അയി​രൂർ: ചെറു​കോൽപ്പുഴ പമ്പാ മണൽപ്പുറം (വി​ദ്യാ​ധി​രാ​ജ​ന​ഗർ) കഥ​ക​ളി​മേ​ള​യ്ക്കായി ചുട്ടി​കുത്തി ഒരു​ങ്ങി​ക്ക​ഴി​ഞ്ഞു. ജില്ലാ കഥ​ക​ളി​ ക്ല​ബ്ബിന്റെ രജ​ത​ ജൂ​ബിലി ആഘോ​ഷ​ങ്ങൾക്ക് തുടക്കം കുറി​ച്ചു​കൊണ്ട് നട​ക്കുന്ന പത്ത് നാൾ നീണ്ടു നിൽക്കുന്ന കഥ​ക​ളി​മേള ഇന്ന് രാവിലെ 11ന് ഡോ. കലാ​മ​ണ്ഡലം ഗോപി​ ഉദ്ഘാ​ടനം ചെയ്യും. ക്ലബ്ബിന്റെ ഒരു വർഷം നീണ്ടു നിൽക്കുന്ന രജത ജൂബിലി ആഘോ​ഷ​ങ്ങൾ ജില്ലാ കള​ക്ടർ പി.ബി.നൂഹ് ഉദ്ഘാ​ടനം ചെയ്യും. ക്ലബ്ബ് പ്രസി​ഡന്റ് വി. എൻ. ഉണ്ണി അദ്ധ്യക്ഷനായിരി​ക്കും. നാട്യ​ഭാ​രതി അവാർഡ് കഥ​കളി ചെണ്ട വാദ​കൻ കലാ​ഭാ​രതി ഉണ്ണി​ക്കൃ​ഷ്ണ​നും അയി​രൂർ നാട്യ​ഭാ​രതി ഗ്രന്ഥ​ശാല ഏർപ്പെ​ടു​ത്തിയ പ്രൊഫ. എസ്.ഗുപ്തൻനാ​യർ ജന്മ​ശ​താബ്ദി പുര​സ്‌കാരം സാഹിത്യ നിരൂ​പ​കൻ പി. കെ. രാജ​ശേ​ഖ​രനും നൽകും. ജില്ലാ കഥ​കളി ക്ല​ബ്ബിന്റെ രജ​ത​ജൂ​ബിലി ആഘോ​ഷ​ങ്ങ​ളുടെ ഭാഗ​മായി ഇന്ത്യൻ തപാൽ വകുപ്പ് പുറ​പ്പെ​ടുവിക്കുന്ന സ്‌പെഷ്യൽ കവ​റി​ന്റെയും സ്റ്റാമ്പിന്റെയും പ്രകാ​ശനം കേരള സർക്കിൾ ഡയ​റ​ക്ടർ ഓഫ് പോസ്റ്റൽ സർവ്വീസ് സെയ്ത് റഷീദ് നിർവ്വ​ഹി​ക്കും. ക്ലബ്ബ് രക്ഷാ​ധി​കാ​രി​യാ​യി​രുന്ന അഡ്വ. ടി. എൻ. ഉപേ​ന്ദ്രനാ​ഥ​ക്കു​റുപ്പ് അനു​സ്മ​രണം ഡോ. ജോസ് പാറ​ക്ക​ട​വിൽ നട​ത്തും. പ്രസാദ് കൈലാ​ത്ത്, ദിലീപ് അയി​രൂർ, പി.പി. രാമ​ച​ന്ദ്രൻ പിള്ള, ടി. ആർ. ഹരി​കൃ​ഷ്ണൻ, കലാ​നി​ലയം വിഷ്ണു എന്നി​വർ പ്രസം​ഗി​ക്കും. 12 മണി​മു​തൽ ഹയർ സെക്കന്ററി വിദ്യാർത്ഥി​കൾക്കായി പാഠാ​വ​ലി​യിലെ കേശി​നീ​മൊ​ഴി, പത്താം ക്ലാസ് വിദ്യാർത്ഥി​കൾക്കായി പാഠാ​വ​ലി​യിലെ പ്രലോ​ഭനം എന്നീ രംഗ​ങ്ങൾ അവ​ത​രി​പ്പി​ക്കും. വൈകിട്ട് 5.30 ന് നാട്യ​ഭാ​രതി മഹാ​ദേ​വൻ, കലാ​നി​ലയം രാകേഷ് എന്നി​വർ സന്ധ്യാ​കേളി അവ​ത​രി​പ്പി​ക്കും.
വൈകിട്ട് 6.30 മുതൽ ഡോ. കലാ​മ​ണ്ഡലം ഗോപി പങ്കെ​ടു​ക്കുന്ന നള​ച​രിതം ഒന്നാം ദിവസം 1 -ാം ഭാഗ. കെ. എൽ. കൃഷ്ണമ്മ ആട്ട​വി​ളക്ക് തെളി​ക്കും.