ഓൺലൈൻ ഭക്ഷണ വിതരണ കമ്പനിയായ യൂബർ ഈറ്റ്സിനെ സൊമാറ്റോ ഏറ്റെടുത്തു. യൂബർ ഈറ്റ്സിന്റെ ഏകദേശം 2,500 കോടി രൂപ മൂല്യം വരുന്ന ഓഹരികളാണ് സൊമാറ്റോ ഈ ഇടപാടിലൂടെ സ്വന്തമാക്കിയത്. ഇടപാടിന്റെ ഭാഗമായി യൂബർ ഈറ്റ്സ് ഒരു പ്രത്യേക സ്ഥാപനമായി നിലനിൽക്കുന്നത് അവസാനിക്കും. കൂടാതെ യൂബർ ഈറ്റ്സിന്റെ എല്ലാ ഉപഭോക്താക്കളും ഇനി മുതൽ സൊമാറ്റോയുടെ സേവനം ലഭ്യമാവും.

ഇന്ത്യയിൽ ജോലി ചെയ്യുന്ന യൂബർ ഈറ്റ്സിന്റെ എക്സിക്യൂട്ടീവുകളെ സോമാറ്റോ ഉൾക്കൊള്ളില്ലെന്നാണ് ദേശീയ മാദ്ധ്യമങ്ങൾ റിപ്പോർട്ട് ചെയ്യുന്നത്. എന്നാൽ യൂബർ തങ്ങളുടെ ക്യാബ് സേവനം ഇന്ത്യയിൽ തുടരും. എതിരാളിയായ ഒലയുമായി മത്സരിക്കുന്നുമെന്നും റിപ്പോർട്ടിൽ പറയുന്നു.

ഓൺലൈനിലൂടെയുള്ള ഭക്ഷണ വിതരണത്തിന് ആവശ്യമായ റെസ്റ്റോറന്റുകൾ കണ്ടെത്തിയത് മുതൽ എല്ലാ പ്രവ‌ത്തനങ്ങളും സൊമാറ്റോയാണ് ആരംഭിച്ചത്. അഞ്ഞൂറിലധികം നഗരങ്ങളിൽ ഒരു പ്രമുഖ ഭക്ഷ്യ വിതരണ ബിസിനസ്സ് സൃഷ്ടിച്ചതിൽ തങ്ങൾ അഭിമാനിക്കുന്നുവെന്ന് സൊമാറ്റോ സ്ഥാപകനും സി.ഇ.ഒയുമായ ദീപീന്ദർ ഗോയൽ പറഞ്ഞു. ഈ ഏറ്റെടുക്കൽ തങ്ങളുടെ പ്രവ‌ർത്തനങ്ങളെ കൂടുതൽ വിപുലമാക്കുമെന്നും അദ്ദേഹം കൂട്ടിച്ചേർത്തു.

ഇന്ത്യയിലെ ഭക്ഷ്യവിതരണ ബിസിനസിൽ 2,200 കോടി രൂപയുടെ നഷ്ടം കഴിഞ്ഞ വർഷം യൂബർ നേരിട്ടിരുന്നുവെന്നും റിപ്പോർട്ടുകൾ വ്യക്തമാക്കുന്നു.ഇതിനെ തുടർന്നാണ് യൂബർ തങ്ങളുടെ ഓഹരികൾ വിൽക്കാൻ തീരുമാനിച്ചത്. ഈ എറ്റെടുക്കൽ നടപടിയിലൂടെ, യൂബര ഈറ്റ്സിന്റെ പ്രധാന ബിനിനസ് ഇടങ്ങളായിരുന്ന മധ്യപ്രദേശ്, തമിഴ്‌നാട്, കേരളം എന്നി പ്രദേശങ്ങളിൽ സോമാറ്റോയ്ക്ക് ശക്തമായ ചുവടുറപ്പിക്കാൻ സഹായിക്കും.

We entered food delivery in India in 2017 and today is when our journey takes a different route. Zomato has acquired Uber Eats in India and we'll no longer be available here with immediate effect. We wish all our users more good times with great food on the road ahead pic.twitter.com/WEbJNaJY8M

— Uber Eats India (@UberEats_IND) January 21, 2020