പത്തനംതിട്ട: പൊതുവിദ്യാഭ്യാസ സംരക്ഷണയജ്ഞത്തിന്റെ ഭാഗമായി കേരളാ ഇൻഫ്രാസ്ട്രക്ചർ ആൻഡ് ടെക്‌നോളജി ഫോർ എഡ്യൂക്കേഷൻ (കൈറ്റ്) നടപ്പാക്കി വരുന്ന ഹൈടെക് സ്​കൂൾ​ ഹൈടെക് ലാബ് പദ്ധതി പ്രകാരം ജില്ലയിൽ ഏറ്റവും കൂടുതൽ പഠന സഹായം ലഭിച്ച സർക്കാർ സ്​കൂളുകളിൽ മുന്നിട്ട് നിൽക്കുകയാണ് ചിറ്റാർ ഗവൺമെന്റ് ഹയർ സെക്കൻഡറി സ്​കൂൾ.ചിറ്റാർ ഗവ.ഹയർ സെക്കൻഡറി സ്​കൂളിന് പദ്ധതി പ്രകാരം 43 ലാപ്‌ടോപ്പ്, 25 പ്രൊജക്ടർ, ഒരു ടെലിവിഷൻ,രണ്ട് വെബ്ക്യാം, ഒരു മൾട്ടി പ്രിന്റർ, ഒരു ഡി.എസ്.എൽ.ആർ കാമറ എന്നിങ്ങനെയാണ് ലഭിച്ചത്. സ്​കൂളിലെ ഹൈസ്​കൂൾ വിഭാഗത്തിൽ 16 ലാപ്‌ടോപ്പും 12 പ്രൊജക്ടറും,യു.പി വിഭാഗത്തിൽ ഒൻപത് ലാപ്‌ടോപ്പും നാല് പ്രൊജക്ടറുമാണ് ക്ലാസുകൾ ഹൈടെക് നിലവാരത്തിലേക്ക് ഉയർത്തുന്നതിന്റെ ഭാഗമായി പഠന അനുബന്ധ സംവിധാനങ്ങളായി ലഭിച്ചത്.പ്ലസ്ടു വിഭാഗത്തിൽ പത്ത് ക്ലാസുകളിലായി 10 പ്രൊജക്ടറുകളും പത്ത് ലാപ്‌ടോപ്പും ലാബിൽ എട്ട് ലാപ്‌ടോപ്പുകളും വിദ്യാർത്ഥികളുടെ പഠന ക്ലാസുകളെ ലളിതമാക്കാൻ ലഭ്യമായിട്ടുണ്ട്.ചിറ്റാർ ഗവൺമെന്റ് ഹയർ സെക്കൻഡറി സ്​കൂളിൽ അഞ്ചാം ക്ലാസ് മുതൽ പ്ലസ്ടുവരെ 1329 വിദ്യാർഥികളും 50 അദ്ധ്യാപകരുണമാണ് ഉള്ളത്.സങ്കേതിക വിദ്യയുടെ സഹായത്തോടെ വിദ്യാർഥികളെ പഠിപ്പിക്കാൻ അദ്ധ്യാപകർക്ക് കൈറ്റ് പ്രത്യേക പരിശീലനം നൽകിയിരുന്നു.ഹൈടെക് ക്ലാസുകൾ പഴയ പഠനരീതിയേക്കാൾ വിജ്ഞാനപ്രദമാണെന്ന് വിദ്യാർഥികൾ സാക്ഷ്യപ്പെടുത്തുന്നു.