ന്യൂഡൽഹി: യമുനാനനദിയിൽ കുപ്പായമൂരി മുങ്ങിവരാൻ ഡൽഹി മുഖ്യമന്ത്രി അരവിന്ദ് കെ‌ജ്‌രിവാളിനെ വെല്ലുവിളിച്ച് കേന്ദ്ര ആഭ്യന്തരമന്ത്രി അമിത് ഷാ. ഡൽഹി നിയമസഭാ തിരഞ്ഞെടുപ്പ് പ്രചാരണ യോഗത്തിലാണ് അമിത് ഷായുടെ വെല്ലുവിളി. ധൈര്യമുണ്ടെങ്കില്‍ കുപ്പായമൂരി യമുനാ നദിയിൽ മുങ്ങി വരാനാണ് അമിത് ഷായുടെ വെല്ലുവിളി. നദിയുടെ ശുദ്ധീകരണത്തിനായി സംസ്ഥാന സർക്കാർ ഒന്നും ചെയ്തില്ലെന്നും യമുനയെ സംസ്ഥാന സർക്കാർ അവഗണിക്കുകയാണെന്നും അമിത് ഷാ ആരോപിച്ചു.
യമുനാ നദി ശുദ്ധീകരിച്ചുവെന്നാണ് ആം ആദ്മി പാർട്ടി പറയുന്നത്. ധൈര്യമുണ്ടെങ്കിൽ കെജ്‌രിവാൾ കുപ്പായമൂരി യമുനയിലൊന്ന് മുങ്ങിനിവരണം. നദിയുടെ അവസ്ഥ നിങ്ങൾക്ക് ബോധ്യപ്പെടുമെന്ന് അമിത് ഷാ പറഞ്ഞു. നജഫ്ഗഢിലെ തിരഞ്ഞെടുപ്പ് റാലിയില്‍ സംസാരിക്കുകയായിരുന്നു അമിത് ഷാ.