ഡൽഹി : ഡൽഹി നിയമസഭാ തിരഞ്ഞെടുപ്പിനുള്ള 57 സ്ഥാനാർത്ഥികളെ പ്രഖ്യാപിച്ച് ബി..ജെപി. അരവിന്ദ് കെജ്‌രിവാളിനെതിരെ ആര് മത്സരിക്കുമെന്ന കാര്യത്തിൽ ബി.ജെ.പി തീരുമാനമൊന്നും പ്രഖ്യാപിച്ചിട്ടില്ല. മനീഷ് സിസോദിയക്കെതിരെ രവി നെഗിയാണ് സ്ഥാനാർത്ഥി.

കെജ്‌രിവാളിനെതിരെ നിർഭയയുടെ അമ്മ ആശ ദേവിയെ കോൺഗ്രസ് പരിഗണിക്കുന്നു എന്ന അഭ്യൂഹം ശക്തമായിരുന്നു. നിർഭയയുടെ അമ്മയെ സ്വാഗതം ചെയ്യുന്നു എന്ന കീർത്തി ആസാദിന്രെ ട്വീറ്റ് ചർച്ചയായി. എന്നാൽ ഒരു പാർട്ടിയിലും സ്ഥാനാർത്ഥിയാകാൻ തയ്യാറല്ലെന്ന് ആശ ദേവി പ്രതികരിച്ചു. ആം ആദ്മി പാർട്ടി നേരത്തെ 70 സ്ഥാനാർത്ഥികളെയും പ്രഖ്യാപിച്ചിരുന്നു. ഫെബ്രുവരി എട്ടിനാണ് നിയമസഭാ തിരഞ്ഞെടുപ്പ്. 70-ല്‍ 67 സീറ്റുകള്‍ നേടിയാണ് 2015-ല്‍ ആം ആദ്മി പാര്‍ട്ടി അധികാരത്തിലേറിയത്. ശേഷിച്ച മൂന്ന് സീറ്റ്

ബി..ജെ..പിക്കായിരുന്നു.അതേസമയം 2019ൽ നടന്ന ലോക്സഭാ തിരഞ്ഞെടുപ്പിൽ ഡൽഹിയിലെ ഏഴ് സീറ്റുകളും നേടി ബി..ജെ..പി ശക്തമായ തിരിച്ചുവരവേ നടത്തിയിരുന്നു.