തിരുവനന്തപുരം: കൊച്ചി സിറ്റിയിലും പ്രാന്തപ്രദേശങ്ങളിലും തിരുവനന്തപുരം നഗരത്തിലെ തിരഞ്ഞെടുത്ത പ്രദേശങ്ങളിലും എ.ഡി.ബി ധനസഹായത്തോടെ 24- 7 ജലവിതരണപദ്ധതി ഇക്കൊല്ലം ആരംഭിച്ച് 2029ൽ പൂർത്തിയാക്കുമെന്ന് ഗവർണർ നയപ്രഖ്യാപനത്തിൽ പറഞ്ഞു.

വനിതകൾ കുടുംബനാഥകളായ കുടുംബങ്ങൾക്ക് അപ്രതീക്ഷിത സാമ്പത്തികപ്രതിസന്ധികളിൽ 50,000രൂപ വരെ ഒറ്റത്തവണ സാമ്പത്തികസഹായം നൽകുന്ന അതിജീവിക പദ്ധതി

 തിരുവനന്തപുരത്ത് ഡാം സേഫ്റ്റി ആസ്ഥാനം

 വെള്ളപ്പൊക്കവും മണ്ണൊലിപ്പും തടയൽ പദ്ധതി

 പുതിയ ഹൗസിംഗ് നയം ഈവർഷം

നിക്ഷേപകർക്കായി 24-7 ടോൾഫ്രീ നമ്പർ

 കാക്കനാട് 15ഏക്കറിൽ ലോകനിലവാരത്തിലുള്ള എക്സിബിഷൻ കം കൺവെൻഷൻ സെന്റർ

 കൈത്തറിമേഖലയിലെ സ്ത്രീത്തൊഴിലാളികൾക്കായി ഹാന്റ്ലൂം ഫാമിലി വെൽഫെയർ സ്കീം

 ഓരോ ജില്ലയ്‌ക്കും ഇൻഫർമേഷൻ ഹബ്ബ്

മൂന്ന് മേഖലകളിൽ നിർമ്മാണ- പൊളിക്കൽ വേസ്റ്റുകൾക്കായി പ്ലാന്റുകൾ

 എൻജിനിയറിംഗ് കോളേജുകളുടെ സഹായത്തോടെ 1420കി.മീ. റോഡുകളെ പി.എം.ജി.എസ്.വൈ രൂപകല്പനാനിലവാരത്തിലേക്കുയർത്തും

പ്രളയവും ഉരുൾപൊട്ടലും ഗുരുതരമായി ബാധിച്ച തിരഞ്ഞെടുത്ത ഗ്രാമപഞ്ചായത്തുകൾക്കായി ലാൻഡ് യൂസ് ഡിസിഷൻ മോഡലുകൾ

 6 മുനിസിപ്പൽ കോർപ്പറേഷനുകളിലും തിരുവനന്തപുരം, എറണാകുളം, കോഴിക്കോട് ജില്ലകളിലെ 60ലേറെ കേന്ദ്രങ്ങളിലും പരീക്ഷണാടിസ്ഥാനത്തിൽ ഇലക്ട്രിക് വെഹിക്കിൾ ചാർജിംഗ് സ്റ്റേഷൻ

പ്രധാന സംസ്ഥാനപാതകൾ നാലുവരിയാക്കും

 ട്രാവൻകൂർ പൈതൃക പദ്ധതി ഈ വർഷം

സെമി ഹൈസ്‌പീഡ്

റെയിൽ കോറിഡോർ

കാസർകോട് -തിരുവനന്തപുരം യാത്ര 4മ ണിക്കൂറിൽ താഴെയാക്കാൻ അഞ്ച് വർഷം കൊണ്ട് സിൽവർലൈൻ എന്ന പേരിൽ സെമി ഹൈസ്പീഡ് റെയിൽ കോറിഡോർ നടപ്പാക്കും.

ഇന്ത്യയിലെ ആദ്യത്തെ സോളാർ ഇലക്ട്രിക് റോ-റോ സർവ്വീസും കരയിലും വെള്ളത്തിലും സഞ്ചരിക്കുന്ന ആദ്യ വാട്ടർബസ്സും ഈ വർഷം

 മലപ്പുറത്ത് അന്തർദ്ദേശീയ ഡ്രൈവിംഗ് ടെസ്റ്റിംഗ് ട്രാക് കം ഡ്രൈവർ കോച്ചിംഗ് സെന്റർ

 അപകടത്തിനിരയായവർക്ക് അപകടത്തിന്റെ ആദ്യ 48മണിക്കൂറിൽ 50,000രൂപ വരെയുള്ള ചികിത്സാചെലവുകൾ വഹിക്കാൻ ഗോൾഡൻ അവർ മെഡിക്കൽ ട്രീറ്റ്മെന്റ് പദ്ധതി -ട്രാഫിക് വിദ്യാഭ്യാസവും

 റോഡ് സുരക്ഷയും സ്കൂൾപാഠ്യപദ്ധതിയിൽ

കെ.എസ്.ആർ.ടി.സിക്ക് 300 പുതിയ ഡീസൽ വാഹനങ്ങൾ. 100 വാഹനങ്ങൾ സി.എൻ.ജി ഇന്ധനത്തിലേക്ക്