കോഴിക്കോട്: അലനും താഹയും സി.പി.എമ്മിനെ മറയാക്കി പ്രവർത്തിച്ച മാവോയിസ്റ്റുകളാണെന്ന് സി.പി.എം സംസ്ഥാന കമ്മിറ്റി അംഗം പി. ജയരാജൻ. കോഴിക്കോട്ട് നടക്കുന്ന ലിറ്ററേച്ചർ ഫെസ്റ്റിവലിൽ ' മാവോയിസവും ഇസ്ളാമിസവും ' എന്ന വിഷയത്തിൽ നടന്ന ചർച്ചയിൽ സംസാരിക്കുകയായിരുന്നു അദ്ദേഹം.
മു‌സ്‌ലിമായതുകൊണ്ടാണ് ഇവരെ അറസ്റ്റ് ചെയ്തതെന്ന വാദം തള്ളിയ ജയരാജൻ ഇവർ എസ്.എഫ്.ഐയിൽ പ്രവർത്തിക്കുമ്പോൾ തന്നെ മാവോയിസ്റ്റ് ആശയങ്ങൾ സംഘടനയിൽ തിരുകിക്കയറ്റിയിട്ടുണ്ടെന്നും പറഞ്ഞു. ഇക്കാര്യങ്ങൾ പാർട്ടി അന്വേഷണത്തിൽ തെളിഞ്ഞിട്ടുണ്ട്.
മാവോയിസ്റ്റുകൾക്ക് ജമാ അത്തെ ഇസ്ളാമി സാമ്പത്തിക സഹായം നൽകുന്നുണ്ട്.
സി.പി.എം മു‌സ്‌ലിം സമൂഹത്തിന് എതിരായി നിന്നിട്ടില്ല. തലശേരി കലാപ സമയത്ത് മു‌സ്‌ലിം പള്ളികൾക്ക് സി.പി.എം പ്രവർത്തകർ സംരക്ഷണം നൽകിയ കാര്യം അദ്ദേഹം ഓർമ്മിപ്പിച്ചു. സംവാദത്തിൽ കെ വേണു, സി. ദാവൂദ് എന്നിവർ പങ്കെടുത്തു. മാദ്ധ്യപ്രവർത്തകൻ അഭിലാഷ് മോഹനൻ മോഡറേറ്റർ ആയിരുന്നു.