കോന്നി: പഞ്ചായത്ത് കുടുംബശ്രീ സി.ഡി.എസിൽ സ്ത്രീകളുടെയും കുട്ടികളുടെയും ഉന്നമനം ലക്ഷ്യമാക്കി ജെന്റർ റിസോഴ്‌സ് സെന്റർ ആൻഡ് കമ്മ്യൂണിറ്റി കൗൺസലിംഗ് സെന്റർ പ്രവർത്തനം ആരംഭിച്ചു.പഞ്ചായത്ത് പ്രസിഡന്റ് രജനി എം.ഉദ്ഘാടനം ചെയ്തു.ബാലസഭ കുട്ടികളിൽ വായനശീലം വളർത്തുന്നതിനും അനുഭവക്കുറിപ്പുകൾ തയാറാക്കുന്നതിനും ലക്ഷ്യമിട്ട് ആരംഭിച്ച ബാല ലൈബ്രറിയുടെ ഉദ്ഘാടനം വൈസ് പ്രസിഡന്റ് പ്രവീൺ പ്ലാവിളയിൽ നിർവഹിച്ചു.ചെയർപേഴ്‌സൺ രത്‌നകുമാരി പി.അദ്ധ്യക്ഷതയായിരുന്നു.അക്കൗണ്ടന്റ് കെ.ആർ.ഉണ്ണികൃഷ്ണൻ,ജില്ലാ മിഷൻ കോ-ഓർഡിനേറ്റർ വിധു,ക്ഷേമകാര്യ സ്റ്റാന്റിംഗ് കമ്മിറ്റി ചെയർമാൻ മോഹൻ കാലായിൽ,ആരോഗ്യ വിദ്യാഭ്യാസ സ്റ്റാന്റിംഗ് കമ്മിറ്റി ചെയർപേഴ്‌സൺ അനി സാബു തോമസ്,വാർഡ് മെമ്പർമാരായ തുളസി മോഹൻ,ഓമന തങ്കച്ചൻ,റോജി ബേബി,സൗദാമിനി,ലൈല,ലിസി സാം,എ.ഡി.എം.സി.സലീന,എക്‌സൈസ് പ്രിവന്റീവ് ഓഫീസർ അയൂബ്ഖാൻ,സെക്രട്ടറി ശിവദാസ്,ഗായത്രി,സുലു,കോ-ഓർഡിനേറ്റർമാരായ ബിന്ദി മോഹൻ,ഐശ്വര്യ,ഋഷി എന്നിവർ പ്രസംഗിച്ചു.