ ​ത​ന്റെ​ ​ഓ​ട്ടോ​റി​ക്ഷ​യു​മാ​യി​ ​വ​ന്ന​ത്.
''ഒ​രാ​ളെ​ങ്കി​ലും​ ​ത​യ്യാ​റാ​യ​ല്ലോ.​ ​എ​നി​ക്ക് ​വ​യ്യാ​ഞ്ഞി​ട്ടാ​ണ്.​ ​വാ​ത​ത്തി​ന്റെ​ ​അ​സു​ഖോ​ണ്ട്.​ ​പ്രാ​യാ​യി​ല്ലേ...​ആ​ശു​പ​ത്രീ​ലൊ​ക്കെ​ ​പോ​യി​ ​തൂ​ങ്ങി​പ്പി​ടി​ച്ച് ​നി​ൽ​ക്കാ​ൻ​ ​വ​യ്യ.""
ലോ​ട്ട​റി​ക്ക​ച്ച​വ​ട​ക്കാ​ര​ൻ​ ​ആ​രോ​ടെ​ന്നി​ല്ലാ​തെ​ ​പ​റ​ഞ്ഞു.​ ​രാ​ജ​പ്പ​ൻ​ ​അ​ഹ​ല്യ​യു​മാ​യി​ ​ഒ​റ്റ​ക്ക് ​ആ​ശു​പ​ത്രി​യി​ലേ​ക്ക് ​പാ​യു​ന്ന​ത് ​ക​ണ്ടു.​ ​ആ​ത്മാ​ക്ക​ളി​ലാ​രോ​ ​പ​റ​ഞ്ഞു.
''ചെ​റി​യ​ ​പെ​ൺ​കു​ട്ട്യാ.​ ​ര​ക്ഷ​പ്പെ​ട്ടാ​ ​മ​ത്യാ​ർ​ന്നു.""
''അ​തെ​ങ്ങ​ന്യാ​ ​കൊ​ണ്ടോ​യ​ ​ആ​ളെ​ ​ക​ണ്ടി​ല്ലേ.​ ​ക​ള്ള​ൻ​ ​രാ​ജ​പ്പ​ൻ.​ ​അ​വ​ന്റെ​ ​സ്വ​ഭാ​വം​ ​അ​റി​യാ​ണ്ടാ.​ ​അ​തി​ന്റെ​ ​മേ​ത്തു​ള്ള​ ​ഒ​രു​ത​രി​ ​സ്വ​ർ​ണം​ ​ബാ​ക്കീ​ണ്ടാ​വോ.​ ​സ്വ​ർ​ണം​ ​മാ​ത്രോ​..."" ​അ​ത് ​ശ​രി​യാ​ണെ​ന്ന​വ​ർ​ ​ഒ​ന്ന​ട​ങ്കം​ ​യോ​ജി​ച്ചു.​ ​ഈ​ ​രാ​ത്രി​യി​ൽ​ ​ആ​ ​വ​ക​തി​രി​വി​ല്ലാ​ത്ത​വ​ന്റെ​ ​കൂ​ടെ​ ​ക​യ​റ്റി​വി​ട്ട​ത് ​ശ​രി​യാ​യി​ല്ല.

''അ​ത​വി​ടെ​ ​കൂ​ടി​യ​വ​ന്മാ​ർ​ക്ക് ​തോ​ന്ന​ണ്ടേ.​ ​അ​വ​രു​ടെ​ ​വേ​ണ്ട​പ്പെ​ട്ട​ ​കു​ട്ട്യാ​ർ​ന്നെ​ങ്കീ​ ​ഇ​ങ്ങ​നെ​ ​ചെ​യ്യോ.""
ആ​ത്മാ​ക്ക​ളു​ടെ​ ​ച​ർ​ച്ച​ ​ന​ട​ന്നു​കൊ​ണ്ടി​രു​ന്നു.​ ​അ​നൂ​പി​നും​ ​ആ​ശ​ങ്ക​ ​തോ​ന്നി.​ ​ഒ​രു​ ​പെ​ൺ​കു​ട്ടി​ ​ബോ​ധ​മി​ല്ലാ​തെ​ ​ഒ​റ്റ​യ്ക്ക്.​ ​അ​തും​ ​എ​ണ്ണം​ ​പ​റ​ഞ്ഞ​ ​ഒ​രു​ ​ക​ള്ള​ന്റെ​ ​കൂ​ടെ.​ ​എ​ന്തൊ​ക്കെ​യാ​ണ് ​സം​ഭ​വി​ക്കു​ക.​ ​അ​വ​ളെ​ ​അ​യാ​ൾ​ ​ഉ​പ​ദ്ര​വി​ക്കു​മോ.​ ​എ​ന്താ​യാ​ലും​ ​ത​ങ്ങ​ൾ​ക്കെ​ന്തു​ ​ചെ​യ്യാ​ൻ​ ​പ​റ്റും.
ആ​ശ​ങ്ക​ ​മു​റ്റി​ ​നി​ന്ന​ ​അ​ന്ത​രീ​ക്ഷ​ത്തി​ൽ​ ​ഒ​രു​ ​കു​ഴ​ൽ​ക്കി​ണ​ർ​ ​കു​ഴി​ക്കു​ന്ന​ ​വ​ണ്ടി​ ​താ​ഴെ​ ​ഹു​ങ്കാ​ര​ത്തോ​ടെ​ ​പാ​ഞ്ഞു​പോ​കു​ന്ന​ത​വ​ർ​ ​ക​ണ്ടു.​ ​അ​തി​ന് ​മു​ക​ളി​ലി​രു​ന്ന് ​തു​റ​ന്ന​ ​ആ​കാ​ശം​ ​നോ​ക്കി​ ​മൂ​ന്നാ​ല് ​പ​ണി​ക്കാ​ര് ​പി​ള്ളേ​ര് ​പാ​ട്ടു​മൂ​ളു​ന്നു.

''ഗ​തി​ ​കെ​ട്ടോ​ർ​ക്കു​ള്ള​താ​ണി​ ​പാ​ട്ടും​ ​ക​വി​തേ​മെ​ല്ലാം.​""
​ച​ന്ദ്ര​ൻ​ ​ആ​രോ​ടെ​ന്നി​ല്ലാ​തെ​ ​പ​റ​ഞ്ഞു.​ ​പ​ര​ശു​രാ​മ​ ​പ​തി​ ​ജം​ഗ്ഷ​നി​ൽ​ ​വാ​ഹ​ന​ങ്ങ​ളു​ടെ​ ​എ​ണ്ണം​ ​കു​റ​യാ​ൻ​ ​തു​ട​ങ്ങി.​ ​ആ​കാ​ശ​ത്ത് ​ന​ക്ഷ​ത്ര​ങ്ങ​ൾ​കെ​ട്ട് ​വെ​ളി​ച്ചം​ ​ജം​ഗ്ഷ​നി​ലെ​ ​കു​രി​ശു​ ​പോ​ലു​ള്ള​ ​ടാ​ർ​ ​റോ​ഡി​ലേ​ക്കൊ​തു​ങ്ങി.​ ​ആ​ത്മാ​ക്ക​ൾ​ ​പി​രി​യാ​ൻ​ ​തു​ട​ങ്ങി.​ ​അ​വ​ൾ​ക്കെ​ന്തു​പ​റ്റി​ ​എ​ന്ന​ ​ആ​ശ​ങ്ക​ ​അ​നൂ​പി​ൽ​ ​ത​ങ്ങി​നി​ന്നു.​ ​ആ​ക്സി​ഡ​ന്റി​നെ​ക്കാ​ളും​ ​അ​വ​നി​പ്പോ​ൾ​ ​പേ​ടി​ച്ച​ത് ​ക​ള്ള​ൻ​ ​രാ​ജ​പ്പ​നെ​യാ​ണ്.

ഇ​തേ​ ​സ​മ​യം​ ​തി​രി​ച്ചു​ ​പ​ര​ശു​രാ​മ​പ​തി​യി​ലേ​ക്കു​ള്ള​ ​യാ​ത്ര​യി​ലാ​യി​രു​ന്നു​ ​രാ​ജ​പ്പ​ന്റെ​ ​ആ​ത്മാ​വ്.​ ​പെ​ൺ​കു​ട്ടി​യെ​യും​ ​കൊ​ണ്ട് ​ആ​ശു​പ​ത്രി​യി​ലേ​ക്ക് ​പോ​കും​വ​ഴി​ ​പൂ​ക്ക​ച്ച​വ​ട​ക്കാ​ര​നും​ ​ലോ​ട്ട​റി​ക്കാ​ര​നും​ ​ചേ​ർ​ന്ന് ​വ​ണ്ടി​ ​ത​ട​ഞ്ഞ​തും​ ​ത​ന്റെ​ ​ത​ല​ക്ക​ടി​ച്ച​തും​ ​അ​വ​ളെ​ ​അ​വ​രു​ടെ​ ​വ​ണ്ടി​യി​ൽ​ ​ക​യ​റ്റി​ക്കൊ​ണ്ട് ​പോ​യ​തു​മെ​ല്ലാം​ ​ഒ​രു​ ​സ്വ​പ്നം​ ​പോ​ലെ​ ​അ​വ​നെ​ പി​ന്തു​ട​ർ​ന്നു.​ ​പ​ര​ശു​രാ​മ​പ​തി​യോ​ട് ​ബ​ന്ധ​പ്പെ​ട്ടി​ട്ടാ​ണെ​ങ്കി​ലും​ ​രാ​ജ​പ്പ​ന്റെ​ ​ചി​ത്രം​ ​അ​വി​ടു​ത്തെ​ ​ഫ്ല​ക്‌​സി​ൽ​ ​വ​രും​ ​കാ​ല​ത്ത് ​ആ​രും​ ​വ​യ്ക്കാ​നി​ട​യി​ല്ല.​ ​കാ​ര​ണം​ ​രാ​ജ​പ്പ​ൻ​ ​മ​രി​ച്ച​ത് ​ആ​ക്‌​സി​ഡ​ന്റി​ല​ല്ല​ല്ലോ.