കറാച്ചി: ജമ്മു കാശ്മീരിന്റെ പ്രത്യേക പദവി ഇന്ത്യ എടുത്തുകളഞ്ഞത് അന്താരാഷ്ട്ര തലത്തിൽ ഉയർത്തിക്കൊണ്ടുവരാനുള്ള ശ്രമം പരാജയപ്പെട്ടതിന് വ്യാപാരമേഖലയിലും പാകിസ്ഥാന് തിരിച്ചടി. സ്റ്റേറ്റ് ബാങ്ക് ഓഫ് പാക്കിസ്ഥാന്റെ കണക്കുകളിലാണ് വ്യാപാരരംഗത്തെ തിരിച്ചടിയെക്കുറിച്ച് വ്യക്തമാക്കുന്നത്. പാക്കിസ്ഥാനിലെ ഡോൺ ദിനപ്പത്രം കണക്കുകൾ പുറത്തുവിട്ടത്.

ഇന്ത്യയിലേക്ക് 2018-19 സാമ്പത്തിക വർഷത്തിൽ ജൂലായ് - ഡിസംബർ കാലയളവിൽ, 213 ദശലക്ഷം ഡോളറിന്റെ ഉത്പന്നങ്ങളാണ് പാകിസ്ഥാനിൽ നിന്ന് കയറ്റി അയച്ചത്. ഇത് 2019-20 സാമ്പത്തിക വർഷത്തിൽ 16.8 ദശലക്ഷം ഡോളറായി ഇടിഞ്ഞു. 92.2 ശതമാനത്തിന്റെ ഇടിവാണ് ഇന്ത്യയിലേക്കുള്ള കയറ്റുമതിയിൽ ഉണ്ടായത്. ഇന്ത്യയിൽ നിന്നുള്ള കയറ്റുമതിയിലും കുറവുണ്ടായി. 865 ദശലക്ഷം ഡോളറിൽ നിന്ന് 286.6 ദശലക്ഷം ഡോളറിലേക്കാണ് ഇടിവ്.

ഇന്ത്യയിൽ നിന്നുള്ള ഇറക്കുമതിയിൽ മാത്രമല്ല പാക്കിസ്ഥാന്റെ ഏറ്റവും അടുത്ത വ്യാപാര സുഹൃത്തായ ചൈനയിൽ നിന്നുള്ള ഇറക്കുമതി അഞ്ച് ബില്യൺ ഡോളറിൽ നിന്ന് 4.8 ബില്യൺ ഡോളറായി ഇടിഞ്ഞു.