അമ്പലപ്പുഴ: മകനോടൊപ്പം ബൈക്കിൽ യാത്ര ചെയ്യുന്നതിനിടയിൽ കെ.എസ്.ആർ.ടി.സി ബസിടിച്ച് അച്ഛൻ മരിച്ചു. പരിക്കേറ്റ മകനെ ആലപ്പുഴ മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. പുന്നപ്ര തെക്ക് പഞ്ചായത്ത് പത്താം വാർഡിൽ അഞ്ചിൽ വീട്ടിൽ ശിവദാസ് (71) ആണ് മരിച്ചത്. ബൈക്ക് ഓടിച്ചിരുന്ന മകൻ ശ്യാംദാസി(37)നാണ് പരിക്കേറ്റത്.

ദേശീയപാതയിൽ വലിയചുടുകാട് ജംഗ്ഷനിൽ ഇന്ന് രാവിലെ 1.30 ഓടെ ആയിരുന്നു അപകടം. തടിപ്പണിക്കാരായ ഇരുവരും ആലപ്പുഴയിലേക്ക് പോകുന്നതിനിടയിൽ കെ.എസ്.ആർ.ടി.സി ബസ് ഇടിക്കുകയായിരുന്നു. പരിക്കേറ്റ ഇരുവരേയും മെഡിക്കൽ കോളേജ് ആശുപത്രിയിലെത്തിച്ചെങ്കിലും അച്ഛന്റെ ജീവൻ രക്ഷിക്കാനായില്ല.