ന്യൂ​ഡ​ൽ​ഹി: ഭീം ​ആ​ർ​മി നേ​താ​വ് ച​ന്ദ്ര​ശേ​ഖ​ർ ആ​സാ​ദി​ന് ഉ​പാ​ധി​ക​ളോ​ടെ ജാ​മ്യം അ​നു​വ​ദിച്ച് കോടതി. ഡ​ൽ​ഹി തീ​സ് ഹ​സാ​രി കോ​ട​തി​യാണ് ജാമ്യം സംബന്ധിച്ചുള്ള കാര്യത്തിൽ തീരുമാനമെടുത്തത്. നി​യ​മ​സ​ഭാ തെ​ര​ഞ്ഞെ​ടു​പ്പ് ന​ട​ക്കാ​നി​രി​ക്കു​ന്ന​തി​നാ​ൽ അ​ടു​ത്ത നാ​ലാ​ഴ്ച​ത്തേ​ക്ക് ഡ​ൽ​ഹി​യി​ൽ പ്ര​വേ​ശി​ക്ക​യോ പ്ര​തി​ഷേ​ധം ന​ട​ത്തു​ക​യോ ചെ​യ്യ​രു​തെ​ന്ന വ്യ​വ​സ്ഥ​യി​ലാ​ണ് കോ​ട​തി ജാ​മ്യം ചന്ദ്രശേഖറിന് ജാമ്യം നൽകിയിരിക്കുന്നത്.

ജാ​മ്യാ​പേ​ക്ഷ പ​രി​ഗ​ണി​ക്ക​വേ ഭ​ര​ണ​ഘ​ട​നാ സ്ഥാ​പ​ന​ങ്ങ​ളെ ബ​ഹു​മാ​നി​ക്ക​ണ​മെ​ന്നും അ​ഡീ​ഷ​ണ​ൽ സെ​ഷ​ൻ​സ് ജ​ഡ്ജി കാ​മി​നി ലോ ​ആ​സാ​ദി​നോ​ട് പറഞ്ഞു. ക​ഴി​ഞ്ഞ ദി​വ​സം, ച​ന്ദ്ര​ശേ​ഖ​ർ ആ​സാ​ദിന്റെ ജാ​മ്യ ഹ​ർജി പ​രി​ഗ​ണി​ക്ക​വേ കോ​ട​തി പൊ​ലീ​സി​നെ​യും പ​ബ്ലി​ക് പ്രോ​സി​ക്യൂ​ട്ട​റെ​യും രൂ​ക്ഷ​മാ​യി വിമർശിക്കുകയും ചെയ്തിരുന്നു.

അ​റ​സ്റ്റു​മാ​യി ബ​ന്ധ​പ്പെ​ട്ട അ​ന്വേ​ഷ​ണ​വു​മാ​യി പൂ​ർ​ണ​മാ​യും സ​ഹ​ക​രി​ക്കു​മെ​ന്നും തെ​ളി​വു​കൾ ഒ​ന്നും ന​ശി​പ്പി​ക്കു​ക​യോ സാ​ക്ഷി​ക​ളെ സ്വാ​ധീ​നി​ക്കു​ക​യോ ചെ​യ്യി​ല്ലെ​ന്നും ആ​സാ​ദ് ജാ​മ്യ ഹ​ർജി​യി​ൽ വ്യ​ക്ത​മാ​ക്കി. ഡി​സം​ബ​ർ 20ന് ​ഡ​ൽ​ഹി ജമാ മ​സ്ജി​ദി​ൽ പൗ​ര​ത്വ ഭേ​ദ​ഗ​തി​ക്കെ​തി​രേ പ്രതിഷേധിക്കുന്നതിനായി ആ​ളു​ക​ളെ സം​ഘ​ടി​പ്പി​ച്ച​തി​നാ​ണ് ആ​സാ​ദി​നെ അ​പൊലീസ് അറസ്റ്റ് ചെയ്തത്. ആസാദ് കലാപാഹ്വാനം നടത്തിയിരുന്നുവെന്നായിരുന്നു പ്രധാന ആരോപണം.