ന്യൂഡൽഹി: ഇന്ത്യയിൽ നിന്നുള്ള വാണിജ്യാധിഷ്‌ഠിത കയറ്റുമതി ഡിസംബറിലും ഇടിവ് നേരിട്ടു. 1.8 ശതമാനം നഷ്‌ടവുമായി 2,736 കോടി ഡോളറാണ് കഴിഞ്ഞമാസത്തെ കയറ്റുമതി വരുമാനം. ഇറക്കുമതിയും കുറഞ്ഞതോടെ, വ്യാപാരക്കമ്മി മെച്ചപ്പെട്ടിട്ടുണ്ട്. 8.83 ശതമാനം കുറഞ്ഞ് 3,861 കോടി ഡോളറാണ് ഇറക്കുമതിച്ചെലവ്.
ഇതോടെ, വ്യാപാരക്കമ്മി 2018 ഡിസംബറിലെ 1,449 കോടി ഡോളറിൽ നിന്ന് 1,125 കോടി ഡോളറായി കുറഞ്ഞു. നവംബറിൽ ഇത് 1,212 കോടി ഡോളറായിരുന്നു.
0.83%
ഡിസംബറിൽ ക്രൂഡോയിൽ ഇറക്കുമതി 0.83 ശതമാനം കുറഞ്ഞ് 1,069 കോടി ഡോളറിൽ ഒതുങ്ങി.
3.93%
സ്വർണ ഇറക്കുമതി 3.93 ശതമാനം താഴ്‌ന്ന് 246 കോടി ഡോളറിൽ ഒതുങ്ങിയതും വ്യാപാരക്കമ്മി താഴാൻ സഹായകമായി.
19
രാജ്യത്തെ 30 പ്രമുഖ കയറ്റുമതി വിഭാഗങ്ങളിൽ 19 എണ്ണവും ഡിസംബറിൽ നഷ്‌ടം കുറിച്ചു.