നേപ്പാളിൽ കൂട്ടദുരന്തത്തിന് കാരണം ഗ്യാസ് ഹീറ്ററിൽ നിന്ന് ചോ‌ർന്ന വിഷവാതകം.
എൽ.പി.ജി, പ്രൊപ്പെയ്ൻ, പ്രകൃതിവാതകം എന്നിവയാണ് ഗ്യാസ് ഹീറ്ററിന്റെ ഇന്ധനം.
തകരാറുണ്ടെങ്കിൽ കാർബൺ മോണോക്സൈഡ് പോലുള്ള വിഷവാതകങ്ങൾ പുറത്തുവരാം.
മുറിയിൽ സ്ഥിരമായി ഘടിപ്പിക്കുന്ന ഹീറ്ററുകളും, പോർട്ടബിൾ ഹീറ്ററുകളുമുണ്ട്. സ്ഥിരം ഹീറ്ററുകളിൽ വിഷവാതകം പുറത്തുകളയാൻ വെന്റുകൾ ഉണ്ടാകും. പോർട്ടബിൾ ഹീറ്ററുകളിൽ ഇതില്ല.
നേപ്പാളിൽ ഉപയോഗിച്ചത് പോർട്ടബിൾ ഔട്ട്ഡോർ ഹീറ്റർ ആണെന്നാണ് റിപ്പോർട്ട്
കാർബൺ മോണോക്‌സൈഡിന് നിറമോ മണമോ രുചിയോ ഇല്ലാത്തതിനാൽ ശ്വസിക്കുന്നത് അറിയില്ല
ശ്വസിച്ചാൽ ശരീരത്തിന് ഓക്സിജൻ ആഗിരണം ചെയ്യാനുള്ള കഴിവു നഷ്ടപ്പെടും.
ഓക്സിജൻ രക്തത്തിലെ ഹീമോേഗ്ലാബിനൊപ്പമാണ് ശരീരത്തിലെത്തുന്നത്. ഓക്സിജനൊപ്പം കാർബൺ മോണോക്‌സൈഡും ശരീരത്തിലെത്തിയാൽ ഹീമോഗ്ലോബിൻ ആദ്യം സ്വീകരിക്കുക കാർബൺ മോണോക്‌സൈഡിനെയാണ്
ഹീമോഗ്ലോബിനെ കൂട്ടുപിടിച്ച് കാർബൺമോണോക്സൈഡ് കോശങ്ങളിലെല്ലാം എത്തും. പ്രാണവായു കിട്ടാതെ കോശങ്ങൾ നശിക്കും.
ഏതാനും മിനിറ്റു മതി ശരീരത്തെ മരണാസന്നമാക്കാൻ.
വിഷവാതകം ശ്വസിച്ചാൽ കടുത്ത ശ്വാസതടസം. ഉടൻ വായുസഞ്ചാരമുള്ള സ്ഥലത്തേക്ക് മാറണം