ഏറെ നാളത്തെ സസ്പെൻസിന് വിരാമമിട്ട് നടന്‍ ബാലു വര്‍ഗീസും നടിയും മോഡലുമായ എലീന കാതറിനും തമ്മിലുള്ള വിവാഹ നിശ്ചയം കഴിഞ്ഞു. ഇരുവരും പ്രണയത്തിലായിരുന്നു. അടുത്ത ബന്ധുക്കളും സുഹൃത്തുക്കളും ചടങ്ങില്‍ പങ്കെടുത്തു. ആസിഫ് അലിയുമൊത്ത് ഡാൻസ് കളിച്ച് ആണ് ബാലു സ്റ്റേജിൽ എത്തിയത്. നടൻ ലാൽ ബാലുവിന്റെ ബന്ധു ആണ്. ഇരുവരെയും ലാൽ ആശംസിക്കുകയും ചെയ്യുകയും ചെയ്തു. "ഇന്ന് ബാലുവിന്റെയും എലീനയുടെയും ദിവസമാണ്. കുറേ ദിവസത്തെ ആകാംഷയ്ക്കും സസ്പെൻസിനുമൊക്കെ വിരാമമിട്ട ദിവസം. ഇന്ന് ഇവര് സമ്മതമാണോ എന്ന് പള്ളിയിൽ പറയുമോ ഇല്ലയോ എന്ന ടെൻഷനിനിലായിരുന്നെ"ന്നും ലാൽ പറഞ്ഞു.
ആസിഫ് അലിയും ഐശ്വര്യ ലക്ഷ്മിയും നായികാ നായകന്മാരായെത്തിയ വിജയ് സൂപ്പറും പൗര്‍ണമിയും എന്ന ചിത്രത്തില്‍ ഇരുവരും ഒന്നിച്ചഭിനയിച്ചിരുന്നു. കഴിഞ്ഞ മാസം എലീനയുടെ പിറന്നാളാഘോഷ ദിനത്തില്‍ ബന്ധുക്കളുടെയും സുഹൃത്തുക്കളുടെയും സാന്നിദ്ധ്യത്തില്‍ ബാലു എലീനയെ പ്രൊപ്പോസ് ചെയ്തിരുന്നു. ഇതിന്റെ സന്തോഷം പ്രകടിപ്പിച്ച് എലീന ഇന്‍സ്റ്റഗ്രാമില്‍ പങ്കുവച്ച പോസ്റ്റിലൂടെയാണ് പ്രണയം പുറത്തുവിട്ടത്. ലാല്‍ ജോസ് ചിത്രം ചാന്തുപൊട്ടിലൂടെ അഭിനയരംഗത്തേക്കെത്തിയ ബാലു ഇതിനോടകം നാല്‍പതോളം ചിത്രങ്ങളില്‍ അഭിനയിച്ചിട്ടുണ്ട്. ഹണീ ബീ, കിംഗ് ലയര്‍, കവി ഉദ്ദേശിച്ചത്, ഇതിഹാസ, വിജയ് സൂപ്പറും പൗര്‍ണമിയും തുടങ്ങിയ ചിത്രങ്ങളില്‍ ശ്രദ്ധേയ വേഷങ്ങള്‍ കൈകാര്യം ചെയ്തിട്ടുണ്ട്. റിയാലിറ്റി ഷോയിലൂടെയാണ് എലീന മോഡലിങ്ങിലേക്കെത്തുന്നത്.