ടിക്ടോക്കിലൂടെ സോഷ്യൽ മീഡിയയിൽ താരമായ സുധി സുരേന്ദ്രന്റെ വിയോഗം സോഷ്യൽ മീഡിയയെ സങ്കടത്തിലാഴ്ത്തിരിക്കുകയാണ്. സുധിക്ക് ആദരാഞ്ജലി അർപ്പിച്ച് ടിക്ടോക് വീഡിയോകൾ സോഷ്യൽ മീഡിയയിൽ പങ്കുവയ്ക്കുകയാണ്. കാൻസർ ബാധിതയായിരുന്ന സുധി ചികിത്സയുടെ സമയത്തും പതറാതെ വീഡിയോകൾ ചെയ്തിരുന്നു. കാൻസറിനെ നോക്കി കൂസലില്ലാതെ പുഞ്ചിരിച്ച്, വേദനിച്ചപ്പോഴൊക്കെ കരളുറപ്പോടെ നിന്ന്, ഒടുവിൽ പോരാട്ടം ബാക്കിയാക്കി മടങ്ങിയ സുധി സുരേന്ദ്രൻ ഏവരുടേയും കണ്ണ് നനയ്ക്കുന്നു.

മരിക്കുന്നതിന് മുമ്പ് വരെ സുധി മകനോടൊപ്പം ടിക്ക് ടോക്ക് ചെയ്ത വിഡിയോ സോഷ്യൽ മീഡിയയിൽ പങ്കുവയ്ക്കുന്നത്. സുധിയുടെ മരണത്തിൽ നന്ദു മഹാദേവയും ദുഃഖം പ്രകടിപ്പിച്ചു. അതിജീവനത്തിന്റെ കുടുംബത്തിൽ നിന്നും ഞങ്ങൾക്കേറെ പ്രിയപ്പെട്ട ഒരാൾ കൂടി വിടവാങ്ങി. സ്നേഹത്തോടെ നന്ദൂട്ടാ എന്നുള്ള വിളി ഒരിക്കലും മറക്കില്ല ചേച്ചിക്കുട്ടീ.. ഒത്തിരി വേദനകളിലൂടെ പോകുമ്പോഴും പുഞ്ചിരിയോടെ മാത്രമേ സുധി ചേച്ചിയെ കണ്ടിട്ടുള്ളൂ.. എല്ലാവർക്കും അഗാധമായ ദുഃഖം നല്കിയിട്ടാണ് ചേച്ചി പോയത്..
ആത്മാവിന് നിത്യശാന്തി ലഭിക്കട്ടെ- നന്ദു ഫേസ്ബുക്കിൽ കുറിച്ചു.