മലയാളത്തിൽ അടുത്തിടെ പുറത്തിറങ്ങിയ ചിത്രങ്ങളിൽ ശ്രദ്ധേയമായ ചിത്രമാണ് കെട്ട്യോളാണ് മാലാഖ. ആണിനും പെണ്ണിനും ലൈംഗിക വിദ്യാഭ്യാസത്തിന്റെ ആവശ്യതകളെക്കുറിച്ചാണ് ചിത്രത്തിൽ പ്രതിപാദിക്കപ്പെട്ട വിഷയം. കേരളത്തിലും സ്ലീവാച്ചൻമാരുടെ എണ്ണം കുറവല്ല.. ഇത്തരുണത്തിൽ ഓ‌മ്മിക്കപ്പെടേണ്ട പുസ്തകങ്ങളാണ് പ്രശസ്ത ജേർണലിസ്റ്റ് ജേണലിസ്റ്റാണ് പെഗ്ഗി ഓറെൻ‌സ്റ്റൈന്റേത്. യുവതികളുടെ വ്യത്യസ്‍തങ്ങളായ അനുഭവങ്ങളെ കുറിച്ചാണ് അവരുടെ പുസ്തകങ്ങളിൽ പറയുന്നത്. അവരുടെ ഏറ്റവും കൂടുതൽ വിറ്റഴിക്കപ്പെട്ട പുസ്‍തകങ്ങളായ Cinderella Ate My Daughter, Girls and Sex -ൽ കോളേജിലെ സ്ത്രീകളുടെ ലൈംഗിക ജീവിതത്തെ കുറിച്ചാണ് പ്രതിപാദിക്കുന്നത്.

എന്നാല്‍, ഓറൻ‌സ്റ്റൈന്റെ ഏറ്റവും പുതിയ പുസ്തകമായ Boys & Sex: Young Men on Hookups, Love, Porn, Consent, and Navigating the New Masculinity പറയുന്നത് 16 -നും 22 -നും ഇടയിലുള്ള യുവാക്കളുടെ വംശീയവും ലൈംഗികവുമായ സ്വത്വത്തെ കുറിച്ചാണ്. യുവാക്കളുമായി നടത്തിയ അഭിമുഖത്തിന്റെ പശ്ചാത്തലത്തിലാണ് പുസ്തകത്തിൽ എഴുതിയിരിക്കുന്നത്.

ലൈംഗികതയെയും, അശ്ലീലസാഹിത്യത്തെയും, ലൈംഗിക ആക്രമണത്തെകുറിച്ചും ഒറെൻ‌സ്റ്റൈൻ‌ അവരോട് സംസാരിച്ചു. തന്റെ കണ്ടെത്തലുകളെക്കുറിച്ചും മാതാപിതാക്കൾക്കും സ്‍കൂളുകൾക്കും ചെറുപ്പക്കാർക്കുമിടയിൽ ലൈംഗികതയെ ചുറ്റിപ്പറ്റിയുള്ള സുരക്ഷിതമായ ഒരു സംസ്‍കാരം വളർ‌ത്തിയെടുക്കുന്നതിനെക്കുറിച്ചും പുസ്തകത്തിൽ ഒറൻസ്റ്റൈൻ പറയുന്നു.

ശാരീരികവും, വൈകാരികവുമായ അടുപ്പത്തിൽ ഏർപ്പെടാനുള്ള ആൺകുട്ടികളുടെ കഴിവിനെ നമ്മൾ വിലകുറച്ചു കാണുകയാണെന്ന് ഒരു ഇംഗ്ലീഷ് മാദ്ധ്യമത്തിന് നൽകിയ അഭിമുഖത്തിൽ ഒറൻസ്റ്റൈൻ പറയുന്നു. അത് ഈ പുതിയ യുഗത്തിൽ നമ്മൾ ആൺകുട്ടികളിൽനിന്നും കൂടുതൽ‌ നല്ല കാര്യങ്ങൾ പ്രതീക്ഷിക്കുന്നു. പക്ഷേ, നമ്മൾ അവരുമായി ഇക്കാര്യങ്ങള്‍ തുറന്ന് സംസാരിക്കുന്നുമില്ല. പകരം നമുക്ക് വേണ്ട രീതിയിൽ പെരുമാറാൻ അവരോട് ആവശ്യപ്പെടുകയാണ് ചെയ്യുന്നതെന്നാണ് രചയിതാവിന്റെ അഭിപ്രായം.

ഒരു പെൺകുട്ടി ഓറൽ സെക്‌സ് ചെയ്യുന്നതിന്റെ വീഡിയോ ഷൂട്ട് ചെയ്യുകയും, അവളുടെ അറിവില്ലാതെ ഒരുകൂട്ടം സുഹൃത്തുക്കൾക്ക് അത് അയയ്ക്കുകയും ചെയ്‍ത ഒരു ആൺകുട്ടിയെക്കുറിച്ചും അഭിമുഖത്തിൽ ഒറൻസ്റ്റൈൻ പറയുന്നുണ്ട്.

ചില ആൺകുട്ടികൾ‌ ചെറുപ്പമായിരിക്കുമ്പോൾ‌ അവർ‌ക്ക് ലഭിച്ച സന്ദേശങ്ങൾ‌ തെറ്റായ രീതിയിൽ വളരാൻ അവരെ നിർബന്ധിതരാക്കുന്നു. ഒരു പുരുഷൻ എന്നതിന്റെ നിർവചനം കുറച്ചുകൂടി വിശാലമായ ഒരു രീതിയിലേക്ക് മാറ്റപ്പെടാൻ അവർ ആഗ്രഹിക്കുന്നു. വൈകാരികതയെയും ലൈംഗികതയെയും ജീവിതവുമായി കൂടുതൽ ബന്ധിപ്പിക്കാൻ അവർ ആഗ്രഹിക്കുന്നു. #MeToo ക്യാപൈൻ ലൈംഗിക അതിക്രമങ്ങൾ കുറയ്ക്കുന്നതിന് വളരെ അധികം സഹായിച്ചു. ഇത് ആൺകുട്ടികളുമായി ശരിക്കും ഇടപഴകാനുള്ള അവസരവും സൃഷ്ടിച്ചു. ഒരുപക്ഷേ, ആദ്യമായി, ലിംഗഭേദം, ലൈംഗികത, വൈകാരിക അടുപ്പം എന്നിവയെക്കുറിച്ചുള്ള ഈ ചർച്ചകളിൽ, ആൺകുട്ടികളുടെ പങ്കാളിത്തം ഉറപ്പുവരുത്താൻ #MeToo -വിന് സാധിച്ചു.

പഴയ ആശയങ്ങളോടൊപ്പം ഇന്ന് പെൺകുട്ടികൾക്ക് തങ്ങൾ ആഗ്രഹിക്കുന്നതെന്തും ആകാമെന്ന പുതിയ ആശയങ്ങളും കടന്നുവന്നു. എന്നാൽ ഈ രണ്ട് ആശയങ്ങളും തമ്മിലുള്ള സംഘർഷവും ഇവരുടെയുള്ളിൽ നടക്കുന്നുണ്ട്. ഇപ്പോൾ ആൺകുട്ടികൾക്കും ഇതേ അവസ്ഥയാണ്. ആൺകുട്ടികൾക്ക് പുതിയ കാഴ്‍ച്ചപ്പാടുകൾ ആവശ്യമാണെന്ന് നമ്മൾ തിരിച്ചറിയുന്നു. പക്ഷേ, പഴയവ ഉപേക്ഷിക്കാൻ നമ്മൾ അവരെ അനുവദിക്കുന്നുമില്ല. ഇത് കാര്യങ്ങളെ കൂടുതൽ‌ സങ്കീർ‌ണ്ണമാക്കുന്നു. ഞാൻ ആദ്യമായി പെൺകുട്ടികളെക്കുറിച്ച് എഴുതാൻ തുടങ്ങിയപ്പോൾ ആളുകൾ പറഞ്ഞിരുന്നത്, 'നിങ്ങൾ പെൺകുട്ടികളെ ആൺകുട്ടികളാക്കാൻ ശ്രമിക്കുകയാണ്' എന്നാണ്. കാരണം പെൺകുട്ടികൾക്ക് തുല്യഅവസരങ്ങൾ ലഭിക്കണമെന്ന് ഞാൻ ആഗ്രഹിച്ചിരുന്നു. 'നിങ്ങൾ ആൺകുട്ടികളെ പെൺകുട്ടികളാക്കാനാണ് ശ്രമിക്കുന്നത്' എന്നാണ് ഇപ്പോൾ എനിക്കെതിരെ ഉയരുന്ന പ്രധാനപ്പെട്ട ആരോപണം. എന്നാല്‍, ഞാൻ ആൺകുട്ടികളെ നല്ല മനുഷ്യരായി കാണാനാഗ്രഹിക്കുന്നുവെന്നതാണ് സത്യം.

സ്വവർഗാനുരാഗികൾ പരസ്‍പര സമ്മതപ്രകാരമാണ് കൂടുതൽ വികാസം പ്രാപിക്കുന്നത്. അവർ തുറന്ന ചർച്ചകൾനടത്തുന്നു. എന്നാൽ, പങ്കാളികളുമായി ലൈംഗികതയെക്കുറിച്ച് തുറന്ന ചർച്ചകൾ നടത്താൻ ഒരു സ്ട്രെയിറ്റായിട്ടുള്ള സ്ത്രീ മടിക്കുന്നത് എന്തിനാണെന്ന് മനസിലാകുന്നില്ല. സ്വവർഗ്ഗാനുരാഗികൾ ഏതെങ്കിലും തരത്തിലുള്ള ലൈംഗിക ബന്ധത്തിൽ ഏർപ്പെടുമ്പോൾ 'നിങ്ങൾ എങ്ങനെയുള്ള ആളാണ്?' എന്ന് ചോദിക്കും. ഈ തുറന്ന ചോദ്യമാണ് തൃപ്‍തികരമായ ലൈംഗിക അനുഭവം നൽകുന്നതും.

ഒട്ടും താത്പര്യം തോന്നാത്ത ബന്ധത്തിൽ പോലും ചിലപ്പോൾ പെൺകുട്ടികൾ ഉറച്ചുനിൽക്കാറുണ്ട്. അതെന്തുകൊണ്ടായിരിക്കും? ചിലർക്ക് അത് ഒരു സ്റ്റാറ്റസ് തകർക്കാതിരിക്കലായിരുന്നു. ചിലപ്പോൾ ബന്ധം മെച്ചപ്പെടുത്തുന്നതിനായിരുന്നു. ഞാൻ സംസാരിച്ച പെൺകുട്ടികൾക്കൊന്നും ശരിക്കും രതിമൂർച്ഛയുണ്ടായിരുന്നില്ല. താത്പര്യമില്ലാത്ത ബന്ധത്തിലേർപ്പെട്ട ആൺകുട്ടികൾക്കും അതങ്ങനെ തന്നെയായിരുന്നു. താല്പര്യമില്ലാത്ത ലൈംഗികബന്ധത്തിന്റെ കാര്യത്തിൽ ഇതുതന്നെയാണ് സംഭവിക്കുന്നത്.

പെൺകുട്ടികൾക്ക് മാത്രമാണ് താത്പര്യമില്ലാത്ത ലൈംഗികബന്ധത്തിലേർപ്പെടേണ്ടി വരുന്നത് എന്നാണ് നമ്മൾ കരുതുന്നത്. വാസ്‍തവത്തിൽ, ചെറുപ്പക്കാർക്കും താല്പര്യമില്ലാത്ത ലൈംഗികബന്ധങ്ങളിൽ ഏർപ്പെടേണ്ടി വരാറുണ്ട്. പലരും അത് പുറത്തു കാണിക്കുന്നില്ലായെന്നേയുള്ളൂ. പലപ്പോഴും 'നിങ്ങൾക്ക് എന്താണ് കുഴപ്പം? നിങ്ങൾ സ്വവർഗാനുരാഗിയാണോ? നിങ്ങൾ എന്നോട് ലൈംഗിക ബന്ധത്തിലേർപ്പെടില്ലെന്ന് ഞാൻ എല്ലാവരോടും പറയും' തുടങ്ങിയ പരിഹാസചോദ്യങ്ങൾ ചോദിച്ച് അവരെ ഇഷ്‍ടമില്ലാത്ത ലൈംഗികബന്ധത്തിന് നിർബന്ധിതരാക്കുകയാണ് ചെയ്യുന്നത്. ചിലപ്പോൾ മറ്റെന്താണ് ചെയ്യേണ്ടതെന്ന് അവർക്ക് അറിയാത്തതിനാലോ അല്ലെങ്കിൽ ആരുടെയെങ്കിലും വികാരങ്ങളെ വ്രണപ്പെടുത്താൻ ആഗ്രഹിക്കാത്തതിനാലോ അവർ തനിക്ക് താല്‍പര്യമില്ല എന്ന് തുറന്നുപറയാതിരിക്കുന്നു. പെൺകുട്ടികൾ അനുഭവിക്കുന്ന അതേ ദുരിതം ആൺകുട്ടികളും ഇക്കാര്യത്തിൽ അനുഭവിക്കുന്നുണ്ട്. എന്നാൽ, അവർ പൊതുവേ പ്രതികരിക്കുന്നില്ല എന്നുമാത്രം.

ആണുങ്ങൾക്ക് ലൈംഗികതയെ കുറിച്ച് അറിയാത്തത് ഒരു കുറവായിട്ടാണ് നമ്മുടെ സമൂഹം കണക്കാക്കുന്നത്. അതുകൊണ്ടുതന്നെ താല്പര്യമില്ലെങ്കിലും ലൈംഗികബന്ധത്തിലേർപ്പെടാൻ ഇതവരെ നിർബന്ധിതരാക്കുന്നു. അതുപോലെ പങ്കാളിയുടെ താല്പര്യങ്ങൾ ചോദിക്കുന്നതിൽനിന്നും അവരെ ഇത് പിന്തിരിപ്പിക്കുന്നു. മാത്രമല്ല, നമ്മുടെ മുഖ്യധാരാ മാധ്യമങ്ങളിലും പോൺ വീഡിയോകളിലും ഒക്കെ കാണിക്കുന്നത് നല്ല വൃത്തിയും സൗന്ദര്യവും ഒക്കെയുള്ള ശരീരങ്ങളും പെട്ടെന്ന് രതിമൂർച്ഛയുണ്ടാകുന്നതും ഒക്കെയാണ്. ഇതും അവരെ ദോഷകരമായി ബാധിക്കുന്നു.

ലൈംഗികതയെക്കുറിച്ചുള്ള ആശയം നമ്മൾ വിശാലമാക്കണം. ലൈംഗികത കേവലം ലൈംഗികബന്ധം മാത്രമല്ല. ചുംബിക്കലും ലൈംഗികതയാണ്. അതിന്റെ ഇന്ദ്രീയതക്ക് കൂടുതൽ പ്രാധാന്യം നൽകേണ്ടതുണ്ട്. പോൺ വീഡിയോയിൽ കാണിക്കുന്ന രീതിയല്ല യഥാർത്ഥത്തിൽ ഒരു പങ്കാളിയുമായി ലൈംഗികതയിൽ ഏർപ്പെടുമ്പോളുണ്ടാവുന്നത്. അതുകൊണ്ടുതന്നെ യഥാർത്ഥ ലൈംഗികത എന്താണ് എന്ന് നമ്മുടെ കുട്ടികൾക്ക് മനസിലാക്കി കൊടുക്കേണ്ടത് അനിവാര്യമാണെന്നും