തി​രു​വ​ന​ന്ത​പു​രം: സ്ത്രീ​ക​ളെ പൊ​ലീ​സ് സ്റ്റേ​ഷ​നി​ലേ​ക്ക് വി​ളി​ച്ച് വ​രു​ത്തു​ന്ന​തും അ​വ​രു​ടെ മൊ​ഴി രേ​ഖ​പ്പെ​ടു​ത്തു​ന്ന​തും സം​ബ​ന്ധി​ച്ച് നി​ല​വി​ലു​ള​ള വ്യ​വ​സ്ഥ​ക​ൾ ക​ർ​ശ​ന​മാ​യി പാ​ലി​ക്കാ​ൻ പൊലീസിന് നിർദേശം നൽകി സം​സ്ഥാ​ന പോ​ലീ​സ് മേ​ധാ​വി ലോ​ക്നാ​ഥ് ബെ​ഹ്റ. നി​യ​മ​പ്ര​കാ​ര​മു​ള​ള വ്യ​വ​സ്ഥ​ക​ൾ പാ​ലി​ക്കാ​ത്ത ഉ​ദ്യോ​ഗ​സ്ഥ​ർ​ക്കെ​തി​രെ വ​കു​പ്പു​ത​ല ന​ട​പ​ടിയുണ്ടാകുമെന്നും ഡി.ജി.പി മു​ന്ന​റി​യി​പ്പ് ന​ൽ​കി​യി​ട്ടു​ണ്ട്. ഒ​രു വ​നി​ത ന​ൽ​കു​ന്ന വി​വ​ര​ങ്ങ​ളും മൊ​ഴി​യും സ്വീ​ക​രി​ക്കു​ന്ന​തി​ന് ക്രി​മി​ന​ൽ ന​ട​പ​ടി നി​യ​മ സം​ഹി​ത പ്ര​കാ​രം വ്യ​ക്ത​മാ​ക്കി​യി​ട്ടു​ള​ള വ്യ​വ​സ്ഥ​ക​ൾ ക​ർ​ശ​ന​മാ​യി പാ​ലി​ക്ക​ണ​മെ​ന്ന് അ​ദ്ദേ​ഹം നി​ർ​ദ്ദേ​ശി​ച്ചു.

ഇ​ന്ത്യ​ൻ ശി​ക്ഷാ​നി​യ​മ​ത്തി​ലെ വകുപ്പുകൾ പ്രകാരം കു​റ്റ​കൃ​ത്യ​ങ്ങ​ൾ​ക്ക് ഇ​ര​യാ​യ സ്ത്രീ ​അ​ക്കാ​ര്യം അ​റി​യി​ക്കു​ന്ന​ പ​ക്ഷം ഒ​രു വ​നി​താ പൊലീ​സ് ഓ​ഫീ​സ​ർ ആ ​വി​വ​രം രേഖപ്പെടുത്തണം. കു​റ്റ​കൃ​ത്യ​ത്തി​ന് ഇരയാകുന്ന സ്ത്രീ​ക​ൾ​ക്ക് നി​യ​മ​സം​ര​ക്ഷ​ണ​വും ആ​രോ​ഗ്യ പ്ര​വ​ർ​ത്ത​ക​രു​ടേ​യോ വ​നി​താ സം​ഘ​ട​ന​ക​ളു​ടേ​യോ ര​ണ്ടു​കൂ​ട്ട​രു​ടേ​യു​മോ സഹായം ലഭ്യമാക്കാനുള്ള ഉത്തരവാദിത്തവും പൊലീസിനുണ്ട്. സ്ത്രീക്ക് ​താ​ത്​ക്കാ​ലി​ക​മാ​യോ സ്ഥി​ര​മാ​യോ ശാ​രീ​രി​ക​മോ മാ​ന​സി​ക​മോ ആ​യി വൈ​ക​ല്യം നേ​രി​ടു​ന്ന​വ​രാ​ണെ​ങ്കി​ൽ വി​വ​ര​ങ്ങ​ൾ രേ​ഖ​പ്പെ​ടു​ത്തേ​ണ്ട​ത് കു​റ്റ​കൃ​ത്യ​ത്തി​ന് വി​ധേ​യ​യാ​യ സ്ത്രീ​യു​ടെ വീ​ട്ടി​ൽ വ​ച്ചോ അ​വ​ർ​ക്ക് സുരക്ഷിതമെന്ന് തോന്നുന്ന സ്ഥ​ല​ത്തു​വ​ച്ചോ ആ​യി​രി​ക്ക​ണം.

ഒ​രു സ്പെ​ഷ്യ​ൽ എ​ഡ്യൂ​ക്കേ​റ്റ​റു​ടേ​യോ ഇ​ന്റർ​പ്ര​ട്ട​റു​ടേ​യോ മെ​ഡി​ക്ക​ൽ ഓ​ഫീ​സ​റു​ടേ​യോ സാ​ന്നിദ്ധ്യ​ത്തി​ൽ വേ​ണം വി​വ​ര​ങ്ങ​ൾ രേ​ഖ​പ്പെ​ടു​ത്തേ​ണ്ട​ത്. മൊ​ഴി ഓ​ഡി​യോ വീ​ഡി​യോ സ​ങ്കേ​ത​ങ്ങ​ൾ ഉ​പ​യോ​ഗി​ച്ച് റി​ക്കാ​ർ​ഡ് ചെ​യ്യാ​വു​ന്ന​താ​ണ്. വ​നി​ത​ക​ൾ ന​ൽ​കു​ന്ന മൊ​ഴി​ക​ൾ ഒ​പ്പി​ട്ടു​വാ​ങ്ങേ​ണ്ട ആ​വ​ശ്യ​വു​മി​ല്ല. ഒ​രു സ്ത്രീ​യേ​യും പൊലീ​സ് സ്റ്റേ​ഷ​നി​ൽ വി​ളി​ച്ചു​വ​രു​ത്താ​ൻ പാ​ടി​ല്ലെന്നും നിയമമുണ്ട്.

മാ​ത്ര​മ​ല്ല അ​വ​രു​ടെ മൊ​ഴി രേ​ഖ​പ്പെ​ടു​ത്തു​ന്ന​ത് അ​വ​രു​ടെ താ​മ​സ​സ്ഥ​ല​ത്ത് വ​ച്ചാ​യി​രി​ക്കു​ക​യും വേ​ണം. കേ​സ​ന്വേ​ഷ​ണ​വും ചോ​ദ്യം ചെ​യ്യ​ലും ന​ട​ത്തു​ന്ന ഉ​ദ്യോ​ഗ​സ്ഥ​ർ വ്യ​ക്തി​ക​ളു​ടെ നി​യ​മ​പ​ര​വും മാ​നു​ഷി​ക​വു​മാ​യ അ​വ​കാ​ശ​ങ്ങ​ളെ മാ​നി​ക്കേണ്ടതാണ്. ക്രിമിനൽ പ്രോസീജ്യറൽ കോഡുമായി ബ​ന്ധ​പ്പെ​ട്ട വ്യ​വ​സ്ഥ​ക​ൾ ചി​ല ഉ​ദ്യോ​ഗ​സ്ഥ​ർ ലം​ഘി​ക്കു​ന്ന​താ​യി ശ്ര​ദ്ധ​യി​ൽ​പ്പെ​ട്ട​തി​നെ തു​ട​ർ​ന്നാ​ണ് പു​തി​യ നി​ർ​ദ്ദേ​ശ​ങ്ങ​ൾ ഇപ്പോൾ പു​റ​പ്പെ​ടു​വി​ച്ചി​രി​ക്കു​ന്ന​ത്.