അശ്വതി, കാർത്തിക, രോഹിണി, തിരുവാതിര, പൂയം, ഉത്രം, ചിത്തിര, വിശാഖം, ഉത്രട്ടാതി എന്നീ നക്ഷത്രക്കാർക്ക് ഗജകേസരി യോഗം 2020ൽ പറയപ്പെടുന്നു. ഒന്ന് ശ്രമിച്ചു കഴിഞ്ഞാൽ ധനം, തൊഴിൽ, അഭിവൃദ്ധി തുടങ്ങി ഏതു മേഖലയിലായാലും എത്തിച്ചേരുന്നതിന് അമാന്തമുണ്ടാവില്ല. ഉദാഹരണമായി പറഞ്ഞാൽ ചെറിയൊരു വാഹനം പോലും വാങ്ങാൻ ശ്രമിക്കുന്ന ഈ നക്ഷത്രക്കാർക്ക് ഒരുപക്ഷേ അത്യാഡംബരങ്ങളായവ വന്നു ചേർന്നേക്കാം. എന്നാൽ ജാതകം വിശദമായി പരിശോധിച്ച് ദോഷങ്ങൾ കണ്ടെത്തിയാൽ അത് പരിഹരിക്കുകയും ചെയ്യേണ്ടത് അതാവശ്യമാണ്.

മറ്റ് നക്ഷത്രങ്ങളുടെ ഫലവും പരിശോധിക്കാം-

എട്ടിൽ ശനി വരുന്ന നക്ഷത്രങ്ങളായ മിഥുനം രാശിയിലുള്ള മകയിരം രണ്ടാം പാദം തിരുവാതിര, പുണർതം മുക്കാൽ ചേർന്ന നക്ഷത്രത്തിന് ശനി എട്ടിലാണ് വരുന്നത്. ഇങ്ങനെ വരുമ്പോൾ അവരുടെ ജീവിത്തിൽ ശനീശ്വരന്റെ ഒരുപാട് സൗഭാഗ്യങ്ങൾ ലഭിക്കും. ആറിൽ വ്യാഴം അലറിക്കരയും എന്നാണ്. ഇവരെ സംബന്ധിച്ച് ഏഴിൽ വരുന്ന വ്യാഴം ആറിന്റെ ഫലം തരുന്നത് കൊണ്ടുമാത്രമാണ് നിങ്ങളുടെ ജീവിതം ഈ വരുന്ന ഒരു വർഷക്കാലം ബുദ്ധിമുട്ടിലാക്കുന്നത്. അല്ലാതെ ശനിയുടെ കുഴപ്പമല്ല എന്നാണ് പറയപ്പെടുന്നത്.

എട്ടിൽ നിൽക്കുന്ന മകയിരം, രണ്ടാം പാദം, തിരുവാതിര, പുണർതം മുക്കാൽ ചേർന്ന മിഥുനം രാശിക്കൂറുകാർക്ക് എട്ടിലേക്ക് മാറുന്ന ശനി വളരെ സൗഭാഗ്യങ്ങൾ കൊണ്ടുവരും. ക്രയവിക്രയങ്ങളെല്ലാം നടത്തിക്കഴിഞ്ഞാൽ നല്ല രീതിയിൽത്തന്നെ ശനിയുടെ അനുഗ്രഹം ഉണ്ടാകും.

ചിങ്ങം രാശിയിലുള്ള മകം, പൂരം, ഉത്രംകാർ ചേർന്ന രണ്ടേകാൽ നക്ഷത്രക്കാർക്ക് ശനി ആറിലാണ് വരുന്നത്. വിദേശ യോഗം, ബിസിനസ് യോഗം, എന്നിവയുണ്ടാകും. ഈ രാശിക്കാർക്കാണ് ഏറ്റവും കൂടുതൽ ശനിയുടെ സൗഭാഗ്യം അനുഭവിക്കാനുള്ള യോഗം ഉണ്ടാവുക. ഇവർക്ക് വ്യാഴം അഞ്ചിലേക്ക് മാറമ്പോൾ നാലിന്റെ ഫലമാണ് ലഭിക്കുന്നത്. ഏറ്റവും ഉന്നതി ലഭിക്കുന്ന നക്ഷത്രം.

വൃശ്ചികം രാശിയിലുള്ള വിശാഖം, അനിഴം, തൃക്കേട്ട ചേർന്ന രണ്ടേകാൽ നക്ഷത്രക്കാർക്ക് ശനി മൂന്നിലേക്കാണ് വരുന്നത്. സഹായ സ്ഥാനത്തേക്കാണ് ശനി വരുന്നത്. ചിങ്ങം കൂറുകാർക്ക് കൊടുക്കുന്ന പോലെത്തന്നെ ഏറ്റവും കൂടുതൽ സൗഭാഗ്യം തരുന്ന നക്ഷത്രക്കാരാണ് ഇവരും. രാഹു എട്ടിലേക്കാണ് നിൽക്കുന്നത്. രാഹുവിന്റെ അനുഗ്രഹവും ലഭിക്കും.

മീനം രാശിയിലുള്ള നക്ഷത്രക്കാർ പൂരുരുട്ടാതി കാൽ ഭാഗം, ഉത്രട്ടാതി, രേവതി നക്ഷത്രക്കാർക്ക് ശനി 11ലാണ് വരുന്നത്. ഇവർക്ക് സർവാഭിഷ്ട സ്ഥാനത്തേക്കാണ് വരുന്നത്. ലോട്ടറി ഭാഗ്യം, ലാഭം എന്നിവ ഉണ്ടാകും.