കുടുംബ കലഹങ്ങളിൽ സാധാരണയായി പ്രതിസ്ഥാനത്ത് നിർത്തുന്നത് പുരുഷൻമാരെയാണ്. സ്ത്രീകളുടെ കണ്ണീരിന് പ്രാധാന്യം നൽകിയുള്ള നിരവധി സംഭവങ്ങൾ അത്തരത്തിൽ നാം വായിച്ചിട്ടുണ്ട്. എന്നാൽ ഇതിൽ നിന്നും വ്യത്യസ്തമായി പുരുഷന്റെ ക്ഷമാശീലം കൊണ്ട് നിലനിൽക്കുന്ന കുടുംബങ്ങളെ കുറിച്ച് ഫേസ്ബുക്കിൽ എഴുതുകയാണ് കൗൺസലിംഗ് സൈക്കോളജിസ്റ്റായ കല

ഫേസ്ബുക്ക് പോസ്റ്റിന്റെ പൂർണരൂപം

സ്ത്രീകളുടെ സങ്കടങ്ങളാണ് പൊതുവെ വാഴ്ത്തപ്പെടാറുള്ളത്..
ഭാര്തതാവ് മറ്റൊരു സ്ത്രീയുടേത് ആകുമ്പോൾ,
കാമുകൻ ഉപേക്ഷിക്കുമ്പോൾ ഒക്കെ അവൾക്ക് ഉണ്ടാകുന്ന തകർച്ച..
ഭൂമിയോളം ക്ഷമിക്കും, കാൽക്കൽ കിടക്കും, അങ്ങനെ അവളെ ഇരയും പുരുഷനെ വേട്ടക്കാരുമാക്കും..
ആണിന്റെ പരാതി ആര് കേൾക്കുന്നു?

ഇരുപത് വർഷങ്ങൾക്ക് മുൻപ്, മൊബൈൽ പ്രാബല്യത്തിന് വരും മുൻപ്,
ഭാര്യയുടെ അവിഹിതം കണ്ടു പിടിച്ച ഒരു ഭാര്തതാവിനെ കണ്ടിട്ടുണ്ട്..
ഒറ്റ മകളാണ്, പൊന്നായി വളർത്തുകയാണ്..
ഭാര്യയെ ഉപേക്ഷിക്കാൻ വയ്യ...
മകളുടെ ജീവിതം പോകും.. എന്നാൽ ഭാര്യയെ,
നിയന്ത്രിക്കാനും മാർഗ്ഗമില്ല..
ഒൻപതാം ക്ലാസ്സുകാരി മകൾ ഇടപെട്ടു ഫോൺ ലോക്ക് ചെയ്തു വെച്ചിട്ട് സ്‌കൂളിൽ പോകും..
അവളായിരുന്നു അമ്മയെ നിയന്ത്രിച്ചത്..
ഒരിടം കിട്ടിയാൽ വേലി ചാടുന്ന ഭാര്യയെ സ്‌നേഹം കൊണ്ടല്ല സഹിക്കുന്നത്..
തിന്നാനും കുടിക്കാനും കിടക്കാനും പിന്നെ വഴിയില്ലാതാകും..
പൊറുത്തു അവളോട്..
അതിന്റെ ചൊരുക്ക് നല്ല കുടുംബജീവിതങ്ങൾ കാണുമ്പോൾ തനിക്കു ഉണ്ടാകാറുണ്ടെന്നു അയാൾ പറഞ്ഞു..
ഇന്നിപ്പോ മകൾ വിവാഹിതയായി വിദേശത്തു താമസമായി..
ഈ ഇടയ്ക്ക് ഞാൻ അയാളെ കാണുമ്പോൾ,അന്നത്തെ അതേ ശുഷ്‌ക്കിച്ച ശരീരവും കുറുകിയ കണ്ണുകളും ഓർമ്മ വീണ്ടെടുത്തു.
ഒട്ടേറേ അസുഖങ്ങളുണ്ട്, ഭാര്യയുടെ ശുശ്രൂഷ കിട്ടുന്നുണ്ട്..
അവളുടെ വ്യക്തി ജീവിതത്തിൽ ഞാൻ ഇടപെടാറില്ല..
അന്നും അരോചകമായിരുന്ന അയാളുടെ ദുഷിച്ച മനോഭാവത്തിന്റെ കുറെ വർത്തമാനങ്ങൾ വീണ്ടും കേട്ടു..
മറ്റുള്ളവരുടെ നല്ല ജീവിതം കണ്ടു സഹിക്കാൻ പറ്റാത്ത അന്നത്തെ ആ അവസ്ഥ അയാളിൽ വളരെ ശക്തമായി ഇപ്പോഴുമുണ്ട്..
കൂടിയിട്ടുണ്ട് എങ്കിലേ ഉള്ളു..
സംസാരം കേട്ടപ്പോൾ, തോന്നി.. !

ആണത്തം ഭാര്യ ചവിട്ടി തേച്ചു എന്നതിന്റെ പക ഉള്ളിൽ ജീവിതാവസാനം വരെ ഉണ്ടാകും..
മാനസികമായ
അപകർഷത ബോധം അയാളിൽ ഒട്ടനവധി അസുഖങ്ങൾ ഉണ്ടാക്കി...
ആ ജീവിതം അങ്ങനെ പോകുന്നു..

അടുത്ത കേസും ഒരു പുരുഷൻ തന്നെയാണ്.
'' കഷ്ട്ടപെട്ടു ഒരു വീട് ഉണ്ടാക്കി..
അവൾക്കു സർക്കാർ ജോലിയാണ്..
ഞാൻ ഏറെ കാലം വിദേശത്ത് ആയിരുന്നു..
അയൽവാസിയായ ഒരു പണക്കാരനുമായി അവൾക്കു അടുപ്പം.
രണ്ടു കുട്ടികളുണ്ട്..
അവളുടെയും കാമുകന്റെയും യാത്രകളുടെ വിശദവിവരം കിട്ടി..
പക്ഷെ, പ്രതികരിക്കാൻ വയ്യ...
അവളുടെ അമ്മയും ഞാനും അല്ലേൽ തന്നെ പോരാണ്..
പെണ്ണ് ഭരിക്കും, ആണ് അടങ്ങി ഒതുങ്ങി കഴിയണം എന്നാണ് അവരുടെ രീതി..
ഞാൻ പൊട്ടിത്തെറിച്ചാൽ, എനിക്കു കഷ്ട്ടപെട്ടു വെച്ച വീടും എന്റെ രണ്ടു മക്കളും ഇല്ലാതാകും... ''
അന്നയാൾ പറഞ്ഞത് ഓർമ്മയുണ്ട്..
ഈ ഇടയ്ക്ക് സന്തോഷത്തോടെ ചിരിച്ചു നടന്നു നീങ്ങുന്ന അയാളെയും മക്കളെയും,
ഒപ്പം അവരെയും കണ്ടു..
പുരുഷന്റെ ക്ഷമ എത്ര വലുതാണെന്ന് അയാളും തെളിയിച്ചു...
സ്ത്രീകൾ മാത്രമല്ല ഭൂമിദേവിയുടെ അവതാരങ്ങൾ..
കല, കൗൺസലിംഗ് സൈക്കോളജിസ്റ്റ്‌