തി​രു​വ​ന​ന്ത​പു​രം: പു​ര​പ്പു​റ സൗ​രോ​ർജ പ​ദ്ധ​തി​യിൽ നിന്ന് ആദ്യഘട്ടത്തിൽ ലക്ഷ്യമിടുന്ന 46.5 മെ​ഗാ​വാ​ട്ട്​ വൈ​ദ്യു​തോ​ത്പാ​ദ​ന​ത്തി​നു​ള്ള ക​രാ​റി​ൽ കെ.​എ​സ്.​ഇ.​ബി ഒ​പ്പു​വെ​ച്ചു. ടെ​ൻഡ​റി​ലൂ​ടെ തിര​ഞ്ഞെ​ടു​ത്ത ടാ​റ്റ പ​വർ സോ​ളാർ സി​സ്​​റ്റം, വാ​രി എ​ൻജി​നീ​യേ​ഴ്​​സ്​ ലി​മി​റ്റ​ഡ്, ഇ​ൻകൽ ലിമിറ്റഡ് ​എ​ന്നീ കമ്പനികളുമായാണ് മ​ന്ത്രി എം.​എം.മ​ണി​യു​ടെ സാ​ന്നി​ദ്ധ്യത്തിൽ നടന്ന ചടങ്ങിൽ കരാർ ഒപ്പുവച്ചത്. ​

പു​ര​പ്പു​റ​ത്ത്​ സോ​ളാ​ർ പാ​ന​ൽ സ്ഥാ​പി​ക്കാൻ സ​ന്ന​ദ്ധ​രാ​യി ര​ജി​സ്റ്റർ ചെ​യ്​​ത 2,78,265 പേ​രി​ൽ​നി​ന്ന്​ 42,500 പേ​രാ​ണ്​ ചു​രു​ക്ക​പ്പ​ട്ടി​ക​യി​ലു​ള്ള​ത്. ഇ​വ​രി​ൽ​നി​ന്ന്​ തി​ര​ഞ്ഞെ​ടു​ത്ത​വ​രു​ടെ വീ​ടു​ക​ളി​ലാ​ണ്​ ആ​ദ്യ​ഘ​ട്ട​ത്തി​ൽ പാ​ന​ലു​ക​ൾ സ്ഥാ​പി​ക്കു​ക. ഇ​തി​ന്​ പു​റ​മെ സ​ർക്കാർ സ്ഥാപനങ്ങളുമുണ്ട്. നി​ല​യ​ങ്ങ​ളു​ടെ നി​ർമ്മാണ പ്ര​വർ​ത്ത​ന​ങ്ങ​ൾ ഫെ​ബ്രു​വ​രി​യോ​ടെ ആ​രം​ഭി​ക്കും. 2020 ജൂ​​​ണോ​ടെ ആ​ദ്യ​ഘ​ട്ട പ്ര​വ​ർ​ത്ത​ന​ങ്ങ​ൾ പൂ​ർ​ത്തി​യാ​കും.

2021ഓടെ 1000 മെ​ഗാ​വാ​ട്ട് സോ​ളാ​ർ വൈ​ദ്യു​തി ഉ​ത്പാ​ദി​പ്പി​ക്കാ​നാ​ണ് കേ​ര​ളം ല​ക്ഷ്യ​മി​ടു​ന്ന​ത്. ഇ​തി​ൽ 500 മെ​ഗാ​വാ​ട്ട്​ പു​ര​പ്പു​റ സൗ​രോ​ർജ പ​ദ്ധ​തി​യി​ലൂ​ടെ ഉ​ത്​പാ​ദി​പ്പി​ക്കും. ശേ​ഷി​ക്കു​ന്ന 500 മെ​ഗാ​വാ​ട്ട്​ നി​ല​വി​ലെ ഡാ​മു​ക​ളിൽ സോ​ളാ​ർ പാ​ന​ലു​ക​ൾ സ്ഥാ​പി​ച്ച്‌​ ക​ണ്ടെ​ത്തും. ഇ​ടു​ക്കി പ​ദ്ധ​തി​യു​ടെ വി​വി​ധ ഭാ​ഗ​ങ്ങ​ളി​ലാ​യി 400 മെ​ഗാ​വാ​ട്ട്, ബാ​ണാ​സു​ര സാ​ഗ​ർ പ​ദ്ധ​തി പ്ര​ദേ​ശ​ത്ത്​ 100 മെ​ഗാ​വാ​ട്ട്​ എ​ന്നി​ങ്ങ​നെ 500 മെ​ഗാ​വാ​ട്ടി​നു​ള്ള ഫ്ലോ​ട്ടിംഗ് സോ​ളാർ പ​ദ്ധ​തിക്കാ​യു​ള്ള പ്രാ​രം​ഭ​പ്ര​വ​ർത്തനങ്ങൾ ആരംഭിച്ചിട്ടുണ്ട്. ​

കെ.​എ​സ്.​ഇ.​ബി​യു​ടെ ഉ​ട​മ​സ്ഥ​ത​യി​ലു​ള്ള ബ്ര​ഹ്​​മ​പു​രം, അ​ഗ​ളി, ക​ഞ്ചി​ക്കോ​ട്​ എ​ന്നി​വി​ട​ങ്ങ​ളി​ലാ​യി എ​ട്ട്​ മെ​ഗാ​വാ​ട്ട്​ ശേ​ഷി​യു​ള്ള സൗ​രോ​ർജ നി​ല​യ​ങ്ങ​ൾക്കു​ള്ള ടെ​ൻ​ഡ​ർ ന​ട​പ​ടി​ക​ളും പു​രോ​ഗ​മി​ക്കു​ക​യാ​ണ്. ഊ​ർ​ജ സെ​ക്ര​ട്ട​റി ഡോ. ​ബി. അ​ശോ​ക്, കെ.​എ​സ്.​ഇ.​ബി ചെ​യ​ർ​മാൻ എ​ൻ.​എ​സ്. പി​ള്ള, ടാ​റ്റ സോ​ളാ​ർ പ​വ​ർ പ്ര​തി​നി​ധി ര​വീ​ന്ദ​ർ സിംഗ്, സൗ​ര​പ​ദ്ധ​തി​യു​ടെ സം​സ്ഥാ​ന കോ​ഓ​ഡി​നേ​റ്റ​ർ നാ​സ​റു​ദ്ദീ​ൻ എ​ന്നി​വർ സം​ബ​ന്ധി​ച്ചു.