"നമ്മുടെ പൗരത്വം ഒരിക്കലും മതത്തിന്റെ അടിസ്ഥാനത്തിലാകരുത്. കാരണം അത് ഭരണഘടനയുടെ അടിസ്ഥാന ഘടകമായ മതേതരത്വത്തിന്റെ ഓരോ അണുവിനും എതിരാണ്. ഭരണഘടനയുടെ അടിസ്ഥാന മൂല്യങ്ങൾക്ക് എതിരാണ് 2019ലെ പൗരത്വഭേദഗതി നിയമമെന്ന് എന്റെ സർക്കാർ വിശ്വസിക്കുന്നതുകൊണ്ടു തന്നെ അത് റദ്ദ് ചെയ്യണമെന്ന് ഈ മഹത്തായ സ്ഥാപനം (നിയമസഭ) ഏകകണ്ഠമായി പാസാക്കിയ പ്രമേയത്തിലൂടെ കേന്ദ്രസർക്കാരിനോട് അഭ്യർത്ഥിക്കുകയുണ്ടായി. അതിനനുബന്ധമായി ഭരണഘടനയുടെ 131ാം അനുച്ഛേദം അനുസരിച്ച് ബഹുമാന്യ സുപ്രീംകോടതിയിൽ ഒറിജിനൽ സ്യൂട്ടും എന്റെ സർക്കാർ ഫയൽ ചെയ്യുകയുണ്ടായി."